Ҳадис: Албатта, икковлари азобланмоқдалар, катта нарса учун азобланаётганлари йўқ. Ҳа! Улардан бири пешобидан покланмас эди. Бошқаси эса чақимчилик қилиб юрар эди

عَنِ ابْنِ عَبَّاسٍ رضي الله عنهما قَالَ:
مَرَّ النَّبِيُّ صَلَّى اللهُ عَلَيْهِ وَسَلَّمَ بِقَبْرَيْنِ، فَقَالَ: «إِنَّهُمَا لَيُعَذَّبَانِ، وَمَا يُعَذَّبَانِ فِي كَبِيرٍ، أَمَّا أَحَدُهُمَا فَكَانَ لاَ يَسْتَتِرُ مِنَ البَوْلِ، وَأَمَّا الآخَرُ فَكَانَ يَمْشِي بِالنَّمِيمَةِ» ثُمَّ أَخَذَ جَرِيدَةً رَطْبَةً، فَشَقَّهَا نِصْفَيْنِ، فَغَرَزَ فِي كُلِّ قَبْرٍ وَاحِدَةً، قَالُوا: يَا رَسُولَ اللَّهِ، لِمَ فَعَلْتَ هَذَا؟ قَالَ: «لَعَلَّهُ يُخَفِّفُ عَنْهُمَا مَا لَمْ يَيْبَسَا».
[صحيح] - [متفق عليه] - [صحيح البخاري: 218]

Абдуллоҳ ибн Аббос разияллоҳу анҳумодан:
Набий соллаллоҳу алайҳи ва саллам икки қабр ёнидан ўтдилар ва: «Албатта, икковлари азобланмоқдалар, катта нарса учун азобланаётганлари йўқ. Ҳа! Улардан бири пешобидан покланмас эди. Бошқаси эса чақимчилик қилиб юрар эди.», – дедилар. Сўнгра нам шохни олидилар ва икки бўлдилар. Ҳар битта қабрга биттадан санчиб қўйдилар. Шунда саҳобалар: «Ё Расулуллоҳ, нима учун бундай қилдингиз?», – дедилар. Шунда «Қуруб қолгунча балки азобни енгиллаштирар», – дедилар.
[Тўғри матн] - [Муттафақун алайҳ] - [Саҳиҳул Бухорий - 218]

Изоҳ

Набий соллаллоҳу алайҳи ва саллам икки қабрнинг олдидан ўтдилар ва шундай дедилар: «Бу икки қабр эгалари азобланмоқдалар. Аллоҳнинг наздида катта бўлса ҳам сизларнинг наздингизда катта гуноҳ эмас. Улардан бири ҳожат ўтаётган вақтида бавлдан кийимини сақлашга эътибор бермас эди. Иккинчиси эса одамлар орасида чақимчилик қилиб юрар эди. Бировнинг сўзини унга зарар бериш, хилоф чиқариш ва одамларни бир бирларига қайраш учун кўтариб юрар эди».

Ҳадиснинг фойдалари

1. Чақимчилик ва бавлдан тозаланмаслик катта гуноҳлардан бўлиб, у қабр азобига сабаб бўлади.
2. Аллоҳ таолонинг қабр азоби каби баъзи ғайбларни изҳор қилиши Набий соллаллоҳу алайҳи ва салламнинг нубувватларига далолат қилади.
3. Расулуллоҳ соллаллоҳу алайҳи ва саллам нам шохни синдириб қабр устига санчиб қўйишлари У кишига хос, чунки, Аллоҳ у кишига у қабр эгаларининг ҳолатини ошкор қилиб қўйди. Бошқалар У кишига қиёс қилинмайди. Чунки қабр эгаларининг аҳволини ҳеч ким билмайди.