Hədis: Qiyamət günü Allah yanında insanların ən şiddətli əzab olunanları, Allahın yaratmasına bənzəməyə çalışanlardır

عَنْ عَائِشَةَ أُمِّ المُؤمنينَ رضي الله عنها قَالَتْ:
دَخَلَ عَلَيَّ رَسُولُ اللهِ صَلَّى اللهُ عَلَيْهِ وَسَلَّمَ، وَقَدْ سَتَرْتُ سَهْوَةً لِي بِقِرَامٍ فِيهِ تَمَاثِيلُ، فَلَمَّا رَآهُ هَتَكَهُ وَتَلَوَّنَ وَجْهُهُ وَقَالَ: «يَا عَائِشَةُ، أَشَدُّ النَّاسِ عَذَابًا عِنْدَ اللهِ يَوْمَ الْقِيَامَةِ الَّذِينَ يُضَاهُونَ بِخَلْقِ اللهِ» قَالَتْ عَائِشَةُ: «فَقَطَعْنَاهُ فَجَعَلْنَا مِنْهُ وِسَادَةً أَوْ وِسَادَتَيْنِ».
[صحيح] - [متفق عليه] - [صحيح مسلم: 2107]

Möminlərin anası Aişədən (Allah ondan razı olsun) rəvayət edilir ki, o, dedi:
Allahın Rəsulu (Allahın salavatı və salamı onun üzərinə olsun) mənim yanıma daxil oldu və mən səhvən üzərində şəkillər olan pərdə ilə şkafın üstünü örtmüşdüm. Allah Rəsulu (Allahın salavatı və salamı onun üzərinə olsun) bunu görəndə pərdəni dartıb çəkdi, üzünün rəngi dəyişdi və dedi: “Ey Aişə, Qiyamət günü Allah yanında insanların ən şiddətli əzab olunanları, Allahın yaratmasına bənzəməyə çalışanlardır” Aişə dedi: “Biz onu kəsdik və ondan bir və ya iki yastıq düzəltdik.
[Səhih] - [Müttəfəqun aleyhi(əl-Buxari və Musliminsəhih gördüyü hədislər)] - [Sahihu Muslim - 2107]

Şərh (izah)

Peyğəmbər (Allahın salavatı və salamı onun üzərinə olsun) evinə, Aişənin (Allah ondan razı olsun) yanına girdikdə gördü ki, o, əşyaların saxlandığı kiçik şkafın üzərini canlıların şəkilləri olan parça ilə örtüb. Sonra Allah üçün qəzəbdən onun üzünün rəngi dəyişdi və parçanı çıxarıb dedi: Qiyamət günü əzabı ən şiddətli olacaq insanlar, çəkdikləri şəkillər ilə Allahın yaratmağına bənzər işlər görənlərdir. Aişə dedi: "Biz də ondan bir və ya iki yastıq düzəltdik.

Hədisin faydalarından

1. Daha böyük fitnə-fəsad törətmədikcə, münkəri (pis bir işi) gördükdə onu dərhal inkar etmək və bu işdə yubanmamaq.
2. Qiyamət günü əzab, günahın böyüklüyünə görə fərqlənir.
3. Ruhu olan şeylərin (canlıların) şəklini çəkmək böyük günahlardandır.
4. (Ruhu olan şeylərin ) şəkillərini çəkməyin qadağan edilməsində olan hikmətlərindən biri, niyyətində olub-olmamasından asılı olmayaraq, rəsm çəkənin Uca Allahın yaratmasına bənzər əməl etməsidir.
5. Şəriət, haramlardan çəkindikdən sonra malı istifadə edərək onu qoruyub saxlamağa həvəsləndirir.
6. Hansı formada olursa-olsun, hətta kiçik görülsə belə, ruhu olan şeylərin şəkillərinin düzəltməyin qadağan olunması