ਗੱਲ ਜਾਂ ਬਾਤਾਂ: ਨਬੀ ﷺ ਜਦੋਂ ਤੁਸੀਂ ਮਸਜਿਦ ਵਿੱਚ ਦਾਖ਼ਲ ਹੁੰਦੇ, ਤਾਂ ਇਹ ਦੁਆ ਪੜ੍ਹਦੇ: "ਆਉਜ਼ੁ ਬਿੱਲਾਹਿਲ-ਅਜ਼ੀਮ, ਵਾ ਬਿ ਵਜਹਿਹਿਲ-ਕਰੀਮ, ਵਾ ਬਿ ਸੁਲਤਾਨਿਹਿਲ ਕਦੀਮ, ਮਿਨੱਸ਼-ਸ਼ੈਤਾਨਿੱਰਾਜੀਮ।" (ਮੈਂ ਮਹਾਨ ਅੱਲਾਹ ਦੀ, ਉਦਾਰਤਾ ਅਤੇ ਦਰਿਆਦਿਲੀ ਵਾਲੇ ਉਸ ਦੇ ਸਤਿਕਾਰਯੋਗ ਚਿਹਰੇ ਅਤੇ ਉਸਦੀ ਸਦੀਵੀ ਬਾਦਸ਼ਾਹੀ ਦੀ ਪਨਾਹ ਮੰਗਦਾ ਹਾਂ, ਅਪਮਾਨਿਤ ਸ਼ੈਤਾਨ ਤੋਂ।)

عن عبد الله بن عمرو بن العاص رضي الله عنهما:
عن النبي صلى الله عليه وسلم أنه كان إذا دخل المسجد قال: «أعوذ بالله العظيم، وبوجهه الكريم، وسلطانه القديم، من الشيطان الرَّجِيم»، قال: أَقَطُّ؟ قلت: نعم، قال: فإذا قال ذلك قال الشيطان: حُفِظَ منِّي سائر اليوم.
[حسن] - [رواه أبو داود] - [سنن أبي داود: 466]

ਅਬਦੁੱਲਾਹ ਬਿਨ ਅਮਰ ਬਿਨ ਆਸ (ਰਜ਼ੀਅੱਲਾਹੁ ਅਨਹੁਮਾ) ਤੋਂ ਰਿਵਾਇਤ ਹੈ ਕਿ
ਨਬੀ ﷺ ਜਦੋਂ ਤੁਸੀਂ ਮਸਜਿਦ ਵਿੱਚ ਦਾਖ਼ਲ ਹੁੰਦੇ, ਤਾਂ ਇਹ ਦੁਆ ਪੜ੍ਹਦੇ: "ਆਉਜ਼ੁ ਬਿੱਲਾਹਿਲ-ਅਜ਼ੀਮ, ਵਾ ਬਿ ਵਜਹਿਹਿਲ-ਕਰੀਮ, ਵਾ ਬਿ ਸੁਲਤਾਨਿਹਿਲ ਕਦੀਮ, ਮਿਨੱਸ਼-ਸ਼ੈਤਾਨਿੱਰਾਜੀਮ।" (ਮੈਂ ਮਹਾਨ ਅੱਲਾਹ ਦੀ, ਉਦਾਰਤਾ ਅਤੇ ਦਰਿਆਦਿਲੀ ਵਾਲੇ ਉਸ ਦੇ ਸਤਿਕਾਰਯੋਗ ਚਿਹਰੇ ਅਤੇ ਉਸਦੀ ਸਦੀਵੀ ਬਾਦਸ਼ਾਹੀ ਦੀ ਪਨਾਹ ਮੰਗਦਾ ਹਾਂ, ਅਪਮਾਨਿਤ ਸ਼ੈਤਾਨ ਤੋਂ।) (ਉਕਬਾ ਨੇ) ਕਿਹਾ: ਬਸ ਇੰਨਾ ਹੀ? ਮੈਂ ਕਿਹਾ: ਹਾਂ। ਉਨ੍ਹਾਂ ਨੇ (ਹਦੀਸ ਪੂਰੀ ਕਰਦੇ ਹੋਏ) ਕਿਹਾ ਕਿ: ਜਦੋਂ ਮਸਜਿਦ ਵਿੱਚ ਦਾਖਲ ਹੋਣ ਵਾਲਾ ਵਿਅਕਤੀ ਇਹ ਦੁਆ ਪੜ੍ਹਦਾ ਹੈ, ਤਾਂ ਸ਼ੈਤਾਨ ਕਹਿੰਦਾ ਹੈ ਕਿ ਹੁਣ ਉਹ ਮੈਥੋਂ ਸਾਰੇ ਦਿਨ ਲਈ ਸੁਰੱਖਿਅਤ ਹੋ ਗਿਆ।
[حسن] - [رواه أبو داود] - [سنن أبي داود - 466]

