Ҳадис: Умматимнинг охирида сизларга сиз ҳам оталарингиз ҳам эшитмаган сўзларни сўзлайдиган одамлар чиқади. Ўзингизни улардан, уларни ўзингиздан узоқ тутинг!», дедилар

عَنْ ‌أَبِي هُرَيْرَةَ عَنْ رَسُولِ اللهِ صَلَّى اللهُ عَلَيْهِ وَسَلَّمَ أَنَّهُ قَالَ:
«سَيَكُونُ فِي آخِرِ أُمَّتِي أُنَاسٌ يُحَدِّثُونَكُمْ مَا لَمْ تَسْمَعُوا أَنْتُمْ وَلَا آبَاؤُكُمْ، فَإِيَّاكُمْ وَإِيَّاهُمْ».
[صحيح] - [رواه مسلم] - [صحيح مسلم: 6]

Абу Ҳурайра разияллоҳу анҳудан ривоят қилинади: «Расулуллох соллаллоҳу алайҳи ва саллам:
«Умматимнинг охирида сизларга сиз ҳам оталарингиз ҳам эшитмаган сўзларни сўзлайдиган одамлар чиқади. Ўзингизни улардан, уларни ўзингиздан узоқ тутинг!», дедилар».
[Тўғри матн] - [Муслим ривояти] - [Саҳиҳи Муслим - 6]

Изоҳ

Набий соллаллоҳу алайҳи ва саллам бу ҳадиси шарифда У зот умматларининг охирида ёлғон тўқийдиган одамлар бўлиши, улардан олдин ҳеч ким айтмаган нарсаларни ва тўқилган ёлғон ҳадисларни айтишларини хабар бердилар. Набий соллаллоҳу алайҳи ва саллам уларни тўқима хадислари қалбдан жой олиб, қутилишдан ожиз қолмаслигимиз учун улардан узоқлашишга, бирга ўтирмасликка ва эшитмасликка буюрдилар.

Ҳадиснинг фойдалари

1. Набий соллаллоҳу алайҳи ва саллам умматлари орасида нима бўлишини хабар беришлари ва хабар берганларидай бўлиши, нубувват аломатларидан бир аломатдир.
2. Расулуллоҳ соллаллоҳу алайҳи ва саллам ва ислом дини тилидан ёлғон гапирган инсондан узоқлашиш ва ёлғонига қулоқ солмаслик лозим.
3. Ҳадиснинг саҳиҳ ва собит эканини билмагунча уни қабул қилиш ва тарқатишдан сақланмоқ лозим.