Hadith: “ស្ហៃតនបានមកដល់នរណាម្នាក់នៃពួកអ្នក ហើយវាសួរថា៖ តើអ្នកណាបង្កើតរបស់នេះ? តើអ្នកណាបង្កើតរបស់នោះ? រហូតដល់វាសួរថា៖ តើនរណាបង្កើតព្រះជាម្ចាស់របស់អ្នក? ប្រសិនបើគេបានឈានដល់ចំណុចនេះ សូមឲ្យគេស្វែងរកការជ្រកកោនពីអល់ឡោះ ហើយកុំបន្តទៀត”។
عَن أَبِي هُرَيْرَةَ رَضِيَ اللَّهُ عَنْهُ: قَالَ رَسُولُ اللَّهِ صَلَّى اللهُ عَلَيْهِ وَسَلَّمَ:
«يَأْتِي الشَّيْطَانُ أَحَدَكُمْ فَيَقُولُ: مَنْ خَلَقَ كَذَا؟ مَنْ خَلَقَ كَذَا؟ حَتَّى يَقُولَ: مَنْ خَلَقَ رَبَّكَ؟ فَإِذَا بَلَغَهُ فَلْيَسْتَعِذْ بِاللهِ وَلْيَنْتَهِ».
[صحيح] - [متفق عليه] - [صحيح البخاري: 3276]
المزيــد ...
អំពី អាពូហ៊ូរ៉យរ៉ោះ رضي الله عنه ថា៖ រ៉ស៊ូលុលឡោះ ﷺ លោកបានមានប្រសាសន៍ថា៖
“ស្ហៃតនបានមកដល់នរណាម្នាក់នៃពួកអ្នក ហើយវាសួរថា៖ តើអ្នកណាបង្កើតរបស់នេះ? តើអ្នកណាបង្កើតរបស់នោះ? រហូតដល់វាសួរថា៖ តើនរណាបង្កើតព្រះជាម្ចាស់របស់អ្នក? ប្រសិនបើគេបានឈានដល់ចំណុចនេះ សូមឲ្យគេស្វែងរកការជ្រកកោនពីអល់ឡោះ ហើយកុំបន្តទៀត”។
[صحيح] - [متفق عليه] - [صحيح البخاري - 3276]
ណាពី ﷺ លោកបានប្រាប់ពីវិធីព្យាបាលដ៏មានប្រសិទ្ធិភាព ដើម្បីឆ្លើយសំណួរដែលស្ហៃតនបានខ្សឹបប្រាប់អ្នកមានជំនឿ។ ស្ហៃតនបានសួរថា៖ តើអ្នកណាជាអ្នកបង្កើតរបស់នេះ? តើអ្នកណាជាអ្នកបង្កើតរបស់នោះ? តើអ្នកណាជាអ្នកបង្កើតមេឃ? តើអ្នកណាជាអ្នកបង្កើតផែនដី? ពេលនោះ អ្នកមានជំនឿនឹងឆ្លើយវាដោយផ្អែកលើច្បាប់សាសនា ធម្មជាតិ និងប្រាជ្ញារបស់គេ ដោយនិយាយថា៖ គឺអល់ឡោះ។ ក៏ប៉ុន្តែស្ហៃតនមិនបានបញ្ឈប់ការញុះញុងរបស់វាត្រឹមនេះនោះឡើយ។ ផ្ទុយទៅវិញ វានឹងបន្តទៅកាន់សួរផ្សេងទៀត រហូតដល់វាសួរថា៖ តើនរណាជាអ្នកបង្កើតព្រះជាម្ចាស់របស់អ្នក? ក្នុងពេលនោះ អ្នកមានជំនឿត្រូវទប់ស្កាត់ការញុះញុងនេះដោយមធ្យោបាយបីយ៉ាង៖
ត្រូវមានជំនឿចំពោះអល់ឡោះជាម្ចាស់។
ត្រូវសុំការជ្រកកោនពីអល់ឡោះអំពីស្ហៃតន។
ត្រូវបញ្ឈប់និងកុំបណ្តោយឱ្យការញុះញុងខ្សឹបខ្សៀវបន្តទៅមុខទៀត។
Benefits from the Hadith
- ត្រូវងាកចេញពីការញុះញុងរបស់ស្ហៃតន និងខ្សឹបខ្សៀវរបស់ស្ហៃតន ហើយមិនត្រូវគិតពីរឿងទាំងនោះឡើយ និងត្រូវសុំការជ្រកកោនពីអល់ឡោះដើម្បីបំបាត់ប្រការទាំងនោះ។
- រាល់អ្វីដែលកើតឡើងក្នុងដួងចិត្តរបស់មនុស្សនៃការញុះញុងទាំងឡាយដែលផ្ទុយពីច្បាប់ឥស្លាម គឺមកពីស្ហៃតន។
- ហាមឃាត់ពីការគិតអំពីអង្គ(ខ្លួនប្រាណ)របស់អល់ឡោះ ហើយជំរុញឲ្យត្រិះរិះពិចារណាពីភាវៈ(ម៉ាខ្លូក)ទាំងឡាយរបស់អល់ឡោះ និងសញ្ញាភស្តុតាងទាំងឡាយរបស់ទ្រង់។
Categories
More ...
