Hadith: អំពី អាពូអាំរ៍ (អ្នកខ្លះថា៖ អាពូអាំរ៉ោះ) សុហ្វយ៉ាន ពិន អាប់ទុលឡោះ رضي الله عنه បាននិយាយថា៖||ខ្ញុំបានសួរថា៖ ឱរ៉ស៊ូលុលឡោះ! សូមលោកប្រាប់ខ្ញុំនូវពាក្យមួយក្នុងសាសនាឥស្លាម(ដែលមានលក្ខណៈគ្រប់គ្រាន់)ដែលខ្ញុំមិនចាំបាច់សួរនរណាម្នាក់ផ្សេងទៀតក្រៅពីលោក។ លោកបានឆ្លើយថា៖ “ចូរអ្នកពោលថា៖ ខ្ញុំមានជំនឿលើអល់ឡោះហើយ។ បន្ទាប់មក ចូរអ្នកប្រកាន់ឲ្យបានខ្ជាប់ខ្ជួន”។

عَنْ أَبِي عَمْرٍو- وَقِيلَ: أَبِي عَمْرَةَ-، سُفْيَانَ بْنِ عَبْدِ اللَّهِ رَضِيَ اللَّهُ عَنْهُ قَالَ:
قُلْتُ: يَا رَسُولَ اللهِ، قُلْ لِي فِي الْإِسْلَامِ قَوْلًا لَا أَسْأَلُ عَنْهُ أَحَدًا غَيْرَكَ، قَالَ: «قُلْ: آمَنْتُ بِاللهِ، ثُمَّ اسْتَقِمْ».
[صحيح] - [رواه مسلم] - [الأربعون النووية: 21]

អំពី អាពូអាំរ៍ (អ្នកខ្លះថា៖ អាពូអាំរ៉ោះ) សុហ្វយ៉ាន ពិន អាប់ទុលឡោះ رضي الله عنه បាននិយាយថា៖
ខ្ញុំបានសួរថា៖ ឱរ៉ស៊ូលុលឡោះ! សូមលោកប្រាប់ខ្ញុំនូវពាក្យមួយក្នុងសាសនាឥស្លាម(ដែលមានលក្ខណៈគ្រប់គ្រាន់)ដែលខ្ញុំមិនចាំបាច់សួរនរណាម្នាក់ផ្សេងទៀតក្រៅពីលោក។ លោកបានឆ្លើយថា៖ “ចូរអ្នកពោលថា៖ ខ្ញុំមានជំនឿលើអល់ឡោះហើយ។ បន្ទាប់មក ចូរអ្នកប្រកាន់ឲ្យបានខ្ជាប់ខ្ជួន”។
[صحيح] - [رواه مسلم] - [الأربعون النووية - 21]

Explanation

សុហ្វយ៉ាន ពិន អាប់ទុលឡោះ رضي الله عنه បានសុំឱ្យណាពី ﷺ បង្រៀនគាត់នូវពាក្យឃ្លាមួយដែលក្តោបអត្ថន័យទាំងអស់នៃសាសនាអ៊ីស្លាមដែលគាត់អាចប្រកាន់ខ្ជាប់ និងមិនចាំបាច់សួរនរណាម្នាក់ផ្សេងទៀតក្រៅពីលោក។ ពេលនោះ ណាពី ﷺ បានមានប្រសាសន៍ទៅកាន់គាត់ថា៖ ចូរអ្នកនិយាយថា៖ ខ្ញុំមានជំនឿលើអល់ឡោះជាម្ចាស់តែមួយគត់ និងមានជំនឿថា ទ្រង់គឺជាព្រះជាម្ចាស់របស់ខ្ញុំ ជាអ្នកដែលបង្កើតខ្ញុំ និងជាអ្នកដែលខ្ញុំត្រូវគោរពសក្ការៈដ៏ពិតប្រាកដតែមួយគត់ ពុំមានដៃគូសម្រាប់ទ្រង់ឡើយ។ បន្ទាប់មក ចូរអ្នកស្តាប់បង្គាប់ និងគោរពប្រតិបត្តិអល់ឡោះជាម្ចាស់តាមរយៈការអនុវត្តនូវកាតព្វកិច្ចទាំងឡាយដែលទ្រង់បានដាក់ និងចៀសវាងពីប្រការទាំងឡាយដែលទ្រង់បានហាមឃាត់ ហើយប្រកាន់ខ្ជាប់លើផ្លូវនេះ។

Benefits from the Hadith

1. មូលដ្ឋានគ្រឹះនៃសាសនាអ៊ីស្លាម គឺការមានជំនឿលើអល់ឡោះជាម្ចាស់ចំពោះភាពជាម្ចាស់ដែលជាអ្នកបង្កើត ភាពជាម្ចាស់ដែលត្រូវគោរពសក្ការៈ និងចំពោះបណ្តានាម និងលក្ខណៈសម្បត្តិរបស់ទ្រង់។
2. សារៈសំខាន់នៃការប្រកាន់ខ្ជាប់នឹងសាសនាឥស្លាមបន្ទាប់ពីការមានជំនឿ ការបន្តធ្វើការគោពសក្ការៈ និងមានជំហរស្ថិតស្ថេរក្នុងបញ្ហាទាំងនេះ។
3. ជំនឿ(អ៊ីម៉ាន) គឺជាលក្ខខណ្ឌក្នុងការទទួលយកទង្វើកុសលទាំងឡាយ។
4. ជំនឿលើអល់ឡោះ រួមបញ្ចូលនូវអ្វីគ្រប់យ៉ាងដែលត្រូវជឿជាក់នៃគោលការណ៍ជំនឿ និងប្រភពរបស់វា និងរាល់ទង្វើនៃចិត្តដែលកើតចេញពីវា ក៏ដូចជាការប្រតិបត្តិ និងការប្រគល់ខ្លួនចំពោះអល់ឡោះទាំងខាងក្នុងនិងខាងក្រៅ។
5. ការប្រកាន់ខ្ជាប់នឹងប្រការត្រឹមត្រូវ គឺតាមរយៈការអនុវត្តនូវកាតព្វកិច្ចទាំងឡាយ ហើយបោះបង់នូវអ្វីដែលច្បាប់ហាមឃាត់។