Hadith: “ការជឿលើប្រផ្នូលសត្វស្លាប គឺជាអំពើស្ហ៊ីរិក។ ការជឿលើប្រផ្នូលសត្វស្លាប គឺជាអំពើស្ហ៊ីរិក។ ការជឿលើប្រផ្នូលសត្វស្លាប គឺជាអំពើស្ហ៊ីរិក”(បីដង)។ គ្មាននរណាម្នាក់ក្នុងចំណោមពួកយើង លើកលែងតែមាន(គំនិតបែបនេះ)។ ក៏ប៉ុន្តែអល់ឡោះជាម្ចាស់ទ្រង់លុបបំបាត់វាតាមរយៈការប្រគល់ការទុកចិត្ត(លើទ្រង់)។

عَنْ عَبْدِ اللهِ بْنِ مَسعودٍ رضي الله عنه عن رَسولِ اللهِ صلى الله عليه وسلم قال:
«الطِّيَرَةُ شِرْكٌ، الطِّيَرَةُ شِرْكٌ، الطِّيَرَةُ شِرْكٌ، -ثلاثًا-»، وَمَا مِنَّا إِلَّا، وَلَكِنَّ اللهَ عَزَّ وَجَلَّ يُذْهِبُهُ بِالتَّوَكُّلِ.
[صحيح] - [رواه أبو داود والترمذي وابن ماجه وأحمد] - [سنن أبي داود: 3915]

អំពី អាប់ទុលឡោះ ពិន ម៉ាស្អ៊ូទ رضي الله عنه អំពីរ៉ស៊ូលុលឡោះ ﷺ លោកបានមានប្រសាសន៍ថា៖
“ការជឿលើប្រផ្នូលសត្វស្លាប គឺជាអំពើស្ហ៊ីរិក។ ការជឿលើប្រផ្នូលសត្វស្លាប គឺជាអំពើស្ហ៊ីរិក។ ការជឿលើប្រផ្នូលសត្វស្លាប គឺជាអំពើស្ហ៊ីរិក”(បីដង)។ គ្មាននរណាម្នាក់ក្នុងចំណោមពួកយើង លើកលែងតែមាន(គំនិតបែបនេះ)។ ក៏ប៉ុន្តែអល់ឡោះជាម្ចាស់ទ្រង់លុបបំបាត់វាតាមរយៈការប្រគល់ការទុកចិត្ត(លើទ្រង់)។
[صحيح] - [رواه أبو داود والترمذي وابن ماجه وأحمد] - [سنن أبي داود - 3915]

Explanation

ណាពី ﷺ លោកបានព្រមានអំពីការធ្លាក់ចូលទៅក្នុងការជឿលើប្រផ្នូល ដែលទាក់ទងនឹងអ្វីមួយដែលអាចស្តាប់បាន ឬអាចមើលឃើញ ជាប្រផ្នូលអាក្រក់ មិនថាមកពីបក្សី សត្វ មនុស្សពិការ លេខ ថ្ងៃ ឬអ្វីផ្សេងទៀតឡើយ។ ហើយការលើកឡើងអំពីសត្វស្លាបនេះ គឺដោយសារតែវាជារឿងដែលពេញនិយមនៅសម័យកាលអវិជ្ជា(ជើហ៊ីលីយ៉ះ)។ គោលការណ៍របស់វាគឺ គេព្រលែងសត្វស្លាបនៅពេលចាប់ផ្តើមធ្វើការងារអ្វីមួយ ដូចជាការធ្វើដំណើរ ការជួញដូរ ឬអ្វីផ្សេងទៀត។ បើសត្វនោះហើរទៅខាងស្តាំ គេចាត់ទុកជាប្រផ្នូលល្អ ហើយបន្តធ្វើនូវអ្វីដែលគេចង់ធ្វើ។ តែបើសត្វនោះហើរទៅខាងឆ្វេង គេចាត់ទុកប្រផ្នូលអាក្រក់ ហើយឈប់ធ្វើនូវអ្វីដែលខ្លួនចង់ធ្វើ។ ណាពី ﷺ លោកបានប្រាប់ថា ការធ្វើបែបនេះ គឺជាអំពើស្ហ៊ីរិក។ តាមពិត ការជឿលើប្រផ្នូល គឺជាអំពើស្ហ៊ីរិក ព្រោះគ្មាននរណាម្នាក់អាចនាំមកនូវសេចក្តីល្អក្រៅពីអល់ឡោះឡើយ ហើយក៏គ្មាននរណាអាចការពារពីអាក្រក់ក្រៅពីអល់ឡោះជាម្ចាស់តែមួយគត់នោះដែរ គ្មានដៃគូសម្រាប់ទ្រង់ឡើយ។
ហើយ អ៊ិពនូម៉ាស្អ៊ូទ رضي الله عنه បានលើកឡើងថា ជួនកាលអ្នកអ៊ីស្លាមអាចមានអារម្មណ៍ជឿលើប្រផ្នូលនេះនៅក្នុងចិត្ត។ ក៏ប៉ុន្តែ ចាំបាច់លើរូបគេត្រូវកម្ចាត់វាដោយការប្រគល់ការទុកចិត្តលើអល់ឡោះ ព្រមទាំងប្រកាន់យកហេតុជាបច្ច័យផងដែរ។

Benefits from the Hadith

1. ការជឿលើប្រផ្នូល គឺជាអំពើស្ហ៊ីរិក ព្រោះជាការជាប់ជំពាក់ចិត្តលើអ្វីផ្សេងក្រៅពីអល់ឡោះជាម្ចាស់។
2. សារៈសំខាន់នៃការនិយាយឡើងវិញដដែលៗនូវរឿងសំខាន់ៗ ដើម្បីឱ្យវាត្រូវបានចងចាំនិងស្ថិតនៅក្នុងចិត្ត។
3. ការជឿលើប្រផ្នូលអាចត្រូវបានបំបាត់ដោយការប្រគល់ការទុកចិត្តលើអល់ឡោះជាម្ចាស់។
4. បង្គាប់ប្រើឱ្យប្រគល់ការទុកចិត្តលើអល់ឡោះជាម្ចាស់តែមួយគត់ និងត្រូវជាប់ជំពាក់ចិត្តទៅនឹងទ្រង់តែមួយប៉ុណ្ណោះ។