Hədis: İnsan dostunun dini üzərindədir və sizdən hər biriniz kiminlə dostluq etdiyinə baxsın

عن أبي هريرة رضي الله عنه أَن النبيَّ صَلّى اللهُ عَلَيْهِ وسَلَّم قَالَ:
«الرَّجُلُ عَلَى دِينِ خَلِيلِهِ، فَلْيَنْظُر أَحَدُكُم مَنْ يُخَالِل».
[حسن] - [رواه أبو داود والترمذي وأحمد] - [سنن أبي داود: 4833]

Əbu Hureyradan (Allah ondan razı olsun) Peyğəmbərin (Allahın salavatı və salamı onun üzərinə olsun) belə buyurduğu rəvayət edilir:
"İnsan dostunun dini üzərindədir və sizdən hər biriniz kiminlə dostluq etdiyinə baxsın".
[Həsən] - [Əbu Davud, Ət-Tirmizi,Əhməd] - [Sünən Əbi Davud - 4833]

Şərh (izah)

Peyğəmbər (Allahın salavatı və salamı onun üzərinə olsun) insanın həyat tərzi və vərdişlərində dostu və ən yaxın yoldaşına bənzədiyini, dostluğun insanın əxlaqına, davranışına və hərəkətlərinə təsir etdiyini bəyan etmiş və bu səbəbdən yaxşı dost seçiminə yönəltmişdir. Çünki o, dostunu imana, hidayətə və xeyirxahlığa yönəldir və yoldaşına yardımçı olur.

Hədisin faydalarından

1. Yaxşı insanlarla dostluq etmək və onları seçməyin əmr edilməsi, pis insanlarla yoldaşlıq etməyin isə qadağan edilməsi .
2. Qohumu deyil dostu xüsusiləşdirdi; çünki dostu seçən sənsən, qardaş və qohuma gəlincə, sənin bunda heç bir seçimin yoxdur.
3. Yoldaş seçmək, fikirləşdikdən sonra olmalıdır.
4. İnsan möminlərlə dostluq etməklə dinini gücləndirir, fasiqlərlə dostluq etməklə isə onu zəiflədir.