ሓዲሥ: አላህ አይሁድና ክርስቲያኖችን ረገመ። የነቢያቶቻቸውን መቃብር መስጂድ አድርገው ያዙ።
عَنْ عَائِشَةَ أُمِّ المؤْمنينَ رَضيَ اللهُ عنها قَالَتْ: قَالَ رَسُولُ اللهِ صَلَّى اللهُ عَلَيْهِ وَسَلَّمَ فِي مَرَضِهِ الَّذِي لَمْ يَقُمْ مِنْهُ:
«لَعَنَ اللهُ الْيَهُودَ وَالنَّصَارَى، اتَّخَذُوا قُبُورَ أَنْبِيَائِهِمْ مَسَاجِدَ» قَالَتْ: فَلَوْلَا ذَاكَ أُبْرِزَ قَبْرُهُ، غَيْرَ أَنَّهُ خُشِيَ أَنْ يُتَّخَذَ مَسْجِدًا.
[صحيح] - [متفق عليه] - [صحيح مسلم: 529]
المزيــد ...
ከአማኞች እናት ከዓኢሻ (ረዲየሏሁ ዐንሃ) - አላህ መልካም ሥራዋን ይውደድላትና - እንደተላለፈው እንዲህ አለች: «የአላህ መልክተኛ (የአላህ ሰላትና ሰላም በእርሳቸው ላይ ይስፈን) ድነው ያልተነሱበት በሆነው በሽታቸው ወቅት እንዲህ አሉ:
"አላህ አይሁድና ክርስቲያኖችን ረገመ። የነቢያቶቻቸውን መቃብር መስጂድ አድርገው ያዙ። ዓኢሻም እንዲህ አለች: "ይህ (እርግማናቸው) ባልነበረ ኖሮ ቀብራቸው ይፋ ይሆን ነበር። ነገር ግን መስጂድ ተደርጎ እንዳይያዝ ተፈራ።"
[ሶሒሕ ነው።] - [ቡኻሪና ሙስሊም ዘግበውታል።] - [ሶሒሕ ሙስሊም - 529]
የአማኞች እናት ዓኢሻ (ረዲየሏሁ ዐንሃ) - አላህ መልካም ሥራዋን ይውደድላትና - ነቢዩ (የአላህ ሰላትና ሰላም በእርሳቸው ላይ ይስፈን) ጠንቶባቸው በርሱ ምክንያት የሞቱበት በሆነው በሽታቸው ወቅት እንዲህ ይሉ እንደነበር ተናገረች: "አይሁዶችና ክርስቲያኖችን አላህ ይርገማቸው። ከእዝነቱ ያባራቸው። ይህም እነርሱ የነቢያቶቻቸውን መቃብር መስጂድ አድርገው ስለያዙ ነው።" ይህም መቃብሩ ላይ መስጂድ በመገንባት ወይም እርሱ ዘንድ ወይም ወደርሱ ዞሮ በመስገድ ነው። ቀጥላም ዓኢሻ (ረዺየሏሁ ዐንሃ) - አላህ መልካም ሥራዋን ይውደድላትና - "ይህ የነቢዩ (የአላህ ሰላትና ሰላም በእርሳቸው ላይ ይስፈን) ክልከላና ማስጠንቀቂያ ባይኖር ኖሮና እንዲሁም አይሁዶችና ክርስቲያኖች በነቢያቶቻቸው መቃብር ላይ እንደፈፀሙት በነቢዩ (የአላህ ሰላትና ሰላም በእርሳቸው ላይ ይስፈን) ቀብር ላይም እንዳይፈፀም ሶሐቦች ባይፈሩ ኖሮ ቀብራቸው ይፋና ግልፅ ይሆን ነበር።" አለች።
ከሐዲሱ የምንጠቀማቸው ቁምነገሮች
- ይህ ምክር ከመጨረሻ ምክሮቻቸው መካከል መሆኑ የጉዳዩን አንገብጋቢነትና ትኩረት እንደሚያስፈልገው የሚጠቁም ነው።
