हदीस: अवश्य म यो झण्डा यस्तो मान्छेलाई दिनेछु जो अल्लाह र उहाँका रसूल (सल्लल्लाहु अलैहि वसल्लम) लाई माया गर्छ, अल्लाहﷻ उनको माध्यमबाट विजय प्रदान गर्नु हुनेछ ।
عَنْ أَبِي هُرَيْرَةَ رضي الله عنه أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ يَوْمَ خَيْبَرَ:
«لَأُعْطِيَنَّ هَذِهِ الرَّايَةَ رَجُلًا يُحِبُّ اللهَ وَرَسُولَهُ، يَفْتَحُ اللهُ عَلَى يَدَيْهِ» قَالَ عُمَرُ بْنُ الْخَطَّابِ: مَا أَحْبَبْتُ الْإِمَارَةَ إِلَّا يَوْمَئِذٍ، قَالَ فَتَسَاوَرْتُ لَهَا رَجَاءَ أَنْ أُدْعَى لَهَا، قَالَ فَدَعَا رَسُولُ اللهِ صَلَّى اللهُ عَلَيْهِ وَسَلَّمَ عَلِيَّ بْنَ أَبِي طَالِبٍ، فَأَعْطَاهُ إِيَّاهَا، وَقَالَ: «امْشِ، وَلَا تَلْتَفِتْ، حَتَّى يَفْتَحَ اللهُ عَلَيْكَ» قَالَ فَسَارَ عَلِيٌّ شَيْئًا ثُمَّ وَقَفَ وَلَمْ يَلْتَفِتْ، فَصَرَخَ: يَا رَسُولَ اللهِ، عَلَى مَاذَا أُقَاتِلُ النَّاسَ؟ قَالَ: «قَاتِلْهُمْ حَتَّى يَشْهَدُوا أَنْ لَا إِلَهَ إِلَّا اللهُ وَأَنَّ مُحَمَّدًا رَسُولُ اللهِ، فَإِذَا فَعَلُوا ذَلِكَ فَقَدْ مَنَعُوا مِنْكَ دِمَاءَهُمْ وَأَمْوَالَهُمْ، إِلَّا بِحَقِّهَا وَحِسَابُهُمْ عَلَى اللهِ».
[صحيح] - [رواه مسلم] - [صحيح مسلم: 2405]
المزيــد ...
हजरत अबू हुरैरह (रजियल्लाहु अन्हु)द्वारा वर्णन छ : अल्लाहका रसूल(सल्लल्लाहु अलैहि वसल्लम)ले खैबरका दिन भन्नु भयो :
"अवश्य म यो झण्डा यस्तो मान्छेलाई दिनेछु जो अल्लाह र उहाँका रसूल (सल्लल्लाहु अलैहि वसल्लम) लाई माया गर्छ, अल्लाहﷻ उनको माध्यमबाट विजय प्रदान गर्नु हुनेछ ।" उमर इब्न अल-खत्ताब (रजियल्लाहु अन्हु)ले भन्नु भयो: मलाई त्यो दिन बाहेक जिम्मेवारी कहिल्यै चाहिएको थिएन । अत: मलाई यसका लागि बोलाइन्छ कि भनेर आशा लगाउँदै अघि बढेँ । उहाँ ( हजरत उमर
रजियल्लाहु अन्हु) थप भन्नु हुन्छ : रसूलुल्लाह (सल्लल्लाहु अलैहि व सल्लम)ले अली इब्ने अबू तालिबलाई बोलाउनु भयो र उहाँलाई झण्डा दिनु भयो र भन्नु भयो: "जाऊ, र पछाडि फर्केर न हेर्नु, जबसम्म अल्लाह तआलाले तिमीलाई विजय दिनु हुन्न ।" हजरत उमर (रजियल्लाहु अन्हु ) भन्नु हुन्छ: हजरत अली (रजियल्लाहु अन्हु) केही पर गएर पछि नफर्कि, उच्च स्वरमा भन्नु लाग्नु भयो: « या रसूलुल्लाह ! के का लागि म मानिसहरूसँग युद्ध गरूँ ?» उहाँले(सल्लल्लाहु अलैहि वसल्लम) भन्नु भयो: « मान्छेहरूसित यो कुरामा युद्ध गर कि उनीहरूले गवाही दिऊन् - अल्लाह बाहेक अरू कोही उपासनाको लायक छैन र मुहम्मद उहाँका रसूल हुन् । " र यदि तिनीहरूले यसो गरे भने, उनीहरूले आफ्नो ज्यान र धन तिमीबाट जोगाए । तर यदि कुनै कारण भयो भने ( यो बेग्लै कुरा हो । ) र तिनीहरूको हिसाब अल्लाहको जिम्मामा हुनेछ।»
