Hadithi: “Ai që ngre armët kundër nesh nuk është prej nesh.”

عن أبي موسى الأشعري رضي الله عنه عن النبي صلى الله عليه وسلم قال:
«مَنْ حَمَلَ عَلَيْنَا السِّلَاحَ فَلَيْسَ مِنَّا».
[صحيح] - [متفق عليه] - [صحيح البخاري: 7071]

Ebu Musa Eshariu (Allahu qoftë i kënaqur me të!) tregon se Profeti ﷺ ka thënë:
“Ai që ngre armët kundër nesh nuk është prej nesh.”
[Ky hadith është sahih] - [Muttefek alejhi] - [Sahihu i Buhariut - 7071]

Shpjegimi

Profeti ﷺ në këtë hadith tërheq vërejtjen nga drejtimi i armëve kundër muslimanëve; për t'i frikësuar ose plaçkitur. Kushdo që e bën këtë pa ndonjë të drejtë, ka bërë një krim dhe një gjynah të madh, rrjedhimisht e meriton këtë kërcënim të rëndë.

Mësime nga hadithi

1. Paralajmërim i ashpër kundër një muslimani që i lufton vëllezërit e tij muslimanë.
2. Prej të këqijave dhe dëmit më të madh në tokë është ngritja e armëve kundër muslimanëve dhe dëmi i shkaktuar përmes vrasjes.
3. Kërcënimi i përmendur nuk e përfshin luftimin që bëhet me të drejtë, siç është luftimi kundër kryngritësve të pabindur (ar. bugat), shkatërrimtarëve etj.
4. Është e ndaluar të frikësohen muslimanët me armë ose me ndonjë gjë tjetër, qoftë dhe me shaka.