Hadith: ពិតណាស់អល់ឡោះគឺស្អាតស្អំ ហេតុនេះទ្រង់មិនទទួលយកទេលើកលែងតែអ្វីដែលស្អាតស្អំ ហើយអល់ឡោះបានដាក់បទបញ្ជាលើពួគអ្នកមានជំនឿដូចអ្វីដែលទ្រង់បានដាក់លើបណ្ដារ៉សូលៗដែរ

عَنْ أَبِي هُرَيْرَةَ رضي الله عنه قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ:
«أَيُّهَا النَّاسُ، إِنَّ اللهَ طَيِّبٌ لَا يَقْبَلُ إِلَّا طَيِّبًا، وَإِنَّ اللهَ أَمَرَ الْمُؤْمِنِينَ بِمَا أَمَرَ بِهِ الْمُرْسَلِينَ، فَقَالَ: {يَا أَيُّهَا الرُّسُلُ كُلُوا مِنَ الطَّيِّبَاتِ وَاعْمَلُوا صَالِحًا، إِنِّي بِمَا تَعْمَلُونَ عَلِيمٌ} [المؤمنون: 51] وَقَالَ: {يَا أَيُّهَا الَّذِينَ آمَنُوا كُلُوا مِنْ طَيِّبَاتِ مَا رَزَقْنَاكُمْ} [البقرة: 172] ثُمَّ ذَكَرَ الرَّجُلَ يُطِيلُ السَّفَرَ أَشْعَثَ أَغْبَرَ، يَمُدُّ يَدَيْهِ إِلَى السَّمَاءِ: يَا رَبِّ، يَا رَبِّ، وَمَطْعَمُهُ حَرَامٌ، وَمَشْرَبُهُ حَرَامٌ، وَمَلْبَسُهُ حَرَامٌ، وَغُذِيَ بِالْحَرَامِ، فَأَنَّى يُسْتَجَابُ لِذَلِكَ؟».
[صحيح] - [رواه مسلم] - [صحيح مسلم: 1015]

អំពី អាពូហ៊ូរ៉យរ៉ោះ رضي الله عنه ថា រ៉ស៊ូលុលឡោះ ﷺ បានមានប្រសាសន៍ថា :
"ពិតណាស់អល់ឡោះគឺស្អាតស្អំ ហេតុនេះទ្រង់មិនទទួលយកទេលើកលែងតែអ្វីដែលស្អាតស្អំ ហើយអល់ឡោះបានដាក់បទបញ្ជាលើពួគអ្នកមានជំនឿដូចអ្វីដែលទ្រង់បានដាក់លើបណ្ដារ៉សូលៗដែរ គឺទ្រង់បានមានបន្ទូលថា : ឱបណ្ដារ៉សូលទាំងឡាយ! ចូរពួកអ្នកទទួលទាននូវអ្វីដែលល្អ ហើយសាងទង្វើកុសល។ ហើយទ្រង់បានមានបន្ទូលដែរថា : ឱបណ្ដាអ្នកមានជំនឿទាំងឡាយ! ចូរពួកអ្នកទទួលទានលាភសក្ការៈល្អៗដែលយើងបានប្រទានដល់ពួកអ្នក។បន្ទាប់មកលោក បានរំលឹកពីបុរសម្នាក់ធ្វើដំណើរវែងឆ្ងាយ សក់កន្ទ្រើង ពេញដោយធូលី ហើយគាត់លើកដៃទាំងពីររបស់គាត់សំដៅទៅលើមេឃដោយបួងសួងថា ឱម្ចាស់របស់ខ្ញុំៗ ប៉ុន្ដែអាហាររបស់គាត់ជាអ្វីដែលគេហាមឃាត់ ទឹករបស់គាត់ក៏ជាអ្វីដែលគេហាមឃាត់ សំលៀកបំពាក់របស់គាត់ក៏ត្រូវគេហាមឃាត់ អាហារដែលគេផ្ដល់ អោយក៏ជាប្រការហាមឃាត់ តើអោយគេទួលយកការបួងសួងរបស់គាត់យ៉ាងដូចមេ្ដច?"
[صحيح] - [رواه مسلم] - [صحيح مسلم - 1015]