[सही] - [मुस्लिमले वर्णन गरेका छन्] - [सही मुस्लिम - 2405]
नबी(सल्लल्लाहु अलैहि वसल्लम)ले सहाबीहरूलाई बताउनु भयो कि भोलि खैबरका यहूदीहरू
माथि मुसलमानहरू विजय पाउने छन्, जो मदीना नजिकै थियो । यसमा एक व्यक्तिलाई ध्वजा दिनु भयो । यो पतका त्यो हो जो सेनाले प्रतीकको रूपमा प्रयोग गर्छन् र यस व्यक्तिको विशेषता के भने उसले अल्लाह र उहाँका रसूल(सल्लल्लाहु अलैहि वसल्लम) माया गर्छ, र अल्लाह र उहाँका रसूलले पनि उसलाई माया गर्नु हुन्छ ।
र हजरत उमर बिन खत्ताब रजि. ले बताउनु भयो कि उहाँलाई कहिल्यै पनि जिम्मेवारीको चाँसो लागेको थिएन त्यो दिन बाहेक । यस आशामा कि उहाँलाई नबी (सल्लल्लाहु अलैहि वसल्लम)ले भन्नु भए अनुसार अल्लाह तआला र उहाँका रसुल(सल्लल्लाहु अलैहि वसल्लम) को माया मिल्छ । हजरत उमर रजि. ले आफूलाई अगाडि बढाउनुभयो कि नबी (सल्लल्लाहु अलैहि वसल्लम) ले उहाँलाई देखुन् र यसको लागि उहाँलाई बोलाइयोस् र यो उक्त झण्डालाई पाउने आशा र चासोमा थियो ।"
"सो नबी(सल्लल्लाहु अलैहि वसल्लम)ले हजरत अली बिन अबू तालिब रजि. लाई बोलाउनु भयो र उहाँलाई झण्डा दिनु भयो । नबी (सल्लल्लाहु अलैहि वसल्लम) ले उहाँलाई आदेश दिनु भयो कि सिपाहीहरूका साथ अगाडि बढ र शत्रुसँगको भेट पछि ती किल्लाहरू विजय नहुन्जेलसम्म आराम गर्नका लागि वा सन्धि गर्नका लागि न रोकिनु ।
अतयव: हजरत अली रजि. निस्किनु भयो अनि एक पटक रोकिनु भयो र पनि नबी (सल्लल्लाहु अलैहि वसल्लम)को विरोधबाट बच्नका लागि पछाडि फर्किनु भएन र खैबर तिर नै फर्केर उच्च आवाजमा सोध्नु भयो : " हे अल्लाहका रसूल ! के कुरामा म मान्छेहरूसित युद्ध गरू ? "
उहाँ(सल्लल्लाहु अलैहि वसल्लम)ले भन्नु भयो : "उनीहरूसित युद्ध गर्नुहोस् जबसम्म उनीहरूले गवाही दिँदैनन् कि अल्लाह बाहेक कोही उपास्य छैन र मुहम्मद उहाँका रसूल हुन् । यदि उनीहरूले कबुल गरे र इस्लाममा प्रवेश गरे भने उनीहरूले आफ्नो ज्यान र धन तिमीबाट जोगाए , तर ! यदि कुनै अपराध गरे भने इस्लामको नियम अनुसार उनीहरूलाई मृत्युको सजाय भए यो बेग्लै कुरा होला, र उनीहरूको हिसाब अल्लाहको जिम्मामा छ। "
हदीसका केही फाइदाहरू