- መቃብርን መስጂድ አድርጎ በመያዝና መቃብር ዘንድ ሶላት ለመስገድ በማሰብ ዙሪያ ከባድ ክልከላና ጠንካራ ውግዘት መምጣቱን እንረዳለን። የተከለከለው ሶላትም ከሶላተል ጀናዛ ውጪ ነው። ይህን ማድረግም ሟችን ወደማላቅ፤ ቀብሩን ጦዋፍ ወደማድረግ፤ ቀብሩን ወደመዳበስና ስሙን ወደመጥራት የሚያዳርስ ነው። እነዚህ ሁሉ ደግሞ ሺርክና ወደ ሺርክ የሚያዳርሱ ነገሮች ናቸው።
- የአላህ መልክተኛ (የአላህ ሰላትና ሰላም በእርሳቸው ላይ ይስፈን) ለተውሒድ ከባድ ትኩረትና አፅንዖት መስጠታቸውን እንዲሁም ቀብርን ከማላቅ መፍራታቸውን እንረዳለን። ይህም ወደ ሺርክ ስለሚያደርስ ነው።
- አላህ ነቢዩን (የአላህ ሰላትና ሰላም በእርሳቸው ላይ ይስፈን) ቀብራቸው ዘንድ ሺርክ ከመሰራት ጠበቃቸው። አላህ ሱብሓነሁ ወተዓላ የርሳቸውን ባልደረቦችንና ከነርሱ በኋላ የመጡትን ትውልዶች የርሳቸው ቀብር ለሽርክ መናኸሪያነት ግልፅ ከመሆን እንዲጠብቁ መፍትሄውን አሳወቃቸው።
- ሶሐቦች (ረዲየሏሁ ዐንሁም) በነቢዩ (የአላህ ሰላትና ሰላም በእርሳቸው ላይ ይስፈን) ምክር መስራታቸውና በተውሒድ ላይ ያላቸውን ጉጉት እንረዳለን።
- ከየሁዶችና ክርስቲያኖች ጋር መመሳሰል መከልከሉንና መቃብር ላይ መገንባትም የነርሱ መንገድ እንደሆነ እንረዳለን።
- መስገጃ ባይገነባበት እንኳ ቀብር ዘንድ መስገድና ወደርሱ ዙሮ መስገድም መቃብርን መስገጃ አድርጎ መያዝ ውስጥ ይካተታል።
ምድቦች
ተጨማሪ
- ሓዲሥ: እኔ በሽርክና ከመጋራት ከተብቃቁ ሁሉ እጅግ የተብቃቃሁ ነኝ። ከኔ ጋር ሌላን አጋርቶ ስራን የሰራ እሱንም ማጋራቱንም እተወዋለሁ።'
- ሓዲሥ: እኔ ከናንተ መካከል ፍፁም ወዳጅ ከመያዝ ወደ አላህ እጥራራለሁ። ምክንያቱም የላቀው አሏህ ኢብራሂምን ፍፁም ወዳጅ
- ሓዲሥ: ክርስቲያኖች የመርየም ልጅን ሲያሞግሱ ወሰን እንዳለፉት እኔን ስታሞግሱ ወሰን አትለፉ። እኔ የአሏህ ባሪያ ብቻ ነኝ። ስለዚህም የአላህ ባሪያና መልክተኛው በሉኝ።'
- ሓዲሥ: የቂያማ ቀን በኔ አማላጅነት ከሰዎች ሁሉ ይበልጥ እድለኛ የሚሆኑት ጥርት ባለ መልኩ ከልባቸው ወይም ከነፍሳቸው 'ላ ኢላሃ ኢለሏህ' ያሉት ናቸው።'
- ሓዲሥ: 'ፅንፈኞች (ወሰን አላፊዎች)
- ሓዲሥ: ኢስላም ማለት ከአላህ በስተቀር በእውነት የሚመለክ አምላክ እንደሌለና ሙሐመድም የአላህ መልክተኛ መሆናቸውን ልትመሰክር፣ ሰላት ደንብና ስርዓቱን ጠብቀህ ልትሰግድ፣ ዘካን ልትሰጥ ፣ ረመዷንን ልትፆምና ወደርሱ መንገድን ከቻልክም የአላህን ቤት ልትጎበኝ ሐጅ ልታደርግ ነው።
- ሓዲሥ: ባሮቼ ሆይ! እኔ በደልን በነፍሴ ላይ እርም አድርጌያለሁ! በመካከላችሁም እርም አድርጌዋለሁ! ስለሆነም አትበዳደሉ!