فەرموودە: ئه‌و شه‌یتانه‌كه‌ ناڤێ وی خینزه‌به‌، ئه‌گه‌ر ته‌ هه‌ست پێ كر؛ ئێكسه‌ر خۆ ب خودێ بپارێزه‌ ژ وی و سێ جاران تفكه‌‌ لایێ خۆ یێ چه‌پێ

عن عُثْمَانَ بْنَ أَبِي الْعَاصِ رضي الله عنه:
أنه أَتَى النَّبِيَّ صَلَّى اللهُ عَلَيْهِ وَسَلَّمَ فَقَالَ: يَا رَسُولَ اللهِ، إِنَّ الشَّيْطَانَ قَدْ حَالَ بَيْنِي وَبَيْنَ صَلَاتِي وَقِرَاءَتِي يَلْبِسُهَا عَلَيَّ، فَقَالَ رَسُولُ اللهِ صَلَّى اللهُ عَلَيْهِ وَسَلَّمَ: «ذَاكَ شَيْطَانٌ يُقَالُ لَهُ خِنْزَِبٌ، فَإِذَا أَحْسَسْتَهُ فَتَعَوَّذْ بِاللهِ مِنْهُ، وَاتْفُلْ عَلَى يَسَارِكَ ثَلَاثًا»، قَالَ: فَفَعَلْتُ ذَلِكَ فَأَذْهَبَهُ اللهُ عَنِّي.
[صحيح] - [رواه مسلم] - [صحيح مسلم: 2203]

عوسمانێ كوڕێ ئه‌بول عاص (خودێ ژێ ڕازی بیت) دبێژیت كو:
((ئه‌و هاته‌ ده‌ڤ پێغه‌مبه‌ری (صه‌لات و سه‌لامێن خودێ ل سه‌ر بن) و گۆت: ئه‌ی پێغه‌مبه‌رێ خودێ، ب ڕاستی شه‌یتان یێ كه‌ڤتییه‌ د ناڤبه‌را من و نڤێژ و قورئان خواندنا مندا و ل به‌ر من تێكدده‌ت، ئینا پێغه‌مبه‌رێ خودێ (صه‌لات و سه‌لامێن خودێ ل سه‌ر بن) گۆت: ((ئه‌و شه‌یتانه‌كه‌ ناڤێ وی خینزه‌به‌، ئه‌گه‌ر ته‌ هه‌ست پێ كر؛ ئێكسه‌ر خۆ ب خودێ بپارێزه‌ ژ وی و سێ جاران تفكه‌‌ لایێ خۆ یێ چه‌پێ))، گۆت: من ژی ئه‌و كار كر و خودێ ئه‌و (شه‌یتانه‌) ژ من دویر ئێخست)).
[صحيح] - [رواه مسلم] - [صحيح مسلم - 2203]

شیکردنەوە

عوسمانێ كورێ ئه‌بول عاصی (خودێ ژێ ڕازی بیت) هاته‌ ده‌ڤ پێغه‌مبه‌ری (صه‌لات و سه‌لامێن خودێ ل سه‌ر بن) و گۆتێ: ئه‌ی پێغه‌مبه‌رێ خودێ؛ ب ڕاستی شه‌یتان یێ كه‌ڤتییه‌ د ناڤبه‌را من و نڤێژا مندا و نه‌هێلایه‌ خشووع بۆ من تێدا دروست بیت و قورئان خواندنا من ل به‌ر من تێكدایه‌ و گومان بۆ من تێدا دروست كرییه‌، ئینا پێغه‌مبه‌رێ خودێ (صه‌لات و سه‌لامێن خودێ ل سه‌ر بن) گۆتێ: ئه‌و شه‌یتانه‌كه‌ ناڤێ وی خینزه‌به‌، ڤێجا ئه‌گه‌ر ته‌ ئه‌ڤ چه‌نده‌ دیت و ته‌ هه‌ست پێ كر؛ هه‌وارێن خۆ بگه‌هینه‌ خودێ و خۆ ب خودێ بپارێزه دا ته‌ ژ وی شه‌یتانی بپارێزیت و (ب تفه‌كا گه‌له‌ك كێم) سێ جاران تفكه‌ لایێ خۆ یێ چه‌پێ، عوسمانی گۆت: ڤێجا من ئه‌و كار كر یێ پێغه‌مبه‌ری فه‌رمان پێ ل من كری، ئینا خودێ ئه‌و وه‌سوه‌سه‌ ژ ده‌ڤ من بر.

لە سوودەکانی فەرموودەکە

1. گرنگییا خشووعێ و ئاماده‌بوونا دلی د نڤێژێدا و كو شه‌یتان هه‌می بزاڤان دكه‌ت دا كو مرۆڤی ئالۆز بكه‌ت وگومانێ بۆ مرۆڤی د نڤێژێدا دروست بكه‌ت.
2. سوننه‌تبوونا خۆپاراستنا ب خودێ ژ شه‌یتانی ده‌مێ وه‌سوه‌سه‌یێ د نڤێژێدا دروست دكه‌ت، د گه‌ل سێ جاران تفكرنێ بۆ لایێ چه‌پێ.
3. دیاركرنا وێ چه‌ندێ كو هه‌ر گاڤا ئاریشه‌یه‌ك بۆ صه‌حابییان (خودێ ژێ ڕازی بیت) په‌یدا بووبا؛ ئێكسه‌ر ئه‌و دزڤڕینه‌ ده‌ڤ پێغه‌مبه‌ری، دا كو بۆ وان چاره‌سه‌ر بكه‌ت.
4. ژیان و زیندیبوونا دلێن صه‌حابییان و كو خه‌ما وان هه‌می ئاخره‌ت بوو.