Hadith: សូមមាពោលថា៖ “لَا إِلَهَ إِلَّا اللهُ” (គ្មានទេម្ចាស់ដែលត្រូវគេគោរពសក្ការៈដ៏ពិតប្រាកដក្រៅពីអល់ឡោះ)។ តាមរយៈពាក្យនេះ ខ្ញុំនឹងធ្វើជាសាក្សីក្នុងការការពារឲ្យមានៅថ្ងៃបរលោក

عَنْ ‌أَبِي هُرَيْرَةَ رضي الله عنه قَالَ:
قَالَ رَسُولُ اللهِ صَلَّى اللهُ عَلَيْهِ وَسَلَّمَ لِعَمِّهِ: «قُلْ: لَا إِلَهَ إِلَّا اللهُ، أَشْهَدُ لَكَ بِهَا يَوْمَ الْقِيَامَةِ»، قَالَ: لَوْلَا أَنْ تُعَيِّرَنِي قُرَيْشٌ، يَقُولُونَ: إِنَّمَا حَمَلَهُ عَلَى ذَلِكَ الْجَزَعُ لَأَقْرَرْتُ بِهَا عَيْنَكَ. فَأَنْزَلَ اللهُ: {إِنَّكَ لا تَهْدِي مَنْ أَحْبَبْتَ وَلَكِنَّ اللهَ يَهْدِي مَنْ يَشَاءُ } [القصص: 56].
[صحيح] - [رواه مسلم] - [صحيح مسلم: 25]

អំពី អាពូហ៊ូរ៉យរ៉ោះ رضي الله عنه បាននិយាយថា៖
រ៉ស៊ូលុលឡោះ ﷺ បានមានប្រសាសន៍ទៅកាន់ឪពុកមារបស់លោក(អាពូត៏ឡឹប)ថា៖ “សូមមាពោលថា៖ “لَا إِلَهَ إِلَّا اللهُ” (គ្មានទេម្ចាស់ដែលត្រូវគេគោរពសក្ការៈដ៏ពិតប្រាកដក្រៅពីអល់ឡោះ)។ តាមរយៈពាក្យនេះ ខ្ញុំនឹងធ្វើជាសាក្សីក្នុងការការពារឲ្យមានៅថ្ងៃបរលោក”។ គាត់បានតបថា៖ ប្រសិនបើខ្ញុំមិនខ្លាចពួកគូរ៉ស្ហស្តីបន្ទោសខ្ញុំដោយនិយាយថា៖ “ហេតុផលដែលគាត់ធ្វើនោះគឺគ្មានអ្វីក្រៅពីការភ័យខ្លាចឡើយ” នោះខ្ញុំប្រាកដជានឹងខ្ញុំនឹងធ្វើឱ្យអ្នកសប្បាយចិត្តដោយការនិយាយវាជាមិនខាន។ ពេលនោះ អល់ឡោះជាម្ចាស់ក៏បានបញ្ចុះអាយ៉ាត់៖ ﴿إِنَّكَ لَا تَهْدِي مَنْ أَحْبَبْتَ وَلَٰكِنَّ اللَّهَ يَهْدِي مَنْ يَشَاءُ﴾ [سورة القصص(56)] (មានន័យថា៖ ពិតប្រាកដណាស់ អ្នក(មូហាំម៉ាត់)មិនអាចចង្អុលបង្ហាញចំពោះអ្នកណាដែលអ្នកស្រឡាញ់បានឡើយ។ ក៏ប៉ុន្ដែអល់ឡោះទ្រង់ចង្អុលបង្ហាញចំពោះជនណាដែលទ្រង់មានចេតនា។)
[صحيح] - [رواه مسلم] - [صحيح مسلم - 25]

Explanation

ណាពី ﷺ លោកបានសុំឲ្យឪពុកមារបស់លោក គឺអាពូត៏ឡឹប ឲ្យពោលពាក្យ “لَا إِلَهَ إِلَّا اللهُ” ក្នុងពេលដែលគាត់ហៀបនឹងស្លាប់ ដើម្បីឲ្យលោកអាចជួយអន្តរាគមន៍ដល់គាត់តាមរយៈពាក្យនេះនៅថ្ងៃបរលោក និងធ្វើសាក្សីឲ្យគាត់ថា គាត់បានចូលឥស្លាម។ ក៏ប៉ុន្តែ ឪពុកមារបស់គាត់បានបដិសេធមិនពោលពាក្យស្ហាហាហ្ទះនេះនោះឡើយ ដោយខ្លាចពួកគូរ៉ស្ហជេរប្រមាថគាត់ និងនិយាយមិនល្អពីគាត់ថា តាមពិត គាត់ចូលឥស្លាមដោយសារតែខ្លាចស្លាប់ និងដោយសារតែទន់ខ្សោយប៉ុណ្ណោះ។ ហើយគាត់បាននិយាយទៅកាន់ណាពី ﷺ ថា៖ ប្រសិនបើមិនដោយសារតែដូច្នោះទេនោះ ប្រាកដជានឹងខ្ញុំធ្វើឲ្យបំណងប្រាថ្នាអ្នកបានសម្រេច និងធ្វើឱ្យអ្នកសប្បាយចិត្ត តាមរយៈការពោលពាក្យស្ហាហាហ្ទះជាមិនខាន។ ពេលនោះ អល់ឡោះជាម្ចាស់ក៏បានបញ្ចុះនូវអាយ៉ាត់មួយដែលចង្អុលបង្ហាញថា ជាការពិតណាស់ ណាពី ﷺ លោកគ្មានសមត្ថភាពអាចចង្អុលបង្ហាញនរណាម្នាក់ទៅកាន់សាសនាឥស្លាមនោះឡើយ។ ផ្ទុយទៅវិញ អល់ឡោះជាម្ចាស់តែមួយគត់ដែលជាអ្នកអាចចង្អុលបង្ហាញជនណាដែលទ្រង់មានចេតនា។ ចំណែកឯណាពី ﷺ វិញ លោកមានសិទ្ធិត្រឹមតែផ្តល់ការណែនាំ បង្ហាញផ្លូវ និងអំពាវនាវទៅកាន់មាគ៌ាត្រឹមត្រូវប៉ុណ្ណោះ។

Benefits from the Hadith

1. គេមិនអាចបោះបង់ការពិតព្រោះតែខ្លាចពាក្យសម្តីរបស់មនុស្សលោកនោះឡើយ។
2. ណាពី ﷺ លោកមានសិទ្ធិត្រឹមតែផ្តល់ការណែនាំ បង្ហាញផ្លូវ និងអំពាវនាវទៅកាន់មាគ៌ាត្រឹមត្រូវប៉ុណ្ណោះ។ លោកគ្មានសមត្ថភាពអាចផ្តល់ការចង្អុលបង្ហាញដល់នរណាម្នាក់បានឡើយ។
3. បង្គាប់ប្រើឲ្យទៅសួរសុខទុក្ខអ្នកគ្មានជំនឿ(កាហ្វៀរ)ដែលមានជំងឺដើម្បីអំពាវនាវ(ហ្ទាក់វ៉ះ)រូបគេមកកាន់សាសនាឥស្លាម។
4. ការយកចិត្តទុកដាក់របស់ណាពី ﷺ ក្នុងការអំពាវនាវមនុស្សទៅកាន់អល់ឡោះជាម្ចាស់នៅគ្រប់ស្ថានភាពទាំងអស់។