Xaddiis: Malakul Jibriil kama uu tegin inuu Jaarka ii dardaarmayo, ilaa aan u maleeyey inay is dhaxlayaan

عن ابن عمر رضي الله عنهما قال: قال رسول الله صلى الله عليه وسلم:
«مَا زَالَ يُوصِينِي جِبْرِيلُ بِالْجَارِ، حَتَّى ظَنَنْتُ أَنَّهُ سَيُوَرِّثُهُ».
[صحيح] - [متفق عليه] - [صحيح البخاري: 6014]

Ibnu Cumar Allaha ka raali ahaado isaga iyo Aabihiye waxaa laga wariyey inuu yiri: Rasuulka Ilaahay nabadgelyo iyo naxariis Allaha siiyee wuxuu yiri:
"Malakul Jibriil kama uu tegin inuu Jaarka ii dardaarmayo, ilaa aan u maleeyey inay is dhaxlayaan".
[Xadiis Saxiix ah] - [Xadiis la isku waafaqay] - [Saxiix AlBukhaari - 6014]

Sharraxaad

Rasuulku nabadgelyo iyo naxariis Allaha siiyee wuxuu sheegay in Malakul Jibriil uusan ka tagin inuu ku celceliyo oo uu amrayo Jaarka ilaalintiisa, kaasoo ah Guriga u dhaw, xataa haduu yahay Muslim, Gaal, Qaraabo, ama Shisheeye waa in la ilaaliyo xaqiisa oo aan la dhibin, waa in loo ixsaan falo oo lagu sabro dhibkiisa, ilaa uu u maleeyey Nabigu nabadgelyo iyo naxariis Allaha siiyee markuu arkay sida uu u weyn yahay xaqa Jaarku oo uu ugu celcelinaayo Jibriil ayuu u maleeyey in waxyi ku soo dagi doono in la siiyo Xoolaha uu ka tagidoono markuu dhinto.

Faa'iidooyinka xaddiiska laga faa'iideysanayo waxaa kamid ah.

1. Jaarka xaqiisu aad ayuu u wayn yahay waana waajib in la ilaaliyo.
2. Adkaynta xaqa Jaarka oo laga dardaarmay waxay keenaysaa inay daruuri tahay in Jaarka la xurmeeyo, lana jeclaado, lana wanaajiyo, lagana daayo dhibka, lana soo booqdo markuu buko, oo loo hambalyeeyo markuu faraxsan yahay, loona tacsiyeeyo markii musiibo ku dhacdo.
3. Mar kastoo albaabka darisku kugu dhawaado xaqiisu waa wayn yahay.
4. Shareecada kaamilnimadeeda waxay la timid waxay ku jirto Bulshada wanaageedu sida in dariska loo ixsaan falo oo dhibka laga daayo.