Hadith: ((ئێك ژ هه‌وه‌ باوه‌رییێ نائینیت (باوه‌رییا وی یا ته‌مام و بنه‌جھ نینه‌)؛ هه‌تا حه‌ز و دلچوونێن وی ل دویڤ وێ بن یا ئه‌ز پێ هاتیم))

عَنْ أَبِي مُحَمَّدٍ عَبْدِ اللَّهِ بْنِ عَمْرِو بْنِ العَاصِ رَضِيَ اللَّهُ عَنْهُمَا، قَالَ: قَالَ رَسُولُ اللَّهِ صَلَّى اللهُ عَلَيْهِ وَسَلَّمَ:
«لَا يُؤْمِنُ أَحَدُكُمْ حَتَّى يَكُونَ هَوَاهُ تَبَعًا لِمَا جِئْتُ بِهِ».
[قال النووي: حديث صحيح] - [رويناه في كتاب الحجة بإسناد صحيح] - [الأربعون النووية: 41]

ژ ئه‌بو موحه‌ممه‌دی، عه‌بدولڵاهێ کوڕێ عەمرێ کوڕێ عاصی (خودێ ژ هەردووكان ڕازی بیت) گۆت: پێغەمبەرێ خودێ (صەلات و سەلامێن خودێ ل سەر بن) گۆت:
((ئێك ژ هه‌وه‌ باوه‌رییێ نائینیت (باوه‌رییا وی یا ته‌مام و بنه‌جھ نینه‌)؛ هه‌تا حه‌ز و دلچوونێن وی ل دویڤ وێ بن یا ئه‌ز پێ هاتیم)).
[قال النووي: حديث صحيح] - [رويناه في كتاب الحجة بإسناد صحيح] - [الأربعون النووية - 41]

Explanation

پێغەمبەرى (صەلات و سەلامێن خودێ ل سەر بن) دیاركر کو مرۆڤ نابیتە باوەردارەکێ ته‌مام و باوەرییه‌كا دروست و واجب ل ده‌ڤ په‌یدا نابیت هه‌تا كو ڤیان و حەزژێکرنا وی ل دویڤ وێ ئێکێ بیت یا پێغەمبەر (صەلات و سەلامێن خودێ ل سەر بن) پێ هاتی، ژ فەرمان و پاشڤه‌برنان و تشتێن دی، ڤێجا دڤێت حەز ژ وی تشتی بکەت یێ وی فەرمان پێ کری و كه‌ربێن وی ژ وی تشتی ڤه‌بن یێ وی پاشڤه‌برن ژێ کری.

Benefits from the Hadith

1. فەرموودە بناخه‌یه‌كه‌ ل دۆر خۆڕادەستکرنا بۆ شەریعه‌تی و سه‌رچه‌مییان بۆ وی و بجهئینانا وی.
2. هشیاركرنا مرۆڤی ژ وێ چه‌ندێ كو ئه‌قلێ خۆ یان نه‌ریتێ جڤاكێ خۆ بكه‌ته‌ دادوه‌ر و بڕیارده‌ر و وان ل سه‌ر وی تشتێ پێغەمبەر (صەلات و سەلامێن خودێ ل سەر بن) پێ هاتی بێخیت و بینیته‌ به‌ری وان، ئه‌و كه‌سێ ڤێ چه‌ندێ بكه‌ت باوه‌ری ژێ هاتییه‌ لادان.
3. پێدڤییە شەریعه‌ت د هەمی تشتاندا بهێتە بکارئینان، ژ بەر گۆتنا پێغەمبەری (صەلات و سەلامێن خودێ ل سەر بن): ((ل دویڤ وێ بن یا ئه‌ز پێ هاتیم)).
4. باوه‌ری ب عیباده‌ت و گوهداریكرنێ زێده‌ دبیت و ب گونه‌ھ و سه‌رپێچیكرنێ كێم دبیت.