Ҳадис: Жаброил алаҳиссалом менга қўшни ҳақида шу қадар кўп тавсия бердики, ҳаттоки уни меросга ҳам шерик қилармикан деб ўйлаб қолдим», –дедилар
عن ابن عمر رضي الله عنهما قال: قال رسول الله صلى الله عليه وسلم:
«مَا زَالَ يُوصِينِي جِبْرِيلُ بِالْجَارِ، حَتَّى ظَنَنْتُ أَنَّهُ سَيُوَرِّثُهُ».
[صحيح] - [متفق عليه] - [صحيح البخاري: 6014]
المزيــد ...
Ибн Умар разияллоҳу анҳумодан ривоят қилинади. Расулуллоҳ соллаллоҳу алайҳи ва саллам:
«Жаброил алаҳиссалом менга қўшни ҳақида шу қадар кўп тавсия бердики, ҳаттоки уни меросга ҳам шерик қилармикан деб ўйлаб қолдим», –дедилар.
[Тўғри матн] - [Муттафақун алайҳ] - [Саҳиҳул Бухорий - 6014]
Расулуллоҳ соллаллоҳу алайҳи ва саллам бу ҳадиси шарифда Жаброил алайхиссалом қўшнига яхшилик қилишга, унинг хаққини сақлашга, азият берса, сабр қилишга қайта-қайта буюраверганларидан, яқинда ўлганидан кейин меросидан ҳам улуш берилиши тўғрисида вахий тушса керак деб ўйлаб қолганларини хабар бермоқдалар. Қўшни - мусулмонми, кофирми, қариндошми, қариндош эмасми фарқи йўқ, ҳовлиси яқин бўлган барча қўшнидир.
Ҳадиснинг фойдалари
- Қўшнининг хаққи улуғ ва унга инсон риоя қилмоғи лозимдир.
- Қайта-қайта қўшни ҳақида васият қилиниши, унинг ҳурматини жойига қўйиш, яхшилик қилиш, яхши кўриш, ундан зарарни даф қилиш, касал бўлса зиёрат қилиш, хурсандчилигига шерик бўлиш ва мусибат вақтида таъзия билдириш каби ишларни тақозо қилади.
- Қўшнининг эшиги яқин бўлгани сари, унинг ҳаққи ошиб бораваради.
- Қўшнига яхшилик қилиш ва унга ёмонлик қилишдан қайтариш каби халқни ислоҳ қилувчи нарсаларга ҳам эътибор бериши, шариатнинг комиллигига далолат қилади.