ဟဒီးဆ်: အသင်တို့သည် မုချဧကန် မိမိတို့မတိုင်မီ ရှိခဲ့ကြသောသူတို့၏ လမ်းစဉ်ကို လိုက်ကြလိမ့်မည်။ တစ်ထွာချင်း တစ်ထွာချင်း၊ တစ်တောင်ချင်း တစ်တောင်ချင်း

عَنْ أَبِي سَعِيدٍ الْخُدْرِيِّ رضي الله عنه قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ:
«لَتَتَّبِعُنَّ سَنَنَ الَّذِينَ مِنْ قَبْلِكُمْ، شِبْرًا بِشِبْرٍ، وَذِرَاعًا بِذِرَاعٍ، حَتَّى لَوْ دَخَلُوا فِي جُحْرِ ضَبٍّ لَاتَّبَعْتُمُوهُمْ» قُلْنَا: يَا رَسُولَ اللهِ آلْيَهُودَ وَالنَّصَارَى؟ قَالَ: «فَمَنْ؟».
[صحيح] - [متفق عليه] - [صحيح مسلم: 2669]

ဤဘာသာပြန်ဆိုချက်ကို ပိုမိုသုံးသပ်ရန်နှင့် စစ်ဆေးရန်လိုအပ်သည်။.

အဗူစအီးဒ်ခုဒ်ရီ(ရဿွိယလ္လာဟုအန်ဟု)က ဆင့်ပြန်ခဲ့သည်။ အလ္လာဟ်အရှင်မြတ်၏ ရစူလ်တမန်တော်(ဆွလ္လလ္လာဟုအလိုင်ဟိဝစလ္လမ်)မိန့်ကြားတော်မူသည်။
အသင်တို့သည် မုချဧကန် မိမိတို့မတိုင်မီ ရှိခဲ့ကြသောသူတို့၏ လမ်းစဉ်ကို လိုက်ကြလိမ့်မည်။ တစ်ထွာချင်း တစ်ထွာချင်း၊ တစ်တောင်ချင်း တစ်တောင်ချင်း ( ထပ်တူထပ်မျှ ဖဝါးခြေထပ်) လိုက်ကြလိမ့်မည်။ ထိုသူတို့သည် ဖွတ်တွင်းထဲသို့ ဝင်ခဲ့ကြလျှင်ပင် အသင်တို့သည် ထိုတွင်းထဲသို့ လိုက်ဝင်ကြပေလိမ့်မည်။'' ထိုအခါ ကျွန်ုပ်တို့က ''အို- အလ္လာဟ်အရှင်မြတ်၏ ရစူလ်တမန်တော်၊ (ထိုသူတို့ဆိုသည်မှာ) ယဟူဒီ (ဂျူး)များနှင့် နစ်ွရာနီ(ခရစ်ယာန်)များကို ဆိုလိုခြင်းဖြစ်ပါသလား''ဟု မေးမြန်းလျှောက်ထားကြသည်။ ထိုအခါ တမန်တော်မြတ် (ဆွလ္လလ္လာဟုအလိုင်းဟိဝစလ္လမ်) က '' ( ၎င်းတို့မဟုတ်ရင် ) အခြားမည်သူဖြစ်မည်နည်း'' ဟု မိန့်ကြားတော်မူခဲ့သည်။
[ဤဟဒီးဆ်သည် ဆွဟီးဟ် အဆင့်ရှိသည်။] - [ဗုခါရီကျမ်းနှင့် မွတ်စ်လင်မ်ကျမ်း။] - [صحيح مسلم - 2669]

