ჰადისი: ჭეშმარიტად, ალლაჰი კმაყოფილია თქვენთვის სამი რამით და სძულს სამი რამ

عَنْ أَبِي هُرَيْرَةَ رضي الله عنه قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ:
«إِنَّ اللهَ يَرْضَى لَكُمْ ثَلَاثًا، وَيَكْرَهُ لَكُمْ ثَلَاثًا، فَيَرْضَى لَكُمْ: أَنْ تَعْبُدُوهُ، وَلَا تُشْرِكُوا بِهِ شَيْئًا، وَأَنْ تَعْتَصِمُوا بِحَبْلِ اللهِ جَمِيعًا وَلَا تَفَرَّقُوا، وَيَكْرَهُ لَكُمْ: قِيلَ وَقَالَ، وَكَثْرَةَ السُّؤَالِ، وَإِضَاعَةِ الْمَالِ».
[صحيح] - [رواه مسلم] - [صحيح مسلم: 1715]

აბუ ჰურაირა (ალლაჰი იყოს მისით კმაყოფილი) გადმოგვცემს, რომ ალლაჰის შუამავალმა (ალლაჰის ლოცვა და მშვიდობა მას) თქვა:
«ჭეშმარიტად, ალლაჰი კმაყოფილია თქვენთვის სამი რამით და სძულს სამი რამ: კმაყოფილია იმით, რომ მხოლოდ მას ეთაყვანებით და არ უდგენთ მას თანაზიარებს, რომ ეჭიდებით ალლაჰის თოკს ერთობლივად და არ იშლებით. და სძულს: ჭორაობა და ამაო ლაპარაკი, ზედმეტი კითხვა და ქონების ფლანგვა».
[სანდო (საჰიჰ)] - [გადმოსცა მუსლიმმა] - [საჰიჰ მუსლიმ - 1715]

განმარტება

ალლაჰის მოციქული (ალლაჰის ლოცვა და მშვიდობა მას) გვამცნობს, რომ ალლაჰს თავისი მონებისგან სამი თვისება უყვარს, და მათგან სამი თვისება სძულს, რაც მას უყვარს არის: მხოლოდ მას რომ ეთაყვანონ ერთადერთს და არავინ დაუდგინონ მას მოზიარედ, რომ ჩაეჭიდონ ალლაჰთან დადებულ პირობას, ყურანს და მისი შუამავლის სუნნას ყველამ ერთად, და არ დაშორდნენ მუსლიმთა ერთობას. მას სძულს: ფუჭი სიტყვები და ცნობისმოყვარეობა, რაშიც არ არის მათთვის სარგებელი, კითხვების დასმა იმასთან დაკავშირებით, რაც ჯერ არ მომხდარა, ან ადამიანებისგან ქონების თხოვნა საჭიროების გარეშე; ქონების ფლანგვა, მისი გამოყენება შარიათის მიერ დადგენილი წესების საწინააღმდეგოდ და მისი გაფუჭება.

ჰადისის სარგებლობიდან

1. უზენაეს ალლაჰს თავის მსახურთაგან ღვთისმსახურებებში უყვარს გულწრფელობა და სძულს ურწმუნოობა.
2. მოწოდება უზენაესი ალლაჰის თოკზე (ყურანი, და სუნნა) ჩაჭიდებისკენ; რადგან მასში არის ერთობა და დაკავშირება.
3. მოწოდება ერთიანობისკენ, ბრძანება უმმეთის ერთიანობაზე მტკიცედ დგომის ვალდებულებაზე, მისი რიგების გაერთიანებაზე, ასევე აკრძალვა ამის საწინააღმდეგოს — გახლეჩილობისა და განხეთქილების.
4. აკრძალულია ზედმეტი საუბარი იმაზე, რაც ადამიანს არ ეხება. რადგან თუ ეს დასაშვებია, მაშინ ეს მხოლოდ დროის ფლანგვაა, ხოლო თუ აკრძალულია — მაშინ მას მრავალი ცოდვისკენ მიჰყავს ადამიანი.
5. ადამიანთა საქმეებში ჩაღრმავებისგან თავის შეკავება, მათი მდგომარეობების, სიტყვების და ქმედებიბის გამოკვლევისგან შორს ყოფნა.
6. აკრძალულია ადამიანებისგან ზედმეტად თანხის თხოვნა.
7. ქონების ზედმეტი ფლანგვის აკრძალვა და მოწოდება ქონებისადმი მზრუნველობითი დამოკიდებულებისკენ — მისი ხარჯვა მხოლოდ სასარგებლო საქმეებზე.