Hadith: ខ្ញុំបានឮរ៉ស៊ូលុលឡោះ ﷺ លោកបានមានប្រសាសន៍ថា៖ “នៅថ្ងៃបរលោក ព្រះអាទិត្យនឹងត្រូវគេបន្ទាបមកនៅជិតភាវៈ(ម៉ាខ្លូក)ទាំងឡាយ រហូតដល់ចម្ងាយប្រហែលមួយម៉ាយល៍”។

عَنِ الْمِقْدَادِ بْنِ الْأَسْوَدِ رَضيَ اللهُ عنهُ قَالَ: سَمِعْتُ رَسُولَ اللهِ صَلَّى اللهُ عَلَيْهِ وَسَلَّمَ، يَقُولُ:
«تُدْنَى الشَّمْسُ يَوْمَ الْقِيَامَةِ مِنَ الْخَلْقِ، حَتَّى تَكُونَ مِنْهُمْ كَمِقْدَارِ مِيلٍ»، قَالَ سُلَيْمُ بْنُ عَامِرٍ: فَوَاللهِ مَا أَدْرِي مَا يَعْنِي بِالْمِيلِ؟ أَمَسَافَةَ الْأَرْضِ، أَمِ الْمِيلَ الَّذِي تُكْتَحَلُ بِهِ الْعَيْنُ قَالَ: «فَيَكُونُ النَّاسُ عَلَى قَدْرِ أَعْمَالِهِمْ فِي الْعَرَقِ، فَمِنْهُمْ مَنْ يَكُونُ إِلَى كَعْبَيْهِ، وَمِنْهُمْ مَنْ يَكُونُ إِلَى رُكْبَتَيْهِ، وَمِنْهُمْ مَنْ يَكُونُ إِلَى حَقْوَيْهِ، وَمِنْهُمْ مَنْ يُلْجِمُهُ الْعَرَقُ إِلْجَامًا» قَالَ: وَأَشَارَ رَسُولُ اللهِ صَلَّى اللهُ عَلَيْهِ وَسَلَّمَ بِيَدِهِ إِلَى فِيهِ.
[صحيح] - [رواه مسلم] - [صحيح مسلم: 2864]

អំពី អាល់មិកហ្ទាត ពិន អាល់អាស់វ៉ាត់ رضي الله عنه បាននិយាយថា៖
ខ្ញុំបានឮរ៉ស៊ូលុលឡោះ ﷺ លោកបានមានប្រសាសន៍ថា៖ “នៅថ្ងៃបរលោក ព្រះអាទិត្យនឹងត្រូវគេបន្ទាបមកនៅជិតភាវៈ(ម៉ាខ្លូក)ទាំងឡាយ រហូតដល់ចម្ងាយប្រហែលមួយម៉ាយល៍”។ ស៊ូឡែម ពិន អាមៀរ បាននិយាយថា៖ សូមស្បថនឹងអល់ឡោះ! ខ្ញុំមិនដឹងទេថា តើពាក្យ “ម៉ាយល៍” មានន័យដូចម្តេច? តើសំដៅលើខ្នាតចម្ងាយ "ម៉ាយល៍" ឬសំដៅលើឈើម៉ាយល៍ដែលគេប្រើសម្រាប់លាបម្សៅភ្នែក។ ណាពី ﷺ បានបន្ដថា៖ “មនុស្សស្ថិតនៅក្នុងញើសអាស្រ័យទៅតាមកម្រិតនៃទង្វើរបស់ខ្លួន។ អ្នកខ្លះស្ថិតនៅក្នុងញើសត្រឹមភ្នែកគោល។ ខ្លះស្ថិតនៅក្នុងញើសត្រឹមជង្គង់។ ខ្លះស្ថិតនៅក្នុងញើសត្រឹមចងេ្កះ និងខ្លះទៀតខ្លះត្រូវលិចលង់នៅក្នុងញើស”។ គាត់បាននិយាយថា៖ ហើយរ៉ស៊ូលុលឡោះ ﷺ បានចង្អុលទៅកាន់មាត់របស់លោក។
[صحيح] - [رواه مسلم] - [صحيح مسلم - 2864]

Explanation

ណាពី ﷺ បានប្រាប់ថា ជាការពិតណាស់ នៅថ្ងៃបរលោក ព្រះអាទិត្យនឹងត្រូវគេបន្ទាបមកនៅជិតភាវៈ(ម៉ាខ្លូក)ទាំងឡាយ រហូតដល់ចម្ងាយប្រហែលត្រឹមតែមួយម៉ាយល៍ប៉ុណ្ណោះពីលើក្បាលរបស់ពួកគេ។ សូឡៃម ពិន អាមៀរ ដែលជាតាពីអ៊ីន បាននិយាយថា៖ សូមស្បថនឹងអល់ឡោះ! ខ្ញុំមិនដឹងទេថា តើលោកចង់សំដៅលើម៉ាយល៍មួយណា? តើសំដៅលើម៉ាយល៍ដែលជាខ្នាតរង្វាស់ចម្ងាយ ឬសំដៅលើឈើម៉ាយល៍ដែលគេប្រើសម្រាប់លាបម្សៅភ្នែក។ លោកបានមានប្រសាសន៍បន្តថា៖ មនុស្សលិចលង់នៅក្នុងញើសអាស្រ័យទៅតាមកម្រិតនៃទង្វើរបស់ខ្លួន។ អ្នកខ្លះលិចទៅក្នុងញើសត្រឹមភ្នែកគោល។ អ្នកខ្លះលិចទៅក្នុងញើសត្រឹមក្បាលជង្គង់។ អ្នកខ្លះលិចទៅក្នុងញើសត្រឹមចងេ្កះ ហើយអ្នកខ្លះទៀតលិចទៅក្នុងញើសត្រឹមមាត់ រហូតមិនអាចនិយាយបាន។ គាត់បាននិយាយថា៖ ហើយណាពី ﷺ បានចង្អុលទៅកាន់មាត់របស់លោក។

Benefits from the Hadith

1. បញ្ជាក់ពីស្ថានភាពដ៏គួរឱ្យរន្ធត់នៃថ្ងៃបរលោក និងព្រមានអំពីវា។
2. មនុស្សលោកទទួលរងនូវការលំបាកនៅថ្ងៃបរលោកនៅឯកន្លែងប្រមូលផ្តុំអាស្រ័យទៅតាមទង្វើរបស់ពួកគេ។
3. លើកទឹកចិត្តឱ្យធ្វើអំពើល្អ និងព្រមានកុំឱ្យធ្វើអំពើអាក្រក់។