ရှင်းလင်းချက်

တမန်တော်မြတ်(ဆွလ္လလ္လာဟုအလိုင်ဟိဝစလ္လမ်) သည် မိမိ၏ နောက်ပိုင်းကာလတွင် မိမိ၏အွမ္မသ်သားများအနက် အချို့၏အခြေအနေသည် ယဟူဒီများနှင့် နစ်ွရာနီများ၏ ယုံကြည်ချက်များ၊ လုပ်ရပ်များ၊ ထုံးတမ်း စဉ်လာများနှင့် ဓလေ့ထုံးတမ်းများကို တစ်ထွာချင်း တစ်ထွာချင်း၊ တစ်တောင်ချင်း တစ်တောင်ချင်း ( ထပ်တူ ထပ်မျှ ဖဝါး ခြေထပ်) လိုက်ကြလိမ့်မည်ဖြစ် ကြောင်း၊ နောက် ဆုံး ထိုသူတို့သည် ဖွတ်တွင်းထဲသို့ ဝင်ခဲ့ကြလျှင်ပင် ၎င်း ( မွတ်စ်လင်မ် ) တို့သည် ထိုတွင်းထဲသို့ ထိုသူတို့၏ အနောက်မှ လိုက်ဝင်ကြပေလိမ့်မည်ဖြစ်ကြောင်း အသိပေးမိန့်ကြားတော်မူခဲ့သည်။

ဟဒီးဆ်မှ သိမှတ်ဖွယ်ရာများ

1. ( ဤဟဒီးစ်တော်တွင် ) တမန်တော်မြတ်(ဆွလ္လလ္လာဟုအလိုင်ဟိဝစလ္လမ်) ၏နဗီဖြစ်ကြောင်း သက်သေလက္ခဏာတစ်ရပ်ပါ ရှိသည်။ အဘယ်ကြောင့်ဆိုသော် ကိုယ်တော်သည် ယင်း ( ယဟူးဒ်၊ နစ်ွရာနီရဲ့နောက်ကို ဖဝါးခြေထပ်လိုက်ခြင်း )
2. အချက်ကို ဖြစ်ပျက်မည့်အချိန်မတိုင်မီ အသိပေးပြောကြားခဲ့ပြီး ပြောကြားခဲ့သည့်အတိုင်း ဖြစ်ပျက်ခဲ့သောကြောင့်ဖြစ်သည်။
3. မွတ်စ်လင်မ်များအား ကာဖိရ်များနှင့် တူအောင်ပြုမူ‌ ခြင်းမှ တားမြစ်ထားသည်။ တူအောင်ပြုမှုခြင်းဟုဆိုရာတွင် ၎င်းတို့၏ယုံကြည်ချက်များ၊ ကိုးကွယ်မှုများ၊ ပွဲတော်များ သို့မဟုတ် ၎င်းတို့၏ သီးသန့် ( ဘာသာရေး )ဝတ်စားဆင်ယင်မှုများ အားလုံးတွင် တူအောင်ပြုမှုနေထိုင်ခြင်းကို ဆိုလိုသည်။
4. စိတ်ကူးယဉ်အရာများကို ရုပ်လုံးဖော်ဥပမာများဖြင့် ရှင်းလင်းတင်ပြခြင်းသည် အစ္စလာမ်သာသနာရှိ သင်ကြားရေးနည်းစနစ်များထဲမှ တစ်ခုဖြစ်သည်။
5. ضب ( ဖွတ် )ဆိုသည်မှာ အလွန်မှောင်မိုက်ပြီး အနံ့ဆိုးရွားသော တွင်းထဲတွင် နေထိုင်သည့် သတ္တဝါတစ်မျိုးဖြစ်ကာ တွားသွားသတ္တဝါမျိုးဖြစ်ပြီး သဲကန္တာရများတွင် အများအပြားတွေ့ရှိရသည်။ ဖွတ်၏တွင်းကို သီးသန့်ရွေးချယ်ဖော်ပြရသည့် အကြောင်းရင်းမှာ ၎င်း၏ကျဉ်းမြောင်းမှုနှင့် ယုတ်ညံ့မှုကြောင့်ဖြစ်သည်။ ထိုသို့ဖြစ်ပါလျှက်နှင့်ပင်(၎င်းတို့သည် ကာဖိရ်များ၏ခြေရာကိုလိုက်ခြင်း၊ သူတို့၏နည်းလမ်းများကို လိုက်နာခြင်းကြောင့် ) ထိုကဲ့သို့သော ကျဉ်းမြောင်းယုတ်ညံ့သည့်နေရာသို့ ကာဖိရ်များဝင်ခဲ့လျှင် သူတို့သည်လည်း သဘောတူ ( လိုက်ဝင် )ကြလိမ့်မည်။ အလ္လာဟ်အရှင်မြတ်ထံမှသာ ကူညီစောင်မှုကိုတောင်းခံပါသည်။