Explanation

ព្យាការី ﷺ បានប្រាប់ថា អល់ឡោះគឺជាទ្រង់ល្អបរិសុទ្ធ ឆ្ងាយពីគ្រប់កង្វះខាតនិងគ្រប់កំហុស ហើយមានលក្ខណៈពេញលេញគ្រប់យ៉ាង។ ទ្រង់មិនទទួលយកទេនូវទង្វើ ពាក្យសម្ដី និងជំនឿណាដែលមិនល្អបរិសុទ្ធ។ អ្វីដែលទ្រង់ទទួលយកគឺត្រូវតែស្មោះត្រង់ចំពោះអល់ឡោះ និងស្របតាមការណែនាំរបស់ព្យាការី ﷺ។ មនុស្សមិនគួរខិតខំធ្វើឲ្យកាន់តែជិតស្និទ្ធនឹងអល់ឡោះដោយវិធីផ្សេងពីនេះឡើយ។ ក្នុងចំណោមរឿងសំខាន់បំផុតដែលធ្វើឲ្យទង្វើរបស់អ្នកមានជំនឿមានភាពល្អបរិសុទ្ធ គឺការបរិភោគអាហារដែលល្អបរិសុទ្ធ និងស្របច្បាប់(ហាឡាល់)។ តាមរយៈនេះ ទង្វើរបស់គេនឹងត្រូវបានទទួលយក។ ដូច្នេះហើយបានជាអល់ឡោះបញ្ជាដល់បណ្ដាអ្នកមានជំនឿដូចដែលទ្រង់បានបញ្ជាដល់បណ្ដាអ្នកនាំសារឲ្យបរិភោគអាហារហាឡាល់និងធ្វើអំពើល្អ។ ដូចដែលទ្រង់មានបន្ទូលថា៖ "ឱបណ្ដាអ្នកនាំសារទាំងឡាយ! ចូរបរិភោគអាហារដែលល្អបរិសុទ្ធ និងប្រព្រឹត្តអំពើល្អ។ ពិតណាស់ យើងដឹងអ្វីដែលអ្នករាល់គ្នាប្រព្រឹត្ត" និងទ្រង់មានបន្ទូលថា៖ "ឱបណ្ដាអ្នកមានជំនឿទាំងឡាយ! ចូរពួកអ្នកទទួលទានលាភសក្ការៈល្អៗដែលយើងបានប្រទានដល់ពួកអ្នក"។
បន្ទាប់មក ព្យាការី ﷺ បានព្រមានអំពីការបរិភោគអាហារខុសច្បាប់(ហារ៉ាម) ដែលធ្វើឲ្យខូចទង្វើល្អ និងរារាំងការទទួលយកទង្វើទាំងនោះ ទោះបីជាមានហេតុផលខាងក្រៅដែលគួរឲ្យទទួលយកក៏ដោយ។ ក្នុងនោះមាន៖
ការធ្វើដំណើរយូរក្នុងគោលបំណងធ្វើទង្វើល្អដូចជាធ្វើហាជ្ជី ជីហាត ទំនាក់ទំនងសាច់ញាតិ និងផ្សេងៗទៀត។
សក់រញ៉េរញ៉ៃដោយមិនបានសិតសក់ ខោអាវនិងខ្លួនប្រាណប្រឡាក់ដីធូលី ដែលបង្ហាញពីភាពលំបាក។
លើកដៃទាំងពីរឡើងលើមេឃដើម្បីសុំទូអា។
សុំទូអាអង្វរករអល់ឡោះតាមរយៈព្រះនាមរបស់ទ្រង់ដដែលៗ៖ យ៉ារ៉ប យ៉ារ៉ប!
ទោះបីជាមានមូលហេតុទាំងនេះសម្រាប់ការឆ្លើយតបទូអាក៏ដោយ ក៏ទូអារបស់គេមិនត្រូវបានឆ្លើយតបឡើយ។ នេះដោយសារតែអាហារ ភេសជ្ជៈ និងសម្លៀកបំពាក់របស់គេជារបស់ហារ៉ាម ហើយគេចិញ្ចឹមជីវិតដោយរបស់ហារ៉ាម។ វាពិតជាពិបាកនឹងឆ្លើយតបទូអារបស់អ្នកដែលមានលក្ខណៈបែបនេះណាស់។ តើធ្វើម៉េចនឹងឆ្លើយតបទូអារបស់គេបាន?!

