Hadiis: A Hasan la a Hʋsayn, bãmb b yiibã yaa arzãnã rasãmb zu-raado

عن أبي سعيد الخدري رضي الله عنه قال: قال رسول الله صلى الله عليه وسلم:
«الحَسَن والحُسَيْن سَيِّدا شَباب أهْل الجنة».
[صحيح] - [رواه الترمذي وأحمد] - [سنن الترمذي: 3768]

Yii a Abɩɩ Saʿʿɩɩd Al-ẖʋdriy nengẽ (Wẽnd yard be a yĩnga), a yeelame, Wẽnd Tẽn-tʋʋma, (Wẽnd pʋʋsg la A tɩlgr be a yĩnga), yeelame:
«A Hasan la a Hʋsayn, bãmb b yiibã yaa arzãnã rasãmb zu-raado».
[Naṣʋn Ṣahɩɩhʋn (Gom-sikdem sẽn manege)] - [A At-tirmiiziy la a Ahmad n togs-a] - [Sunan At-tirmiiziy - 3768]

bilgrã

Nabiyaamã (Wẽnd pʋʋsg la A tɩlgr be a yĩngɑ) kõo kibare, t'a yagens a yiibã, a Hasan la a Hʋsayne, sẽn yaa a Ali ɭbn Abɩɩ Taalib la a Faatima sẽn yaa Nabiyaamã (Wẽnd pʋʋsg la A tɩlgr be a yĩngɑ) bi-puglã koambã, (Wẽnd yard be b yĩnga), tɩ bãmbã b yiibã la ned fãa sẽn maan kaalem n kẽ arzãna b zu-soab-rãmb a yiibu, maa yaa bãmb b yiibã la arzãnã koamb rasãmb zut-rãmba, zẽng sẽn ka nabiyaamã-rãmbã la sahaabs nins sẽn leds Nabiyaamã sẽn yaa kãndegdbã.

Sẽn be Hɑdiisã yõod-rãmbẽ

1. Wilgda yɩɩdlem sẽn yaa vẽenega n kõ a Hasan la a Hʋsayn (Wẽnd yard be b yiibã yĩnga).
2. B yeela hadiisã maana pʋgẽ: tɩ hadiisã yẽsg wakatã b rag n yaa arzãn koamb zu-soab-rãmba sẽn yaa zamaan-kãngã rasãmba, maa b yiibã n yɩɩd ned fãa, ne yɩɩdlem sẽn welg wala nabiyaamã-rãmbã la tẽn-tʋʋmbã, maa b yiibã yaa zut rãmba tɩ b sɩf-b ne rasãmdlem sɩfo la nedemdo, la kũuni la raoodo, la b ka rat ne rẽnda tɩ yaa rasãndlemã yʋʋm ye, bala a Hasan la a Hʋsayne, b maana kaalem tɩ n yaa kom-pogdo.