1. Ballina
  2. Kategoritë
  3. Akidja

Hadithi “Allahu i mallkoftë hebrenjtë dhe të krishterët. Varret e të dërguarve të tyre i kanë bërë faltore!”

عَنْ عَائِشَةَ أُمِّ المؤْمنينَ رَضيَ اللهُ عنها قَالَتْ: قَالَ رَسُولُ اللهِ صَلَّى اللهُ عَلَيْهِ وَسَلَّمَ فِي مَرَضِهِ الَّذِي لَمْ يَقُمْ مِنْهُ:
«لَعَنَ اللهُ الْيَهُودَ وَالنَّصَارَى، اتَّخَذُوا قُبُورَ أَنْبِيَائِهِمْ مَسَاجِدَ» قَالَتْ: فَلَوْلَا ذَاكَ أُبْرِزَ قَبْرُهُ، غَيْرَ أَنَّهُ خُشِيَ أَنْ يُتَّخَذَ مَسْجِدًا.

Aishja (Allahu qoftë i kënaqur me të!) tregon se i Dërguari i Allahut ﷺ, gjatë sëmundjes, prej së cilës nuk u çua më, ka thënë:
“Allahu i mallkoftë hebrenjtë dhe të krishterët. Varret e të dërguarve të tyre i kanë bërë faltore!” Ajo tha: “Po të mos ishte kjo fjalë, do të ekspozohej varri i tij. Ai frikësohej se varrin do t'ia shndërronin në faltore.”

Sahih Muttefek alejhi Sahihu i Muslimit - 529

Shpjegimi

Aishja, e bija e Ebu Bekrit (Allahu qoftë i kënaqur me të dytë!), ka treguar se Profeti ﷺ, gjatë sëmundjes së tij, e cila iu rëndua dhe çoi në vdekjen e tij, tha: "Allahu i mallkoftë hebrenjtë dhe të krishterët dhe i largoftë nga mëshira e Tij, sepse ata i morën varret e profetëve të tyre si vende adhurimi, duke ndërtuar mbi to, duke u falur tek ato, ose duke u drejtuar nga ato gjatë adhurimit." Pastaj, ajo (Allahu qoftë i kënaqur me të!) tha: "Po të mos ishte ai ndalim dhe ai paralajmërim nga Profeti ﷺ, si dhe frika e sahabëve se varri i tij mund të trajtohej ashtu siç hebrenjtë dhe të krishterët trajtuan varret e profetëve të tyre, varri i tij do të ishte bërë i dukshëm dhe i theksuar."

Mësime nga hadithi

  1. Kjo është një nga porositë e tij të fundit, gjë që tregon rëndësinë e saj dhe nevojën për t’i kushtuar vëmendje të madhe.
  2. Ndalimi i prerë dhe i rreptë për marrjen e varreve si vende adhurimi, ose për t’u falur me qëllim tek ato, përveç namazit të xhenazes, pasi kjo çon në madhërimin e të vdekurit, në tavaf rreth varrit të tij, në prekjen e qosheve të tij, ose në thirrjen e emrit të tij. Të gjitha këto janë prej shirkut dhe rrugëve që të çojnë tek ai.
  3. Interesimi i madh dhe kujdesi i të Dërguarit të Allahut ﷺ për teuhidin dhe frika e tij nga madhërimi i varreve, sepse kjo çon drejt shirkut.
  4. Allahu i Lartësuar e ka mbrojtur Profetin e Tij ﷺ, që në varrin e tij të mos bëhen vepra shirku. Ai i ka frymëzuar sahabët dhe ata që erdhën pas tyre që ta ruajnë varrin e tij, duke mos e bërë të dukshëm apo të ngritur.
  5. Sahabët (Allahu qoftë i kënaqur me ta!) iu përmbajtën këshillës së Profetit ﷺ dhe ishin të kujdesshëm për ta ruajtur teuhidin (besimin e pastër monteist).
  6. Ndalohet imitimi dhe përngjasimi i hebrenjve dhe të krishterëve, dhe ndërtimi mbi varre është prej praktikave të tyre.
  7. Nga shndërrimi i varreve në faltore - xhami, është namazi në to dhe në drejtim të tyre, edhe nëse nuk është ndërtuar faltore (mbi to).

Shfaq përkthimet

44 Gjuha
EN English الإنجليزية
UR اردو الأوردية
ES Español الإسبانية
ID Indonesia الإندونيسية
UG ئۇيغۇرچە الأيغورية
BN বাংলা البنغالية
TR Türkçe التركية
RU Русский الروسية
BS Bosanski البوسنية
SI සිංහල السنهالية
HI हिन्दी الهندية
ZH 中文 الصينية
FA فارسی الفارسية
VI Tiếng Việt الفيتنامية
TL Tagalog تجالوج
KU Kurdî الكردية
HA Hausa الهوسا
PT Português البرتغالية
ML മലയാളം المليالم
TE తెలుగు التلغو
SW Kiswahili السواحيلية
TA தமிழ் التاميلية
MY မြန်မာ البورمية
TH ไทย التايلندية
PS پښتو بشتو
AS অসমীয়া الأسامية
SV Svenska السويدية
AM አማርኛ الأمهرية
NL Nederlands الهولندية
GU ગુજરાતી الغوجاراتية
PRS دری الدرية
SR Српски الصربية
RO Română الرومانية
HU Magyar المجرية
MOS Moore الموري
MG Malagasy المالاجاشية
KN ಕನ್ನಡ الكانادا
WO Wolof الولوف
UK Українська الأوكرانية
KA ქართული الجورجية
MK Македонски المقدونية
KM ភាសាខ្មែរ الخميرية
PA ਪੰਜਾਬੀ البنجابية
MR मराठी الماراثية