Ҳадис: Ҳамвора Ҷабраил маро дар мавриди ҳамсоя тавсия мекард, то онҷо ки гумон кардам ӯро меросбар хоҳад кард
عن ابن عمر رضي الله عنهما قال: قال رسول الله صلى الله عليه وسلم:
«مَا زَالَ يُوصِينِي جِبْرِيلُ بِالْجَارِ، حَتَّى ظَنَنْتُ أَنَّهُ سَيُوَرِّثُهُ».
[صحيح] - [متفق عليه] - [صحيح البخاري: 6014]
المزيــد ...
Аз ибни Умар (Худованд аз он ду розӣ бод) ривоят аст,ки Паёмбар (салому дуруди Аллоҳ бар ӯ бод) фармуданд:
"Ҳамвора Ҷабраил маро дар мавриди ҳамсоя тавсия мекард, то онҷо ки гумон кардам ӯро меросбар хоҳад кард."
[صحيح] - [متفق عليه] - [Саҳеҳ Бухорӣ - 6014]
Паёмбар (Салому дуруди Аллоҳ бар ӯ бод) мефармоянд, ки Ҷабраил ҳамвора масъалаи таваҷҷуҳ ба ҳамсояро барояшон такрор мекарданд ва ӯро ба ин кор амр мекарданд ва дар бораи ҳаққи ӯ ва озор нарасонидан ба ӯ онқадар тавсия медоданд, ки Паёмбар (Салому дуруди Аллоҳ бар ӯ бод) гумон карданд дар мавриди пас аз марг меросбар қарор гирифтани ҳамсоя ваҳй нозил хоҳад шуд.
Аз фоидаҳои ҳадис
- Азамати ҳаққи ҳамсоя ва зарурати таваҷҷуҳ ба он.
- Борҳо ва бо таъкид тавсия намудан барои ҳаққи ҳамсоя зарурати эҳтироми ӯ, меҳрубонӣ бо ӯ, некӣ кардан ва дур кардани зиён аз ӯ, аёдати ӯ дар ҳоли беморӣ, табрик кардан дар ҳоли хушҳолӣ ва тассалият гуфтани ӯ дар ҳангоми мусибатро тақозо мекунад.
- Ба ҳар андоза, ки дарвозаи ҳамсоя наздиктар бошад ба ҳамон андоза таъкид бар ҳифзи ҳаққи ӯ бештар мешавад.
- Камоли шариъат дар ончи ба ҷомеа нафъ мерасонад аст, монанди некӣ ва эҳсон ба ҳамсоягон ва дафъи зарар аз онон.