ഹദീസ്: സ്വർഗത്തിലെ യുവാക്കളുടെ നേതാക്കളാണ് ഹസനും ഹുസൈനും -رَضِيَ اللَّهُ عَنْهُمَا-
عن أبي سعيد الخدري رضي الله عنه قال: قال رسول الله صلى الله عليه وسلم:
«الحَسَن والحُسَيْن سَيِّدا شَباب أهْل الجنة».
[صحيح] - [رواه الترمذي وأحمد] - [سنن الترمذي: 3768]
المزيــد ...
അബൂ സഈദ് അൽ-ഖുദ്‌രി -رَضِيَ اللَّهُ عَنْهُ- നിവേദനം: നബി -ﷺ- പറഞ്ഞു:
"സ്വർഗത്തിലെ യുവാക്കളുടെ നേതാക്കളാണ് ഹസനും ഹുസൈനും -رَضِيَ اللَّهُ عَنْهُمَا-."
[സ്വഹീഹ്] - - [سنن الترمذي - 3768]
നബി -ﷺ- യുടെ പേരമക്കളും, അലിയ്യു ബ്നു അബീ ത്വാലിബിൻ്റെ -رَضِيَ اللَّهُ عَنْهُ- യും നബി -ﷺ- യുടെ മകളായ ഫാത്വിമയുടെയും മക്കളുമായ ഹസനും ഹുസൈനും -رَضِيَ اللَّهُ عَنْهُمَا- സ്വർഗത്തിലെ യുവാക്കളുടെ നേതാക്കളായിരിക്കും എന്ന് നബി -ﷺ- അറിയിക്കുന്നു. മരണപ്പെടുമ്പോൾ യുവാവായിരുന്നവരുടെ നേതാക്കളായിരിക്കും എന്നാണ് ഹദീഥിൻ്റെ ഉദ്ദേശ്യം. നബിമാരും ഖുലഫാഉ റാഷിദീങ്ങളും ഒഴികെയുള്ളവർക്കായിരിക്കും അവർ നേതാവായിരിക്കുക.
ഹദീഥിൻ്റെ പാഠങ്ങളിൽ നിന്ന്
- ഹസൻ, ഹുസൈൻ -رَضِيَ اللَّهُ عَنْهُمَا- എന്നിവരുടെ സ്ഥാനവും ശ്രേഷ്ഠതയും വ്യക്തമായി ബോധ്യപ്പെടുത്തുന്ന ഹദീഥാണിത്.
- ഹദീഥിൻ്റെ വിശദീകരണത്തിൽ ചില പണ്ഡിതന്മാർ പറഞ്ഞു: നബി -ﷺ- ഈ ഹദീഥ് പറയുന്ന കാലഘട്ടത്തിലുള്ള യുവാക്കളുടെ കൂട്ടത്തിൽ സ്വർഗത്തിൽ പ്രവേശിക്കുന്നവരുടെ നേതാക്കളാണ് ഇവർ എന്നാണ് ഹദീഥിൻ്റെ ഉദ്ദേശ്യം. അതല്ലെങ്കിൽ മറ്റുള്ളവർക്കെല്ലാം മേൽ ശ്രേഷ്ഠതയുണ്ട് എന്ന് പ്രത്യേകം സ്ഥിരപ്പെട്ട നബിമാരെയും ഖുലഫാക്കളെയും ഒഴിച്ചു നിർത്തിയാലുള്ള കാര്യമാണ് ഹദീഥിലുള്ളത്. അതല്ലെങ്കിൽ യുവത്വത്തിൻ്റെ ഏറ്റവും ശ്രേഷ്ഠമായ സ്വഭാവങ്ങളായ ജീവിതവിശുദ്ധിയും ഉദാരതയും ധൈര്യവുമെല്ലാം അവരുടെ പക്കലുണ്ടായിരുന്നു. ഹസനും ഹുസൈനും -رَضِيَ اللَّهُ عَنْهُمَا- മദ്ധ്യവയസ്കരായ ഘട്ടത്തിലാണ് മരണപ്പെട്ടത് എന്നതിനാൽ പ്രായം എന്ന അർത്ഥത്തിലല്ല യുവത്വം ഇവിടെ പ്രയോഗിക്കപ്പെട്ടിരിക്കുന്നത്."
വിഭാഗങ്ങൾ
കൂടുതൽ
- ഹദീസ്: ഒരു ദിവസം ഞങ്ങൾ നബി -ﷺ- യുടെ അരികിൽ ഇരിക്കുന്ന വേളയിൽ ഒരു വ്യക്തി ഞങ്ങൾക്കിടയിലേക്ക് കടന്നു വന്നു. തൂവെള്ള നിറമുള്ള വസ്ത്രവും, കറുകറുത്ത മുടിയുമാണ് അദ്ദേഹത്തിൻ്റേത്. യാത്രയുടെ അടയാളങ്ങളൊന്നും അദ്ദേഹത്തിൽ കാണപ്പെട്ടില്ല. ഞങ്ങളിലാർക്കും അദ്ദേഹത്തെ അറിയുകയുമില്ല.
- ഹദീസ്: എൻ്റെ അടിമകളേ! അനീതി ഞാൻ എൻ്റെ മേൽ നിഷിദ്ധമാക്കിയിരിക്കുന്നു. അത് നിങ്ങൾക്കിടയിലും ഞാൻ നിഷിദ്ധമാക്കിയിരിക്കുന്നു. അതിനാൽ നിങ്ങൾ പരസ്പരം അനീതി പ്രവർത്തിക്കാതിരിക്കുക. എൻ്റെ അടിമകളേ! നിങ്ങളെല്ലാം വഴിപിഴച്ചവരാണ്; ഞാൻ സന്മാർഗം നൽകിയവരൊഴികെ. അതിനാൽ നിങ്ങൾ എന്നോട് സന്മാർഗം ചോദിക്കുക; ഞാൻ നിങ്ങളെ അതിലേക്ക് നയിക്കാം.
- ഹദീസ്: അല്ലാഹു അതിക്രമിക്ക് അവധി നൽകുന്നതാണ്; അങ്ങനെ അവനെ പിടികൂടിയാൽ പിന്നെ അവനെ രക്ഷപ്പെടാൻ വിടുന്നതല്ല.