ភាសា
  1. ទំព័រ​ដេីម
  2. បញ្ជីទាំងអស់
  3. The Creed

ហាទីស្ហ “ជនណាដែលពេញចិត្តយកអល់ឡោះធ្វើជាព្រះជាម្ចាស់ អ៊ីស្លាមធ្វើជាសាសនា និងមូហាំម៉ាត់ធ្វើជាអ្នកនាំសារ គឺគេបានភ្លក់រសជាតិនៃសេចក្តីជំនឿហើយ”។

The Creed Names and Rulings Increase and Decrease of Faith

عَنِ الْعَبَّاسِ بْنِ عَبْدِ الْمُطَّلِبِ رضي الله عنه أَنَّهُ سَمِعَ رَسُولَ اللهِ صَلَّى اللهُ عَلَيْهِ وَسَلَّمَ، يَقُولُ:
«ذَاقَ طَعْمَ الْإِيمَانِ مَنْ رَضِيَ بِاللهِ رَبًّا، وَبِالْإِسْلَامِ دِينًا، وَبِمُحَمَّدٍ رَسُولًا».

អំពី អាល់អាប់ហ្ពាស ពិន អាប់ទុលមូតល់ឡឹប رضي الله عنه ពិតណាស់ គាត់បានឮរ៉ស៊ូលុលឡោះ ﷺ លោកបានមានប្រសាសន៍ថា៖
“ជនណាដែលពេញចិត្តយកអល់ឡោះធ្វើជាព្រះជាម្ចាស់ អ៊ីស្លាមធ្វើជាសាសនា និងមូហាំម៉ាត់ធ្វើជាអ្នកនាំសារ គឺគេបានភ្លក់រសជាតិនៃសេចក្តីជំនឿហើយ”។

صحيح رواه مسلم صحيح مسلم - 34

ពន្យល់

ណាពី ﷺ លោកបានប្រាប់ថា ជាការពិតណាស់ អ្នកដែលមានជំនឿពិតប្រាកដ ហើយមានភាពនឹងនរជាមួយនឹងជំនឿ នោះនឹងទទួលបានសុភមង្គល និងភាពរីករាយនៅក្នុងចិត្តរបស់គេ ជាពិសេសភាពផ្អែមល្ហែមនៃការខិតជិតអល់ឡោះ ﷺ នៅពេលណាដែលគេពេញចិត្តចំពោះរឿងបីយ៉ាង៖
ទីមួយ៖ ពេញចិត្តទទួលយកអល់ឡោះធ្វើជាព្រះជាម្ចាស់។ ពោលគឺចិត្តរបស់គេបើកទូលាយចំពោះអ្វីគ្រប់យ៉ាងដែលអល់ឡោះកំណត់នៅក្នុងលក្ខខណ្ឌនៃតៅហេទអាល់រ៉ូពូពីយ៉ះ ដូចជាការប្រទានលាភសក្ការៈ និងស្ថានភាពនានា ដោយមិនមានការជំទាស់នៅក្នុងចិត្តចំពោះរឿងទាំងនេះ និងមិនស្វែងរកអ្នកផ្សេងធ្វើជាព្រះក្រៅពីអល់ឡោះជាម្ចាស់នោះឡើយ។
ទីពីរ៖ ពេញចិត្តទទួលយកអ៊ីស្លាមធ្វើជាសាសនាអ៊ីស្លាមរបស់គេ។ ពោលគឺចិត្តរបស់គេបើកទូលាយចំពោះកាតព្វកិច្ចទាំងឡាយរបស់សាសនាអ៊ីស្លាម និងមិនស្វែងរកផ្លូវផ្សេងក្រៅពីផ្លូវអ៊ីស្លាមនោះឡើយ។
ទីបី៖ ពេញចិត្តទទួលយកណាពីមូហាំម៉ាត់ ﷺ ធ្វើជាអ្នកនាំសារ តាមរយៈការបើកចិត្ត និងរីករាយចំពោះអ្វីទាំងអស់ដែលលោកបាននាំមកដោយមិនស្ទាក់ស្ទើរ ឬសង្ស័យ ហើយក៏មិនដើរតាមផ្លូវណាផ្សេងក្រៅពីអ្វីដែលស្របនឹងការចង្អុលបង្ហាញណែនាំរបស់លោកនោះដែរ។