- सहाबीहरू हाकिम बन्न मन पराउनु हुन्थेन, किन भने यसमा ठूलो उत्तरादायित्त्व हुन्छ ।
- त्यो कार्यको अनुमति छ जसको भलाइ सुनिश्चित छ, र जसप्रति आशा राख्नु वा अगाडि बढ्नु जायज मानिन्छ।
- सेनापतिलाई युद्धभूमिमा कसरी व्यवहार गर्ने भन्ने विषयमा इमाम (हाकिम) द्वारा निर्देशन दिनु।
- रसूलुल्लाह (सल्लल्लाहु अलैहि वसल्लम) का साथीहरू उहाँका उपदेशहरूलाई ग्रहण गर्थे र त्यसलाई व्यवहारमा ल्याउँथे ।
- जसलाई सोधिएको कुरामा कुनै कुरा अस्पष्ट लाग्यो, उसले त्यसबारे प्रश्न सोध्छ।
- उहाँको (सल्लल्लाहु अलैहि वसल्लम) नबी हुने प्रमाणहरू धेरै छन् । तिनमा एउटा प्रमाण उहाँले यहूदीहरू माथि खैबरमा विजय मिल्ने भविष्यवाणी गर्नु भयो र जसरी उहाँले बताउनु भएको थियो त्यस्तो नै भयो पनि ।
- रसूलुल्लाह(सल्लल्लाहु अलैहि वसल्लम) का आदेशहरूमा तत्कालै कार्यान्वयन हुने प्रेरणा।
वर्गीकरण
थप
- हदीस: म अल्लाह सामु यस कुरा प्रति असहमति जनाउन्छु , कि तिमीहरूमध्ये कोही मेरो 'खलील' (विशेष साथी) होस्। किनकि अल्लाहले मलाई आफ्नो ‘खलील’ (विशेष मित्र) बनाउनुभएको छ, जसरी उहाँले इब्राहीम (अलैहिस्सलाम) लाई आफ्नो खलील
- हदीस: इस्लाम भनेको यो गवाही दिनु कि अल्लाह बाहेक कोही सत्य पूज्य छैन र मुहम्मद अल्लाहका सन्देष्टा हुनुहुन्छ, सलाह (नमाज) कायम गर्नु, जकात दिनु, रमजानको रोजा राख्नु र सक्षम व्यक्तिले अल्लाहको घरसम्म हज गर्नु हो
- हदीस: हे मेरा सेवकहरू! मैले आफूमाथि अन्याय र अत्याचार हराम (निषेध) गरेको छु र यसलाई तिमीहरूका लागि पनि हराम गरेको छु, त्यसैले तिमीहरू एकार्कामाथि अन्याय नगर
- हदीस: निस्सन्देह अल्लाहले अत्याचारीलाई स्वतन्त्रता दिनुहुन्छ, तर जब समात्नुहुन्छ तब छोड्नु हुन्न
- हदीस: अल्लाहसँग डराउनु र आफ्ना शासकहरूको आदेश सुन्नु र पालन गर्नु, चाहे शासक एक कालो दास भए पनि । तिमीहरूले मेरो पछि धेरै विवाद देख्ने छौ। त्यसैले मेरो सुन्नत र सही मार्गनिर्देशित खलीफाहरूको सुन्नतको अनुसरण गर्नु
- हदीस: उनीकहाँ जाऊ र भन: तपाईं नरकका मानिसहरूमध्ये हुनुहुन्न, तर स्वर्गका मानिसहरूमध्ये हुनुहुन्छ ।
- हदीस: रसूल (सल्लल्लाहु अलैहि वसल्लम) ले अन्सारको बारेमा भन्नुभयो: "तिनीहरूलाई केवल मुमिनले प्रेम गर्नेछन् र कपटीले मात्र तिनीहरूलाई घृणा गर्नेछ । जसले तिनीहरूलाई माया गर्छ, अल्लाहले उसलाई माया गर्नुहुनेछ र जसले तिनीहरूलाई घृणा गर्छ, अल्लाहले उसलाई घृणा गर्नुहुनेछ ।