Sabuntawa: Allah Ya tsinewa Yahudawa da Nasara, sun riƙi ƙaburburan Annabwansu (a matsayin) masallatai
عَنْ عَائِشَةَ أُمِّ المؤْمنينَ رَضيَ اللهُ عنها قَالَتْ: قَالَ رَسُولُ اللهِ صَلَّى اللهُ عَلَيْهِ وَسَلَّمَ فِي مَرَضِهِ الَّذِي لَمْ يَقُمْ مِنْهُ:
«لَعَنَ اللهُ الْيَهُودَ وَالنَّصَارَى، اتَّخَذُوا قُبُورَ أَنْبِيَائِهِمْ مَسَاجِدَ» قَالَتْ: فَلَوْلَا ذَاكَ أُبْرِزَ قَبْرُهُ، غَيْرَ أَنَّهُ خُشِيَ أَنْ يُتَّخَذَ مَسْجِدًا.
[صحيح] - [متفق عليه] - [صحيح مسلم: 529]
المزيــد ...
Daga Nana A'isha Uwar muminai - Allah Ya yarda da ita - ta ce: Manzon Allah - tsira da amincin Allah su tabbata agare shi - ya faɗa a cikin rashin lafiyarsa wacce bai tashi daga gareta ba:
«Allah Ya tsinewa Yahudawa da Nasara, sun riƙi ƙaburburan Annabwansu (a matsayin) masallatai» ta ce; Da badan haka ba da an bayyanar da ƙabarinsa, sai dai cewa an ji tsoron a riƙe shi a matsayin masallaci.
[Ingantacce ne] - [Bukhari da Muslim suka Rawaito shi] - [صحيح مسلم - 529]
Nana A'isha Uwar muminai - Allah Ya yarda da ita - ta bada labarin cewa Annabi - tsira da amincin Allah su tabbata agare shi - ya faɗa a cikin rashin lafiyarsa wacce ta tsananta gare shi kuma ya mutu a cikinta: Allah Ya tsinewa Yahudawa da Nasara, Ya koresu daga rahamarSa; hakan domin cewa su sun riƙi ƙaburburan Annabawansu a matsayin masallatai. Ta hanyar yin gini a kansu ko yin sallah a wurinsu ko zuwa garesu (kallonsu). (Nana A'isha) Allah Ya yarda da ita ta ce: Da badan wannan hanin da gargaɗin daga Annabi - tsira da amincin Allah su tabbata agare shi - da tsoron sahabbai kan abinda za’a yi wa ƙabarin Annabi - tsira da amincin Allah su tabbata agare shi - kamar yadda Yahudawa da Nasara suka yi wa ƙaburburan Annabwansu ba da anbayyanar da ƙabarinsa kuma an fito da shi.
Daga Cikin Fa idodin Hadisin
- Wannan yana daga wasiyyoyinsa na ƙarshe daga abinda yake nuni akan muhimmancinsu da kuma kulawa da su.
- Hani mai ƙarfi, da haramci mai tsanani daga riƙon ƙaburbura masallatai, da nufar yin sallah a wurinsu banda sallar jana'iza; to hakan hanya ce zuwa girmama mamacin da kuma ɗawafi a ƙabarinsa da shafa ƙinshiƙansa da kiran sunansa, kuma dukkanin wannan yana daga shirka da kuma hanyoyinta.
- Tsananin himmatuwar Manzon Allah - tsira da amincin Allah su tabbata a gare shi - da kulawarsa a kan Tauhidi, da kuma tsoronsa daga girmama ƙaburbura; domin hakan yana kai wa zuwa ga shirka.
- Allah - Maɗaukakin sarki - Ya kiyaye Annabinsa - tsira da amincin su tabbata agare shi - da ayi shirka a wurin ƙabarinsa, sai ya cusawa sahabbansa da waɗanda ke bayansu su kiyaye ƙabarinsa da kada a fito da shi.
- Aikin sahabbai - Allah Ya yarda da su - da wasiyyar Annabi - tsira da amincin Allah su tabbata agare shi - da kuma kwaɗayinsu akan Tauhidi.
- Hani daga kamanceceniya da Yahudawa da Nasara, da kuma gini akan ƙaburbura yana daga al'adunsu.
- Daga cikin riƙon kaburbura masallatai akwai yin sallah a wurinsu, da kuma zuwa garesu (wato kallonsu), ko da ba a gina masallaci ba.
kashe kashe
Kari
- Sabuntawa: La'anar Allah a kan yahudawa da kiristoci, sun dauki kaburburan annabawansu a matsayin masallatai - a kula da abin da suka aikata - kuma in ba haka ba, ya nuna kabarinsa, sai dai yana jin tsoron kar ya dauki masallaci
- Sabuntawa: Nine Mafi Wadatuwa da shirkar Masu, to Duk wanda yayi wani Aiki kuma ya hadani da wani acikinsa zan barshi da shikarsa
- Sabuntawa: Na barranta daga Allah ina da wani aboki daga gare ku, domin Allah ya karbe ni a matsayin aboki kamar yadda aka dauki Ibrahim a matsayin aboki, kuma da na zabi al'ummata a matsayin aboki, da na dauki Abubakar a matsayin aboki
- Sabuntawa: Mafi rabautar mutane da cetona wanda ya ce La’ilaha illallahu yana mai tsarkaka daga zuciyarsa
- Sabuntawa: Duk wanda ya shaida cewa babu wani Ubangiji da ya cancanci a bauta masa sai Allah shi kadai wanda bashi da abokin tarayya, kuma Annabi Muhammadu bawansa ne kuma manzonsa ne kuma kalmarsa ne da ya jefa ta ga nana Maryamu kuma Ruhi ne daga gare shi, kuma Aljanna Gaskiya ce haka wuta ma, to Allah zai shigar da shi Aljanna akan kowane irin aiki ya Mutu.
- Sabuntawa: Masu Zurfafawa sun Tabe-ya fadeta sau Uku
- Sabuntawa: A yayin da muke zaune tare da Manzon Allah - Salatin Allah da amincin Allah su tabbata a gare shi da alayan gidansa - wata rana sai wani farin mutum ya zo wurinmu, da gashi mai duhu sosai.Ba a ganin tasirin tafiya a kansa, kuma ba wanda ya san shi