Hadithi: “Kiameti nuk do të ndodhë derisa të afrohet (shkurtohet) koha

عَنْ أَبِي هُرَيْرَةَ رضي الله عنه قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ:
«لَا تَقُومُ السَّاعَةُ حَتَّى يَتَقَارَبَ الزَّمَانُ، فَتَكُونَ السَّنَةُ كَالشَّهْرِ، وَيَكُونَ الشَّهْرُ كَالْجُمُعَةِ، وَتَكُونَ الْجُمُعَةُ كَالْيَوْمِ، وَيَكُونَ الْيَوْمُ كَالسَّاعَةِ، وَتَكُونَ السَّاعَةُ كَاحْتِرَاقِ السَّعَفَةِ الْخُوصَةُ».
[صحيح] - [رواه أحمد] - [مسند أحمد: 10943]

Ebu Hurejra (Allahu qoftë i kënaqur me të!) transmeton se i Dërguari i Allahut (paqja qoftë mbi të!) ka thënë:
“Kiameti nuk do të ndodhë derisa të afrohet (shkurtohet) koha, kështu që një vit do të jetë si një muaj, një muaj si një javë, një javë si një ditë, një ditë si një orë dhe një orë do të jetë si djegia e një gjethi palme."
[Ky hadith është sahih] - [E shënon Ahmedi] - [Musnedi i Ahmedit - 10943]

Shpjegimi

Profeti ﷺ në këtë hadith tregoi se prej shenjave të Kiametit është afrimi (shkurtimi) i kohës, kështu që një vit kalon sikurse një muaj, një muaj kalon sikurse një javë, një javë kalon sikurse një ditë, një ditë kalon sikurse një orë dhe ora kalon me një shpejtësi të madhe, sikurse kur të digjet një gjeth palme.