Ab Adiis: yàlla rëbb na Yahuud yi ak Nasaraan yi, ndax dañoo jàppe seen bàmmeeli Yonnente yi ay jàkka

عَنْ عَائِشَةَ أُمِّ المؤْمنينَ رَضيَ اللهُ عنها قَالَتْ: قَالَ رَسُولُ اللهِ صَلَّى اللهُ عَلَيْهِ وَسَلَّمَ فِي مَرَضِهِ الَّذِي لَمْ يَقُمْ مِنْهُ:
«لَعَنَ اللهُ الْيَهُودَ وَالنَّصَارَى، اتَّخَذُوا قُبُورَ أَنْبِيَائِهِمْ مَسَاجِدَ» قَالَتْ: فَلَوْلَا ذَاكَ أُبْرِزَ قَبْرُهُ، غَيْرَ أَنَّهُ خُشِيَ أَنْ يُتَّخَذَ مَسْجِدًا.
[صحيح] - [متفق عليه] - [صحيح مسلم: 529]

Jële nañu ci Aysatu ndayu jullit ñi yal na ko Yàlla dollee gërëm mu wax ne : Yonente Yàlla bi yal na ko Yàlla dolli xéewal ak mucc wax na ci feebaram ba nga xam ne ca la faatoo:
"yàlla rëbb na Yahuud yi ak Nasaraan yi, ndax dañoo jàppe seen bàmmeeli Yonnente yi ay jàkka" nee na: bu dul woon loolu kon dinaa fésal bàmmeelam, waaye moom dafa ragal ñu jàppe ko jàkka.
[Wér na] - [Al-buxaariy ak Muslim dëppoo nañu ci génnee ko ci seen ñaari téere yi gën a wér] - [Téere Muslim bi gën a wér - 529]

Leeral

Aysatu yaayu jullit ñi yal na ko Yàlla dollee gërëm day xibaare ne, Yonente bi yal na ko Yàlla dolli xéewal ak mucc wax na ci feebaram bi nga xam ne dafa tar ci moom, te mu faatu ca: Yàlla rëbb na Yahuud yi ak Nasaraan yi, dàq leen ci yërmàndeem; li waral loolu mooy ne ñoom dañoo jàppe seen bàmmeeli Yonente ya ay jàkka, ci di tabax ca kawam walla di fa julli walla di julli jëm ca. Aysatu daal di wax ne: bu dul woon tere googu ak àrtu googu bawoo ci Yonente bi yal na ko Yàlla dolli xéewal ak mucc ak ragalug Sahaaba yi ci ñu def ci bàmmeelu Yonente bi kem li Yahuud yi ak Nasaraan yi def ci bàmmeeli seen Yonente yi kon dinaa fésal bàmmeelam ba mu feeñ.

Bokk na ci njariñi Adiis bi

1. Lii dafa bokk ci dénkaaneem yi mujj muy tegtale soloom.
2. Tere gu feddaliku, ak araam gu tar ci jàppe bàmmeel yi ay jàkka, ak jublu faa ci julli ci lu dul julleeg néew; ndax loolu day jëme ci màggal aji-dee ji ak wër bàmmeelam ak raay ay peggam ak woo aw Turam, te loolu lépp dafa bokk ci bokkaale ak yakoy waral.
3. Tarug yittewoo gi Yonente Yàlla bi yittewoo Tawhiid ak ragal gi mu ragal jaamu bàmmeel yi; ak it ne loolu day jëme ci bokkaale.
4. Yàlla aar na Yonnenteem bi ba du ñu def ag bokkaale ca bàmmeelam ba, mu def sahaabaam ak ña ñëw seen ginnaaw ci ñu ñoŋal bàmmeelam bi ci di ko fésal.
5. Jëfeg Sahaaba yi yal na leen Yàlla dollee gërëm ci ndénkaaney Yonnente bi yal na ko Yàlla dolli xéewal ak mucc ak seenug xér ci Tawhiid.
6. Tere nañu niru-nirulu Yahuud yi ak Nasaraan yi, ak ne tabax ci kaw bàmmeel yi ci seen doxaliin la bokk
7. Bokk na ci jàppe bàmmeel yi ay jàkka di fa julli jëm, donte tabaxuñu ko jàkka.