हदीस: निश्चय नै, कयामतको (प्रलयको) निशानीहरू मध्ये यो पनि हो कि; ज्ञान हराउनेछ, अज्ञानता बढ्नेछ, अनैतिकता र व्यभिचार धेरै फैलिनेछ, मद्यपान बढ्नेछ, पुरुषहरू कम हुनेछन् र महिलाहरूको संख्यामा वृद्धि हुनेछ, यतिसम्म कि ५० जना महिलाको एक पुरुष मात्र संरक्षक हुनेछ ।

عَنْ أَنَسٍ رَضِيَ اللَّهُ عَنْهُ، قَالَ: لَأُحَدِّثَنَّكُمْ حَدِيثًا سَمِعْتُهُ مِنْ رَسُولِ اللَّهِ صَلَّى اللهُ عَلَيْهِ وَسَلَّمَ لاَ يُحَدِّثُكُمْ بِهِ أَحَدٌ غَيْرِي: سَمِعْتُ رَسُولَ اللَّهِ صَلَّى اللهُ عَلَيْهِ وَسَلَّمَ يَقُولُ:
«إِنَّ مِنْ أَشْرَاطِ السَّاعَةِ أَنْ يُرْفَعَ العِلْمُ، وَيَكْثُرَ الجَهْلُ، وَيَكْثُرَ الزِّنَا، وَيَكْثُرَ شُرْبُ الخَمْرِ، وَيَقِلَّ الرِّجَالُ، وَيَكْثُرَ النِّسَاءُ حَتَّى يَكُونَ لِخَمْسِينَ امْرَأَةً القَيِّمُ الوَاحِدُ».
[صحيح] - [متفق عليه] - [صحيح البخاري: 5231]

अनस (रजियल्लाहु अन्हु) ले वर्णन गरेका छन्, उनले भने: म तिमीहरूलाई एउटा हदीस सुनाउनेछु जुन मैले रसूल (सल्लल्लाहु अलैहि वसल्लम) बाट सुनेको छु, जुन म बाहेक अरू कसैले तिमीहरूलाई सुनाउने छैन । मैले अल्लाहको रसूल (सल्लल्लाहु अलैहि वसल्लम) लाई भन्दै गरेको सुने :
"निश्चय नै, कयामतको (प्रलयको) निशानीहरू मध्ये यो पनि हो कि; ज्ञान हराउनेछ, अज्ञानता बढ्नेछ, अनैतिकता र व्यभिचार धेरै फैलिनेछ, मद्यपान बढ्नेछ, पुरुषहरू कम हुनेछन् र महिलाहरूको संख्यामा वृद्धि हुनेछ, यतिसम्म कि ५० जना महिलाको एक पुरुष मात्र संरक्षक हुनेछ ।"
[सही] - [मुत्तफकुन अलैहि] - [सही बुखारी - 5231]

व्याख्या

रसूल (सल्लल्लाहु अलैहि वसल्लम) ले बताउनुभएको छ कि, कयामत (प्रलय) नजिक आउँदै गरेको एउटा चिन्ह यो हो कि इस्लामिक ज्ञान (शरिया) हराउँदै जानेछ र यो धर्मविद्हरूको निधनले गर्दा हुनेछ । फलस्वरूप, अज्ञानता बढ्नेछ, व्यभिचार र अनैतिकता जताततै फैलिनेछ, मदिरा सेवनको चलन बढ्नेछ, पुरुषहरूको संख्या घट्दै जानेछ र महिलाहरूको संख्या यति बढ्नेछ कि पचास महिलाहरूको हेरचाह गर्न र तिनीहरूको आवश्यकताहरू पूरा गर्न केवल एक पुरुष मात्र हुनेछ।

हदीसका केही फाइदाहरू

1. यस हदीसमा महाप्रलयका केही निशानीहरूको वर्णन छ ।
2. महाप्रलयको समयको ज्ञान गुप्त कुराहरू मध्ये एक हो जसको ज्ञान केवल अल्लाहसँग छ ।
3. यस हदीसमा धार्मिक ज्ञान लोप हुँदै जाने क्रम अघि नै त्यसलाई प्राप्त गर्न प्रोत्साहित गरिएको छ ।