Ҳадис: Ҳали ўзингиздан аввалгиларнинг тутумига қаричма-қарич, зироъма -зироъ эргашиб кетасизлар

عَنْ أَبِي سَعِيدٍ الْخُدْرِيِّ رضي الله عنه قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ:
«لَتَتَّبِعُنَّ سَنَنَ الَّذِينَ مِنْ قَبْلِكُمْ، شِبْرًا بِشِبْرٍ، وَذِرَاعًا بِذِرَاعٍ، حَتَّى لَوْ دَخَلُوا فِي جُحْرِ ضَبٍّ لَاتَّبَعْتُمُوهُمْ» قُلْنَا: يَا رَسُولَ اللهِ آلْيَهُودَ وَالنَّصَارَى؟ قَالَ: «فَمَنْ؟».
[صحيح] - [متفق عليه] - [صحيح مسلم: 2669]

Бу таржима қайта кўрилиши ва текширилиши кекак.

Абу Саид Худрий разияллоҳу анҳудан ривоят қилинади: «Расулуллоҳ соллаллоҳу алайҳи ва саллам:
«Ҳали ўзингиздан аввалгиларнинг тутумига қаричма-қарич, зироъма -зироъ эргашиб кетасизлар. Ҳатто улар зоббнинг инига киришса, сизлар ҳам уларга эргашиб кетасизлар», дедилар. «Эй Аллоҳнинг Расули, яҳудий ва насронийларни айтяпсизми?» деган эдик, «Бўлмаса кимни?» дедилар». (Зобб – эчкиэмарга ўхшаш, аммо гўшти ҳалол жонивор. Унинг ини жуда тор, ифлос ва бадбўй бўлади.)
[Саҳиҳ] - [Муттафақун алайҳ] - [Саҳиҳи Муслим - 2669]

Изоҳ

Пайғамбар соллаллоҳу алайҳи васаллам ўзларидан кейинги замонда умматларининг баъзилари қандай ҳолатда бўлиши ҳақида хабар бермоқдалар. Бу ҳолат — яҳудий ва насронийларнинг эътиқодлари, амаллари, урф-одат ва анъаналарига қаричма-қарич, газма-газ, ҳар бир қадамда қаттиқ ва ўта аниқлик билан эргашишдир. Ҳатто улар (яҳудий ва насронийлар) калтакесак ка ўхшаш ҳайвоннинг инига кирсалар ҳам, ана ўшалар (умматдан бўлган кимсалар) уларнинг ортидан кирадилар.

Ҳадиснинг фойдалари

1. (Бу) У зот соллаллоҳу алайҳи васалламнинг пайғамбарлик белгиларидан (мўъжизаларидан) биридир, чунки У зот бу ҳақда ҳали содир бўлмасдан туриб хабар бердилар ва бу айни У зот айтганларидек воқе бўлди.
2. Мусулмонларнинг кофирларга эътиқодда, ибодатда, байрамларда ёки уларга хос бўлган кийим-кечакларда ўхшашлигидан (тақлид қилишидан) қайтариш.
3. Маънавий тушунчаларни ҳиссий (кўз билан кўриб, қўл билан ушлаб бўладиган) мисоллар орқали тушунтириш — Исломдаги таълим бериш услубларидан биридир.
4. Зоб (калтакесакнинг бир тури): Ини ўта қоронғу ва ҳиди жуда қўланса бўлган ҳайвондир. У судралиб юрувчилар сирасига кириб, чўлларда кўп учрайди. Намуна сифатида айнан зоб инининг танланишига сабаб — унинг ўта торлиги ва яроқсизлигидир. Шундай бўлса-да, улар (яҳудий ва насронийларга) кўр-кўрона эргашганлари ва уларнинг изидан қолмаганлари сабабли, агар улар мана шундай тор ва разил жойга кирсалар ҳам, албатта уларга мувофиқ бўладилар (ортидан кирадилар). Аллоҳнинг Ўзи ёрдам берсин!