មេរៀនដែលទាញបានពីហាទីស្ហ

  1. សេចក្តីជំនឿមានរសជាតិផ្អែមល្ហែមដែលអាចទទួលដឹងបានដោយដួងចិត្ត ដូចជារសជាតិឆ្ងាញ់នៃចំណីអាហារដែលអាចទទួលដឹងបានដោយមាត់ដូច្នោះដែរ។
  2. រាងកាយមិនអាចដឹងរសជាតិឆ្ងាញ់នៃចំណីអាហារដែលខ្លួនបរិភោគនោះឡើយ លើកលែងតែក្នុងពេលដែលគេមានសុខភាពល្អប៉ុណ្ណោះ។ ក៏ដូចគ្នាដែរ ដួងចិត្តរបស់មនុស្ស នៅពេលដែលវាជ្រះស្រឡះពីជំងឺនៃទំនើងចិត្តដែលនាំឱ្យវង្វេង និងចំណង់តណ្ហាដែលត្រូវបានហាមឃាត់ គឺវានឹងទទួលបានរសជាតិផ្អែមល្ហែមនៃសេចក្តីជំនឿ។ តែនៅពេលណាដែលវាឈឺនិងទន់ខ្សោយ នោះវានឹងមិនទទួលបានរសជាតិផ្អែមល្ហែមនៃសេចក្តីជំនឿឡើយ។ ផ្ទុយទៅវិញ នឹងទទួលរងនូវភាពភាពងុបងល់ទៅតាមចំណង់តណ្ហា និងអំពើបាបដែលនាំទៅដល់ការបំផ្លិចបំផ្លាញ។
  3. នៅពេលដែលមនុស្សពេញចិត្តនឹងរឿងអ្វីមួយ រឿងនោះនឹងក្លាយជារឿងងាយស្រួលសម្រាប់គេដោយគ្មានអ្វីដែលធ្វើឲ្យគេពិបាកនោះឡើយ ហើយគេនឹងរីករាយចំពោះអ្វីៗដែលទាក់ទងនឹងវា និងភាពរីករាយនោះនឹងជ្រាបចូលទៅក្នុងចិត្តរបស់គេ។ ក៏ដូចគ្នាដែរអ្នកមានជំនឿ នៅពេលដែលសេចក្តីជំនឿបានចូលទៅក្នុងដួងចិត្តរបស់គេ ការគោរពប្រតិបត្តិចំពោះម្ចាស់របស់គេនឹងក្លាយជារឿងងាយស្រួលសម្រាប់គេ ចិត្តរបស់គេនឹងរីករាយចំពោះវា ហើយគ្មានអ្វីដែលធ្វើឲ្យគេពិបាកនោះឡើយ។
  4. អ៊ិពនុលក័យយិម បាននិយាយថា៖ ហាទីស្ហនេះរួមបញ្ចូលនូវការពេញចិត្តចំពោះភាពជាម្ចាស់របស់អល់ឡោះដែលជាអ្នកបង្កើត និងភាពជាម្ចាស់ដែលត្រូវគោរពសក្ការៈ ពេញចិត្តចំពោះអ្នកនាំសាររបស់ទ្រង់ និងឱនលំទោនចំពោះលោក ព្រមទាំងការពេញចិត្តចំពោះសាសនារបស់ទ្រង់ និងប្រគល់ខ្លួនចំពោះទ្រង់។

បង្ហាញការបកប្រែ

51 ភាសា
EN English الإنجليزية
UR اردو الأوردية
ID Indonesia الإندونيسية
BN বাংলা البنغالية
TR Türkçe التركية
RU Русский الروسية
BS Bosanski البوسنية
SI සිංහල السنهالية
HI हिन्दी الهندية
ZH 中文 الصينية
FA فارسی الفارسية
VI Tiếng Việt الفيتنامية
TL Tagalog تجالوج
KU Kurdî الكردية
HA Hausa الهوسا
PT Português البرتغالية
ML മലയാളം المليالم
TE తెలుగు التلغو
SW Kiswahili السواحيلية
TA தமிழ் التاميلية
MY မြန်မာ البورمية
TH ไทย التايلندية
DE Deutsch الألمانية
PS پښتو بشتو
AS অসমীয়া الأسامية
SQ Shqip الألبانية
SV Svenska السويدية
AM አማርኛ الأمهرية
NL Nederlands الهولندية
GU ગુજરાતી الغوجاراتية
KY Кыргызча القيرقيزية
NE नेपाली النيبالية
LT Lietuvių الليتوانية
PRS دری الدرية
SR Српски الصربية
TG тоҷикӣ الطاجيكية
RW Kinyarwanda الكينياروندا
RO Română الرومانية
HU Magyar المجرية
CS Čeština التشيكية
MOS Moore الموري
MG Malagasy المالاجاشية
OM Oromoo الأورومو
KN ಕನ್ನಡ الكانادا
WO Wolof الولوف
AZ Azərbaycan الأذربيجانية
UK Українська الأوكرانية
KA ქართული الجورجية
MK Македонски المقدونية
PA ਪੰਜਾਬੀ البنجابية
MR मराठी الماراثية
បញ្ជីទាំងអស់
បន្ថែមទៀត