Hadithi: Ibintu bibiri abantu bakora, ariko bituma baba abahakanyi: Kujora inkomoko y'umuntu, no kuborogera uwapfuye

عَنْ أَبِي هُرَيْرَةَ رضي الله عنه قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ:
«اثْنَتَانِ فِي النَّاسِ هُمَا بِهِمْ كُفْرٌ: الطَّعْنُ فِي النَّسَبِ، وَالنِّيَاحَةُ عَلَى الْمَيِّتِ».
[صحيح] - [رواه مسلم] - [صحيح مسلم: 67]

Hadith yaturutse kwa Abu Hurayrat (Imana imwishimire) yaravuze ati: Intumwa y'Imana (Imana iyihe amahoro n'imigisha) yaravuze iti:
"Ibintu bibiri abantu bakora, ariko bituma baba abahakanyi: Kujora inkomoko y'umuntu, no kuborogera uwapfuye."
[Hadithi y'impamo] - [Yakiriwe na Muslim] - [Swahih Muslim - 67]

Ibisobanuro birambuye.

Intumwa y'Imana (Imana iyihe amahoro n'imigisha) iravuga ko ibintu bibiri bigaragara mu bantu ariko bibageza ku buhakanyi, no kurangwa n'imico ya kijiji ni ibi bikurikira:
Icya mbere: Kujora amasano y'abantu, no kubatesha agaciro no kubibonaho.
Icya kabiri: Kuboroga no kuzamura ijwi mu gihe cy'ibyago, no kutakira igeno rya Allah, cyangwa se kwiciraho imyambaro kubera kutihangana no kutakira igeno.

Zimwe mu nyungu dukura muri Hadithi.

1. Gushishikariza guca bugufi no kwiyoroshya, ndetse no kwirinda ubwibone ku bantu.
2. Kwihanganira ibigeragezo no kutarakazwa nabyo ni itegeko.
3. Ibi bikorwa ni ibiranga ubuhakanyi buto, kandi uwo bigaragayeho ntibivuze ko aba abaye umuhakanyi ku buryo bimukura mu buyisilamu, cyeretse akoze ubuhakanyi bukuru.
4. Ubuyisilamu bwabujije icyo ari cyo cyose cyateza amacakubiri mu bayisilamu nko kujora amasano y'abantu n'ibindi.