Sabuntawa: Imanin ɗayanku ba zai cika ba har sai son zuciyarsa ya kasance mai bi ga abin da na zo da shi

عَنْ أَبِي مُحَمَّدٍ عَبْدِ اللَّهِ بْنِ عَمْرِو بْنِ العَاصِ رَضِيَ اللَّهُ عَنْهُمَا، قَالَ: قَالَ رَسُولُ اللَّهِ صَلَّى اللهُ عَلَيْهِ وَسَلَّمَ:
«لَا يُؤْمِنُ أَحَدُكُمْ حَتَّى يَكُونَ هَوَاهُ تَبَعًا لِمَا جِئْتُ بِهِ».
[قال النووي: حديث صحيح] - [رويناه في كتاب الحجة بإسناد صحيح] - [الأربعون النووية: 41]

Daga Abdullahi ibnu Amr ibnul Aas - Allah Ya yarda da su - ya ce: Manzon Allah - tsira da amincin Allah su tabbata agare shi - ya ce:
«Imanin ɗayanku ba zai cika ba har sai son zuciyarsa ya kasance mai bi ga abin da na zo da shi».
-

Bayani

Annabi - tsira da amincin Allah su tabbata agare shi - ya bayyana cewa mutum ba ya zama mumini mai cikakken imani na wajibi har sai soyayyarsa ta zama mai bi ga abin da Manzo - tsira da amincin Allah su tabbata agare shi - ya zo da shi na umarni da hani da wasunsu, sai ya so abin da ya yi umarni da shi, ya kuma ƙi abin da ya yi hani daga gare shi .

Daga Cikin Fa idodin Hadisin

1. Hadsin ƙa'ida ce a cikin sallamawa shari'a da kuma jawuwa gareta.
2. Yi wa mutum gargaɗi cewa duk wanda ya yarda da hukuncin hankali ko na al'ada kuma ya gabatar da shi akan abin da Manzon Allah - tsira da amincin Allah su tabbata agare shi -, ta zo da shi, wanda ya aikata haka to haƙiƙa an kore imani daga gare shi.
3. Wajabcin hukunci da shari'a a cikin kowanne abu saboda faɗinsa: «Ga abin da na zo da shi».
4. Lallai imani yana ƙaruwa da yin ɗa'a, kuma yana raguwa da aikata saɓo.