Hadiis: Pʋʋsg pa be ne ned ning sẽn pa karma Gafã pakdgã ye

عَنْ عُبَادَةَ بْنِ الصَّامِتِ رضي الله عنه أَنَّ رَسُولَ اللَّهِ صَلَّى اللهُ عَلَيْهِ وَسَلَّمَ قَالَ:
«لَا صَلَاةَ لِمَنْ لَمْ يَقْرَأْ بِفَاتِحَةِ الكِتَابِ».
[صحيح] - [متفق عليه] - [صحيح البخاري: 756]

Yii a ʿƲbaadat ɭbn Ṣaamit nengẽ, (Wẽnd yard be a yĩnga) tɩ Wẽnd Tẽn-tʋʋmã (Wẽnd pʋʋsg lɑ A tɩlgr be ɑ yĩngɑ) a yeelame:
«Pʋʋsg pa be ne ned ning sẽn pa karma Gafã pakdgã ye».
[Naṣʋn Ṣahɩɩhʋn (Gom-sikdem sẽn manege)] - [B zemsa taab a zugu (A Al-Bʋẖaariy la a Muslim n reeg-a)] - [Ṣahɩɩh Al-Bʋẖaary - 756]

bilgrã

Nabiyaamã (Wẽnd pʋʋsg lɑ A tɩlgr be ɑ yĩngɑ) vẽnegdame n wilgdẽ, tɩ Pʋʋsg ka manegde, rẽndame tɩ b karema Al-Hamdo, rẽnda yaa zeng-raoogo sẽn be Pʋʋsgã zeng-raadẽ, rakaar fãa pʋgẽ.

Sẽn be Hɑdiisã yõod-rãmbẽ

1. Kareng zẽng ka be sẽn tõe n sek Al-Hamdã zĩigẽ ye, tɩ f sã n tõe n karem-a.
2. A wilgdame tɩ rakaar ning Al-Hamdã sẽn ka kareme tɩ sãamame, tɩ sã n yaa pʋ-toogo, maa f yaa zɩta, maa f yĩmame, bala a yaa zeng-raoogo, zeng-raad me pɑ lʋɩte sẽn wɑ n yɑɑ yalε ninbg fãa.
3. Al-Hamdã kareng lʋɩtame n bas Al-maamuuni (sẽn be b poorẽ wã) t'a sã n paam limaamã t'a surẽ.