Hadiis: ku jàngul faatiha amul julli

عَنْ عُبَادَةَ بْنِ الصَّامِتِ رضي الله عنه أَنَّ رَسُولَ اللَّهِ صَلَّى اللهُ عَلَيْهِ وَسَلَّمَ قَالَ:
«لَا صَلَاةَ لِمَنْ لَمْ يَقْرَأْ بِفَاتِحَةِ الكِتَابِ».
[صحيح] - [متفق عليه] - [صحيح البخاري: 756]

Jële na ñu ci Ubaadata Ibnus Saamit -yal na ko Yàlla dollee gërëm- mu jële ci Yonnente bi -yal na ko Yàlla dolli xéewal ak mucc- mu wax ne:
"ku jàngul faatiha amul julli".
[Wér na] - [Al-buxaariy ak Muslim dëppoo nañu ci génnee ko ci seen ñaari téere yi gën a wér] - [Téere Al-buxaariy bi gën a wér - 756]

Leeral gi

Yonnente bi -yal na ko Yàlla dolli xéewal ak mucc- day leeral ne julli du wér lu dul ci jàng saaru Faatiha, ndaxte ponk la ci ponki julli ci ràkka yépp.

Bokk na ci njariñi hadiis bi

1. Faatiha leneen manukoo wuutu ci ku ko man.
2. Ràkka bu ñu jàngul faatiha day yàqu, ci ki ko tay, ak ki xamul, ak ki fàtte; ndaxte ponk la, te ponk du rot ba mukk.
3. Jàng faatiha dana wàcci maamuum bi ji bu dabee imaam bi cib rukkoo.