ਵਿਆਖਿਆ

ਅੱਲਾਹ ਦੇ ਨਬੀ ﷺ ਜਦੋਂ ਮਸਜਿਦ ਵਿੱਚ ਦਾਖ਼ਲ ਹੁੰਦੇ, ਤਾਂ ਕਹਿੰਦੇ: "ਮੈਂ ਪਨਾਹ (ਸ਼ਰਨ) ਲੈਂਦਾ ਹਾਂ ਮਹਾਨ ਅੱਲਾਹ ਦੀ।" ਭਾਵ ਮੈਂ ਅੱਲਾਹ ਅਤੇ ਉਸ ਦੀਆਂ ਸਿਫ਼ਤਾਂ ਦੀ ਪਨਾਹ ਲੈਂਦਾ ਹਾਂ। ਉਦਾਰਤਾ ਅਤੇ ਦਰਿਆਦਿਲੀ ਵਾਲੇ ਉਸਦੇ ਪਵਿੱਤਰ ਚਿਹਰੇ ਦੀ, "ਉਸ ਦੇ ਦਬਦਬੇ ਦੀ" ਭਾਵ ਜਿਸ ਮਖ਼ਲੂਕ (ਰਚਨਾ) 'ਤੇ ਚਾਹਵੇ ਉਸਦੇ ਦਬਦਬੇ, ਤਾਕਤ ਅਤੇ ਕ੍ਰੋਧ ਦੀ ਪਨਾਹ। ਜੋ ਅਨਾਦਿ ਅਤੇ ਬੇਅੰਤ ਹੈ। ਭਾਵ ਜੋ ਸ਼ੁਰੂ ਤੋਂ ਹੈ ਅਤੇ ਸਦੀਵੀ ਅੰਤ ਤੱਕ ਰਹਿਣ ਵਾਲਾ ਹੈ। "ਅਪਮਾਨਿਤ ਕੀਤੇ ਹੋਏ ਸ਼ੈਤਾਨ ਤੋਂ।" ਭਾਵ ਜਿਸਨੂੰ ਅੱਲਾਹ ਦੀ ਰਹਿਮਤ (ਦਇਆ) ਤੋਂ ਦੂਰ ਕਰ ਦਿੱਤਾ ਗਿਆ ਹੈ। ਅਰਥਾਤ: ਹੇ ਅੱਲਾਹ! ਮੈਨੂੰ ਸ਼ੈਤਾਨ ਦੇ ਵਸਵਸਿਆਂ (ਬੁਰੇ ਵਿਚਾਰਾਂ) ਤੋਂ, ਉਕਸਾਵੇ ਤੋਂ, ਸਾਜ਼ਸ਼ਾਂ ਤੋਂ, ਨੁਕਸਾਨਾਂ ਤੋਂ, ਚਾਲਾਕੀਆਂ ਤੋਂ ਅਤੇ ਭਟਕਾਉਣ ਤੋਂ ਸੁਰੱਖਿਅਤ ਰੱਖ। ਕਿਉਂਕਿ ਇਨਸਾਨ ਦੇ ਗੁਮਰਾਹ ਹੋਣ, ਭਟਕਣ ਅਤੇ ਜਹਾਲਤ (ਅਗਿਆਨਤਾ) ਪਿੱਛੇ ਇਸੇ ਦਾ ਹੱਥ ਹੁੰਦਾ ਹੈ। ਇਸਤੋਂ ਬਾਅਦ ਅਬਦੁੱਲਾਹ ਬਿਨ ਅਮਰ (ਰਜ਼ੀਅੱਲਾਹੁ ਅਨਹੁ) ਤੋਂ ਪੁੱਛਿਆ ਗਿਆ: ਕੀ ਅੱਲਾਹ ਦੇ ਨਬੀ ﷺ ਨੇ ਸਿਰਫ਼ ਇੰਨਾ ਹੀ ਕਿਹਾ ਹੈ? ਉਨ੍ਹਾਂ ਨੇ ਜਵਾਬ ਦਿੱਤਾ: ਹਾਂ।
ਹਾਂ, ਪਰ ਇਸ ਹਦੀਸ ਦਾ ਪੂਰਾ ਵੇਰਵਾ ਇਹ ਹੈ ਕਿ ਜਦੋਂ ਮਸਜਿਦ ਵਿੱਚ ਦਾਖਲ ਹੋਣ ਵਾਲਾ ਵਿਅਕਤੀ ਇਹ ਦੁਆ ਪੜ੍ਹ ਲੈਂਦਾ ਹੈ, ਤਾਂ ਸ਼ੈਤਾਨ ਕਹਿੰਦਾ ਹੈ: ਇਸ ਦਾਖਲ ਹੋਣ ਵਾਲੇ ਵਿਅਕਤੀ ਨੇ ਮੈਥੋਂ ਆਪਣੇ-ਆਪ ਨੂੰ ਦਿਨ ਭਰ ਅਤੇ ਰਾਤ ਭਰ ਲਈ ਸੁਰੱਖਿਅਤ ਕਰ ਲਿਆ ਹੈ।"