- Hadith: ពិតប្រាកដណាស់ អ្នកនឹងទៅជួបក្រុមមួយនៃពួកអះលីគីតាប(ពួកដែលអល់ឡោះប្រទានគម្ពីរឲ្យ)។ ហេតុនេះ នៅពេលដែលអ្នកទៅដល់ពួកគេ ចូរអ្នកអំពាវនាវពួកគេឲ្យធ្វើសាក្សីថា គ្មានទេម្ចាស់ដែលត្រូវគេគោរពសក្ការៈដ៏ពិតប្រាកដក្រៅពីអល់ឡោះ ហើយពិតណាស់ មូហាំម៉ាត់ គឺជាអ្នកនាំសាររបស់អល់ឡោះ
- Hadith: អ៊ីស្លាមគឺ អ្នកត្រូវធ្វើសាក្សីថា គ្មានទេម្ចាស់ដែលត្រូវគេគោរពសក្ការៈដ៏ពិតប្រាកដ មានតែអល់ឡាះមួយគត់ ហើយមូហាំម៉ាត់ គឺជាអ្នកនាំសាររបស់អល់ឡោះ។ ហើយត្រូវប្រតិបត្តិសឡាត បរិច្ចាគហ្សាកាត់ បួសខែរ៉ម៉ាហ្ទន និងធ្វើធម្មយាត្រាហាជ្ជីនៅពៃតុលឡោះ ប្រសិនបើអ្នកមានលទ្ធភាពទៅដល់
- Hadith: ឱខ្ញុំបម្រើរបស់យើងទាំងឡាយ! ពិតប្រាកដណាស់ យើងបានហាមឃាត់អំពើអយុត្តិធម៌ចំពោះខ្លួនយើង ហើយយើងក៏បានហាមឃាត់វារវាងពួកអ្នកផងដែរ។ ហេតុនេះ ចូរពួកអ្នកកុំប្រព្រឹត្តអយុត្តិធម៌ចំពោះគ្នាទៅវិញទៅមកឲ្យសោះ
- Hadith: ជនណាធ្វើល្អក្នុងឥស្លាម គឺគេមិនយកទោសពៃរ៍ចំពោះអ្វីដែលរូបគេបានធ្វើក្នុងសម័យកាលអវិជ្ជា(មុនចូលឥស្លាម)ឡើយ។ តែជនណាដែលធ្វើអាក្រក់ក្នុងឥស្លាម គឺគេនឹងយកទោសពៃរ៍ទាំងមុន ទាំងក្រោយ”។
- Hadith: ជនណាដែលស្លាប់ដោយមិនបានធ្វើស្ហ៊ីរិកចំពោះអល់ឡោះនឹងអ្វីមួយ នឹងបានចូលឋានសួគ៌។ ហើយជនណាដែលស្លាប់ដោយបានធ្វើស្ហ៊ីរិកចំពោះអល់ឡោះនឹងអ្វីមួយ នឹងបានចូលឋាននរក”។
- Hadith: ពីព្រោះថា គ្មានថ្ងៃណាមួយដែលគាត់ពោលថា៖ “رَبِّ اغْفِرْ لِي خَطِيئَتِي يَوْمَ الدِّينِ” (បរពិត្រព្រះជាម្ចាស់! សូមទ្រង់មេត្តាអភ័យទោសដល់ខ្ញុំចំពោះកំហុសឆ្គងរបស់ខ្ញុំនៅថ្ងៃជំនុំជម្រះផងចុះ) នោះឡើយ”។
- Hadith: ពិតប្រាកដណាស់ យើងបានរកឃើញនៅក្នុងខ្លួនយើងនូវអ្វីមួយដែលពិបាកនឹងនិយាយ។ លោកបានសួរថា៖ “តើពួកអ្នកពិតជារកឃើញដូចនេះឬ”? ពួកគេបានឆ្លើយថា៖ បាទ (ពិតមែនហើយ)។ លោកបានមានប្រសាសន៍ថា៖ “នោះហើយជាការបង្ហាញអំពីជំនឿដ៏ពិតប្រាកដ”។