হাদীছ: হাছান আৰু হুছেইন হৈছে জান্নাতৰ যুৱকসকলৰ চৰ্দাৰ।
عن أبي سعيد الخدري رضي الله عنه قال: قال رسول الله صلى الله عليه وسلم:
«الحَسَن والحُسَيْن سَيِّدا شَباب أهْل الجنة».
[صحيح] - [رواه الترمذي وأحمد] - [سنن الترمذي: 3768]
المزيــد ...
আবু ছাঈদ আল-খুদৰী ৰাদ্বিয়াল্লাহু আনহুৰ পৰা বৰ্ণিত, ৰাছুলুল্লাহ চাল্লাল্লাহু আলাইহি অছাল্লামে কৈছেঃ
"হাছান আৰু হুছেইন হৈছে জান্নাতৰ যুৱকসকলৰ চৰ্দাৰ।"
[ছহীহ] - [(তিৰমিজী) - (আহমদ)] - [ছুনান তিৰমিজী - 3768]
নবী চাল্লাল্লাহু আলাইহি অছাল্লামে তেখেতৰ দুয়ো নাতি অৰ্থাৎ আলী ইবনে আবি তালিব আৰু ফাতিমা বিন্তে নবী চাল্লাল্লাহু আলাইহি অছাল্লামৰ পুত্ৰ সম্পৰ্কে হাদীছটোত কৈছে যে, যুৱক অৱস্থাত মৃত্যুবৰণ কৰা প্ৰতিজন জান্নাতী লোকৰ তেওঁলোক দুজন হ'ব চৰ্দাৰ। নাইবা নবীসকল আৰু খুলাফায়ে ৰাশ্বিদীনৰ বাহিৰে সকলো জান্নাতী যুৱকৰে তেওঁলোক চৰ্দাৰ হ'ব।
হাদীছৰ পৰা সংগৃহীত উপকাৰিতাসমূহ
- হাদীছটোত হাছান আৰু হুছেইন ৰাদ্বিয়াল্লাহু আনহুমাৰ স্পষ্ট মৰ্যাদা বৰ্ণিত হৈছে।
- এই হাদীছটোৰ অৰ্থত কোৱা হৈছে যে, হাছান আৰু হুছেইন হৈছে সেই সময়ৰ জান্নাতী যুৱকসকলৰ চৰ্দাৰ, অথবা ইয়াৰ অৰ্থ এইটো হ’ব পাৰে যে, তেওঁলোক হৈছে সেইসকল লোকতকৈ উত্তম, যিসকলৰ বিষয়ে কোনো সাধাৰণ ফজিলতো প্ৰমাণিত নাই, যেনে- নবী আৰু খলিফাসকলৰ বাহিৰে অন্যান্য লোকসকল। নাইবা ইয়াৰ অৰ্থ এইটোও হ’ব পাৰে যে, তেওঁলোক হৈছে সেইসকল ব্যক্তিৰ চৰ্দাৰ যিসকলৰ ভিতৰত যুৱকৰ গুণ আছে, যেনে- ভদ্ৰতা, উদাৰতা, আৰু সাহসিকতা আদি। ইয়াত কেৱল যুৱক অৱস্থাৰ বয়স উল্লেখ হোৱা নাই, কিয়নো হাছান আৰু হুছেইন বৃদ্ধাৱস্থাত পৃথিৱীৰ পৰা বিদায় লৈছিল।
শ্ৰেণীবিন্যাসসমূহ
অধিক
- হাদীছ: এদিনাখন আমি ৰাছুলুল্লাহ চাল্লাল্লাহু ‘আলাইহি অছাল্লামৰ ওচৰত বহি আছিলোঁ, ঠিক সেই সময়তে হঠাৎ এজন ব্যক্তি আমাৰ সন্মুখত আহি উপস্থিত হয়, যাৰ কাপোৰ আছিল অতিকৈ বগা, চুলি আছিল ভীষণ ক’লা; তাৰ ওপৰত ভ্ৰমণৰ কোনো লক্ষণ পৰিলক্ষিত হোৱা নাছিল। আমাৰ মাজৰ কোনেও তেওঁক চিনিও পোৱা নাছিল।
- হাদীছ: হে মোৰ বান্দাসকল! মই মোৰ ওপৰত অন্যায়-অত্যাচাৰক হাৰাম কৰি লৈছোঁ, আৰু তোমালোকৰ মাজতো ইয়াক হাৰাম কৰিছোঁ। গতিকে তোমালোকেও ইজনে সিজনক অন্যায় নকৰিবা। হে মোৰ বান্দাসকল! তোমালোক আটায়েই পথভ্রষ্ট; কিন্তু সেই ব্যক্তিৰ বাহিৰে যাক মই সঠিক পথ দেখুৱাইছোঁ (অৰ্থাৎ হিদায়ত প্ৰদান কৰিছোঁ)। গতিকে তোমালোকে মোৰ ওচৰত হিদায়ত কামনা কৰা, ময়ে তোমালোকক সঠিক পথ দেখুৱাম।
- হাদীছ: নিশ্চয় আল্লাহ তা‘আলাই অত্যাচাৰীক অৱকাশ দিয়ে। কিন্তু যেতিয়া তেওঁ কৰায়ত্ব কৰে তেতিয়া কোনো পধ্যেই এৰি নিদিয়ে।