हदीस: जिब्रीलले मलाई छिमेकीप्रति निरन्तर वसीयत गरीरह्यो, उनले छिमेकीलाई वारिस (उत्तराधिकारी) बनाउनेछ भन्ने सोच्न थाले ।
عن ابن عمر رضي الله عنهما قال: قال رسول الله صلى الله عليه وسلم:
«مَا زَالَ يُوصِينِي جِبْرِيلُ بِالْجَارِ، حَتَّى ظَنَنْتُ أَنَّهُ سَيُوَرِّثُهُ».
[صحيح] - [متفق عليه]
المزيــد ...
अब्दुल्लाह बिन उमर (रजियल्लाहु अन्हुमा) ले वर्णन गरेका छन्, रसूल (सल्लल्लाहु अलैहि वसल्लम) ले भन्नुभएको छ :
"जिब्रीलले मलाई छिमेकीप्रति निरन्तर वसीयत गरीरह्यो, उनले छिमेकीलाई वारिस (उत्तराधिकारी) बनाउनेछ भन्ने सोच्न थाले ।"
सही - मुस्लिमले वर्णन गरेका छन्
रसूल (सल्लल्लाहु अलैहि वसल्लम) बताउँदै हुनुहुन्छ, जिब्रीलले छिमेकीको हेरचाह गर्नुपर्छ भनेर बारम्बार आदेश दिनुभयो । ध्यान राख्नुहोस्, छिमेकी त्यो व्यक्ति हो जसको ढोका तपाईंको ढोका नजिक छ, चाहे त्यो मुस्लिम होस् वा गैर-मुस्लिम, आफन्त होस् वा गैर-आफन्त । छिमेकीको हेरचाह गर्नु भनेको उसको अधिकारको रक्षा गर्नु, उसलाई दु:ख नदिनु, राम्रो व्यवहार गर्नु र उसले दिएको दु:खमा धैर्य गर्नु हो । जिब्रिलले छिमेकीको अधिकारलाई दिएको महत्त्व र उनको बारम्बार आदेशले रसूल (सल्लल्लाहु अलैहि वसल्लम) सोच्न थाले, शायद मृत्यु पछि छिमेकीले पनि धनसम्पत्तिमा हिस्सा पाउनेछ ।
हदीसका केही फाइदाहरू
- छिमेकीको अधिकारको महत्व र तिनको हेरचाह गर्ने कर्तव्य ।
- छिमेकीको हकमा जोड दिएर वसीयत गर्नु पर्ने आवश्यकता भनेको उसलाई सम्मान गर्नु, उसलाई माया गर्नु, राम्रो व्यवहार गर्नु, उसलाई दुःखबाट जोगाउनु, बिरामी हुँदा भेट्नु, सुखको घडीमा बधाई दिनु र दुःखमा सान्त्वना दिनु ।
- छिमेकीको ढोका जति नजिक हुन्छ, उसको अधिकार त्यति नै ठूलो हुन्छ ।
- इस्लामी शरीयत एक पूर्ण विधान हो, जसमा छिमेकीहरूसँग राम्रो व्यवहार गर्ने र तिनीहरूलाई हानिबाट बचाउने जस्ता सामाजिक सुधारका सबै कुराहरू छन् ।