Hadiis: A põsame t'a sã n sɩdge

عَنْ طَلْحَةَ بْنِ عُبَيْدِ اللهِ رضي الله عنه قَالَ:
جَاءَ رَجُلٌ إِلَى رَسُولِ اللهِ صَلَّى اللهُ عَلَيْهِ وَسَلَّمَ مِنْ أَهْلِ نَجْدٍ ثَائِرُ الرَّأْسِ، نَسْمَعُ دَوِيَّ صَوْتِهِ، وَلَا نَفْقَهُ مَا يَقُولُ حَتَّى دَنَا مِنْ رَسُولِ اللهِ صَلَّى اللهُ عَلَيْهِ وَسَلَّمَ، فَإِذَا هُوَ يَسْأَلُ عَنِ الْإِسْلَامِ، فَقَالَ رَسُولُ اللهِ صَلَّى اللهُ عَلَيْهِ وَسَلَّمَ: «خَمْسُ صَلَوَاتٍ فِي الْيَوْمِ وَاللَّيْلَةِ» فَقَالَ: هَلْ عَلَيَّ غَيْرُهُنَّ؟ قَالَ: «لَا، إِلَّا أَنْ تَطَّوَّعَ، وَصِيَامُ شَهْرِ رَمَضَانَ»، فَقَالَ: هَلْ عَلَيَّ غَيْرُهُ؟ فَقَالَ: «لَا، إِلَّا أَنْ تَطَّوَّعَ»، وَذَكَرَ لَهُ رَسُولُ اللهِ صَلَّى اللهُ عَلَيْهِ وَسَلَّمَ الزَّكَاةَ، فَقَالَ: هَلْ عَلَيَّ غَيْرُهَا؟ قَالَ: «لَا، إِلَّا أَنْ تَطَّوَّعَ»، قَالَ: فَأَدْبَرَ الرَّجُلُ، وَهُوَ يَقُولُ: وَاللهِ، لَا أَزِيدُ عَلَى هَذَا، وَلَا أَنْقُصُ مِنْهُ، فَقَالَ رَسُولُ اللهِ صَلَّى اللهُ عَلَيْهِ وَسَلَّمَ: «أَفْلَحَ إِنْ صَدَقَ».
[صحيح] - [متفق عليه] - [صحيح مسلم: 11]

Yii a Ṭalhat ɭbn ʿƲbayd Allaah nengẽ (Wẽnd yard be a yĩnga) a yeelame:
Raoa n wa Wẽnd Tẽn-tʋʋma nengẽ (Wẽnd pʋʋsg la A tɩlgr be a yĩnga) n yaa Nagid neda, t'a zugã yaa sẽn zũndgi, tõnd wʋmda a koεεgã rãamde, la d ka wʋmda a sẽn yetã ye, halɩ t'a wa tʋg n pẽneg Wẽnd Tẽn-tʋʋma (Wẽnd pʋʋsg la A tɩlgr be a yĩnga), n mik tɩ yaa lɩslaangã sẽn yaa a soab la a soakda, tɩ Wẽnd Tẽn-tʋʋma (Wẽnd pʋʋsg la A tɩlgr be a yĩnga) yeel-a: «yaa wakat a nu wĩndg la yʋngo». T'a yeele: zẽng sẽn ka bãmbã n zao mam zug bɩɩ? T'a yeele: «ayo, sã n ka fo na n pʋʋsa ne f yam raabo, la Ramadaan kiuug no-loeere» T'a yeele: rẽ yĩnga zaoo mam zug zẽng sẽn ka rẽ bɩɩ? T'a yeele: «ayoo, sã n ka f na n loee ne f yamleoogo», tɩ Wẽnd Tẽn-tʋʋma (Wẽnd pʋʋsg la A tɩlgr be a yĩnga) togs-a Zaka, t'a yeele: la zẽng sẽn ka Zakã n zao mam zug bɩɩ? T'a yeele: «ayoo, sã n ka f na n kõo ne f yamleoogo». A yeelame: tɩ raoa gũd kuidg n teesdẽ la a yetẽ: m wẽend ne Wẽnde, m kõn n paas bũmb woto zugu, m kõn n boog me. Tɩ Wẽnd Tẽn-tʋʋma (Wẽnd pʋʋsg la A tɩlgr be a yĩnga) yeele: «A põsame t'a sã n sɩdge».
[Naṣʋn Ṣahɩɩhʋn (Gom-sikdem sẽn manege)] - [B zemsa taab a zugu (A Al-Bʋẖaariy la a Muslim n reeg-a)] - [Ṣahɩɩh Muslim - 11]