Benefits from the Hadith

1. ភាពពេញលេញរបស់អល់ឡោះក្នុងអង្គទ្រង់ លក្ខណៈរបស់ទ្រង់ ទង្វើរបស់ទ្រង់ និងការវិនិច្ឆ័យរបស់ទ្រង់។
2. បញ្ជាឲ្យធ្វើទង្វើដោយស្មោះត្រង់ចំពោះអល់ឡោះ និងដើរព្យាការី ﷺ ។
3. ការប្រើប្រាស់អ្វីដែលលើកទឹកចិត្តឲ្យធ្វើទង្វើល្អ។ ដូចដែលព្យាការី ﷺ បានមានប្រសាសន៍ថា៖ "ពិតណាស់ អល់ឡោះបញ្ជាដល់បណ្ដាអ្នកមានជំនឿនូវអ្វីដែលទ្រង់បានបញ្ជាដល់បណ្ដាអ្នកនាំសារទាំងឡាយ"។ នៅពេលអ្នកមានជំនឿដឹងថានេះជាបញ្ជារបស់បណ្ដាអ្នកនាំសារ គេនឹងមានកម្លាំងចិត្តនិងលើកទឹកចិត្តឲ្យអនុវត្តតាម។
4. ក្នុងចំណោមឧបសគ្គនៃការឆ្លើយតបទូអាគឺការបរិភោគអាហារហារ៉ាម(ច្បាប់ហាមឃាត់)។
5. មានមូលហេតុប្រាំយ៉ាងសម្រាប់ការឆ្លើយតបទូអា៖
6. - ទីមួយ៖ ការធ្វើដំណើរយូរ ព្រោះវាបង្ហាញពីភាពទន់ទាបដែលជាមូលហេតុសំខាន់នៃការឆ្លើយតប
7. - ទីពីរ៖ ស្ថានភាពលំបាក
8. - ទីបី៖ ការលើកដៃឡើងលើមេឃ
9. - ទីបួន៖ ការសុំអង្វរករអល់ឡោះដដែលៗដោយហៅព្រះនាមរបស់ទ្រង់
10. - ទីប្រាំ៖ ការបរិភោគអាហារល្អបរិសុទ្ធ
11. ការបរិភោគអាហារហាឡាល់និងល្អបរិសុទ្ធគឺជាមូលហេតុមួយដែលជួយឲ្យធ្វើទង្វើល្អ។
12. លោកអាល់កទីបាននិយាយថា៖ពាក្យថា "ល្អបរិសុទ្ធ" គឺផ្ទុយពី "មិនល្អ"។ នៅពេលប្រើពាក្យនេះចំពោះអល់ឡោះ វាមានន័យថាទ្រង់ឆ្ងាយពីគ្រប់កង្វះខាត និងបរិសុទ្ធពីគ្រប់កំហុស។នៅពេលប្រើពាក្យនេះចំពោះមនុស្សជាទូទៅវាមានន័យថាគេឆ្ងាយពីគ្រប់ចរិតអាក្រក់និងទង្វើអាក្រក់ ហើយមានចរិតល្អផ្ទុយពីនោះ។នៅពេលប្រើពាក្យនេះចំពោះទ្រព្យសម្បត្តិវាមានន័យថាទ្រព្យសម្បត្តិនោះជារបស់ហាឡាល់និងជាទ្រព្យដ៏ល្អបំផុត។