ਹਦੀਸ ਦੇ ਫਾਇਦੇ ਵਿੱਚੋਂ

1. ਮਸਜਿਦ ਵਿੱਚ ਦਾਖ਼ਲ ਹੋਣ ਵੇਲੇ ਇਸ ਜ਼ਿਕਰ (ਸਿਮਰਨ/ਜਾਪ) ਨੂੰ ਪੜ੍ਹਨ ਦੀ ਫਜ਼ੀਲਤ (ਮਹੱਤਤਾ)। ਇਹ ਦੁਆ ਪੜ੍ਹ ਲੈਣ ਤੋਂ ਬਾਅਦ ਇਨਸਾਨ ਬਾਕੀ ਦਿਨ ਲਈ ਸ਼ੈਤਾਨ ਤੋਂ ਸੁਰੱਖਿਅਤ ਰਹਿੰਦਾ ਹੈ।
2. ਇਸ ਹਦੀਸ ਵਿੱਚ ਸ਼ੈਤਾਨ ਤੋਂ ਸੁਚੇਤ ਤੇ ਸਾਵਧਾਨ ਕੀਤਾ ਗਿਆ ਹੈ ਅਤੇ ਦੱਸਿਆ ਗਿਆ ਹੈ ਕਿ ਸ਼ੈਤਾਨ ਮੁਸਲਮਾਨ ਨੂੰ ਸਿੱਧੇ ਰਾਹ ਤੋਂ ਭਟਕਾਉਣ ਲਈ ਘਾਤ ਲਗਾ ਕੇ ਬੈਠਾ ਰਹਿੰਦਾ ਹੈ।
3. ਇਨਸਾਨ ਨੂੰ ਸ਼ੈਤਾਨ ਦੇ ਵਸਵਸੇ (ਭਟਕਾਉਣ) ਤੋਂ ਸੁਰੱਖਿਆ ਉਸੇ ਹੱਦ ਤੱਕ ਮਿਲਦੀ ਹੈ, ਜਿਸ ਹੱਦ ਤੱਕ ਉਸਦੇ ਦਿਲ ਵਿੱਚ ਅੱਲਾਹ 'ਤੇ ਈਮਾਨ, ਇਸ ਦੁਆ ਨੂੰ ਪੜ੍ਹਨ ਵੇਲੇ ਦਿਲ ਦੀ ਹਾਜ਼ਰੀ ਅਤੇ ਇਸ ਦੇ ਬਦਲੇ ਵਿੱਚ ਅੱਲਾਹ ਦੁਆਰਾ ਕੀਤੇ ਗਏ ਵਾਅਦੇ 'ਤੇ ਪੱਕਾ ਯਕੀਨ ਹੁੰਦਾ ਹੈ।