bilgrã

Raoa sẽn yi t Nagid n wa Nabiyaamã nengẽ (Wẽnd pʋʋsg lɑ A tɩlgr be ɑ yĩngɑ) la a zoobdã rag n zũndgame t'a koεεga zẽkdẽ, la d ka fasẽmda a sẽn yet-a ye, halɩ t'a wa tʋg n pẽneg Nabiyaamã (Wẽnd pʋʋsg lɑ A tɩlgr be ɑ yĩngɑ) n sok lɩslaangã yεl sẽn yaa tɩlae wã.
Tɩ Nabiyaamã (Wẽnd pʋʋsg lɑ A tɩlgr be ɑ yĩngɑ) sɩng-a ne Pʋʋsgã, n kõ-a kibare, tɩ Wẽnd maaname tɩ yaa tɩlae n zao a zugu, wakat a nu raar la yʋng fãa pʋgẽ.
T'a yeele: rẽ yĩnga Pʋʋs-rãmb n leb n zao mam zugu, tɩ sã n ka bãmbã b nu wã?
T'a yeele: ayo, sã n ka fo yam yãkr sẽn yaa naafil-rãmb Pʋʋsgo.
Rẽ poorẽ tɩ Nabiyaamã (Wẽnd pʋʋsg lɑ A tɩlgr be ɑ yĩngɑ) yeel-a: ad Wẽnd sẽn maan tɩ yaa tɩlae n rog fo zugu, yaa Ramadaan kiuugã no-loeere.
Tɩ raoa yeele: rẽ yĩnga, no-loeer n leb n zao mam zug n zʋʋg Ramadaanã no-loeer bɩɩ?
T'a yeele: ayo, sã n ka fo wa n maana yam yãkr n na n loe.
Rẽ poorẽ tɩ Wẽnd Tẽn-tʋʋma (Wẽnd pʋʋsg la A tɩlgr be a yĩnga) togs-a Zakã.
Tɩ raoa yeele: rẽ yĩnga sãra-rãmb n leb n zao mam zugu, Zakã sẽn yaa tɩlae wã poorẽ bɩɩ?
T'a yeele: ayo, sã n ka f maana f yam yãkre.
La raoã sẽn wʋm Nabiyaamã nengẽ (Wẽnd pʋʋsg lɑ A tɩlgr be ɑ yĩngɑ) faril-kãensã wã, a gũda a kuidg n teese, n wẽend ne Wẽnde, (A Naam zẽk yã), tɩ yẽnda na n tabla a menga ne rẽnda, a ka na n paase, a ka na n booge, tɩ Nabiyaamã (Wẽnd pʋʋsg lɑ A tɩlgr be ɑ yĩngɑ) yeel woto poorẽ: rao-kãngã sã n sɩdg a sẽn wẽen bũmb ning zugã, a na n lagma põsdbã.

Sẽn be Hɑdiisã yõod-rãmbẽ

1. Lɩslaangã sãri wã yol-yolã Baanligsã zugã.
2. Nabiyaamã (Wẽnd pʋʋsg lɑ A tɩlgr be ɑ yĩngɑ) tʋm-n-ta-sõngã ne ra-kãngã, n kõ-a sor t'a tõog n pẽneg-a n na n soke
3. Yaa tɩ b sɩng Da'awã wã (bool-n-tʋg Wẽnd sorã) ne bũmb ning sẽn tʋg n pak n yɩɩda, n yaool n ges sẽn pʋgdã.
4. Lɩslaangã yaa Aƙɩɩda (loεεga) la tʋʋma, rẽnd bũmb ka nafd tɩ sĩd-kũun ka be ye, la sɩd-kũun me ka nafd tɩ tʋʋm sã n ka be.
5. Yaa tʋʋm-kãensã yellã sẽn ta zĩig ningẽ wã, la ad a yaa lɩslaangã zeng raado.
6. Arzũmã Pʋʋsg kẽeda wakat-rãmb a nu wã sẽn yaa tɩlae wã pʋgẽ, bala b tedg-a-lɑ ne Zafarã pʋʋsgo, arzũm raare, ne ned ning a sẽn yaa tɩlae n zao a soab zugu.
7. Nabiyaamã (Wẽnd pʋʋsg lɑ A tɩlgr be ɑ yĩngɑ) sɩnga wilgrã ne lɩslaangã faril-rãmb sẽn tʋg n keng n yɩɩda, bãmb me la a zeng-raadã, sahd a yiibã poorẽ; bala nedã rag n yɩɩme n yaa lɩslaama, la a ka togs hagiimdã yelle; bala rẽnda tɩ b na n ka maan-a t'a yaa faril ye, maa a wakatã rag n ka ta.
8. Ninsaala sã n tʋm n tek sẽn yaa tɩlae n zao ne-a wã sãri wã pʋgẽ, a paamda põsga, la rẽnda ka rat n yeel tɩ ka Sunn ne-a t'a maan naafil-rãmb ye, bala naafil-rãmbã maanego, b rɩkda bãmb n lok faril-rãmbã dũni wã yikr raare.