Ab Adiis: Yàlla mu baarkeel mi te kawe day wax waa àjjana: éey yéen waa àjjana? Ñu ne ko wuyusi nanu la topp nañu la ak mbegte, mu ne leen: ndax gërëm ngeen? Ñu ne ko: lu ñuy teree gërëm te nga jox nu loo joxul kenn ci sa mbindeef yi?

عَنْ أَبِي سَعِيدٍ الخُدْرِيِّ رضي الله عنه قَالَ: قَالَ رَسُولُ اللَّهِ صَلَّى اللهُ عَلَيْهِ وَسَلَّمَ:
«إِنَّ اللَّهَ تَبَارَكَ وَتَعَالَى يَقُولُ لِأَهْلِ الجَنَّةِ: يَا أَهْلَ الجَنَّةِ؟ فَيَقُولُونَ: لَبَّيْكَ رَبَّنَا وَسَعْدَيْكَ، فَيَقُولُ: هَلْ رَضِيتُمْ؟ فَيَقُولُونَ: وَمَا لَنَا لاَ نَرْضَى وَقَدْ أَعْطَيْتَنَا مَا لَمْ تُعْطِ أَحَدًا مِنْ خَلْقِكَ؟ فَيَقُولُ: أَنَا أُعْطِيكُمْ أَفْضَلَ مِنْ ذَلِكَ، قَالُوا: يَا رَبِّ، وَأَيُّ شَيْءٍ أَفْضَلُ مِنْ ذَلِكَ؟ فَيَقُولُ: أُحِلُّ عَلَيْكُمْ رِضْوَانِي، فَلاَ أَسْخَطُ عَلَيْكُمْ بَعْدَهُ أَبَدًا».
[صحيح] - [متفق عليه] - [صحيح البخاري: 6549]

Jële nañu ci Abuu Sahiid Al-Xudriyu -yal na ko Yàlla dollee gërëm- mu wax ne: Yonnente Yàlla bi -yal na ko Yàlla dolli xéewal ak mucc- nee na:
"Yàlla mu baarkeel mi te kawe day wax waa àjjana: éey yéen waa àjjana? Ñu ne ko wuyusi nanu la topp nañu la ak mbegte, mu ne leen: ndax gërëm ngeen? Ñu ne ko: lu ñuy teree gërëm te nga jox nu loo joxul kenn ci sa mbindeef yi? Mu ne leen: dama leen di jox lu gën loolu, ñu ne ko: yaw sunu Boroom, ana lan moo gën loolu? Mu ne leen: wàcce naa sama ngërëm ci seen kaw, dootuma leen mere ba fàww".
[Wér na] - [Al-buxaariy ak Muslim dëppoo nañu ci génnee ko ci seen ñaari téere yi gën a wér] - [Téere Al-buxaariy bi gën a wér - 6549]

Leeral

Yonnente bi yal na ko Yàlla dolli xéewal ak mucc day xibaare ne Yàlla day wax waa àjjana fekk ña nga ca biir: yéen waa àjjana, ñu wuyu ko ne ko: wuyusi nanu la ak mbegte yaw sunu Boroom, Mu ne leen: ndax gërëm ngeen? Ñu ne ko: waaw gërem nanu; ana lan moo nuy teree gërëm te nga jox nu loo joxul kenn ci sa mbindeef yi! Yàlla ne leen: ndax duma leen jox lu gën loolu? Ñu ne ko: yaw sunu Boroom, ana lan mooy li gën loolu?! Mu ne leen: damay wàcce ci yéen sama ngërëm luy sax; te dootuma leen mere baa fàww.

Bokk na ci njariñi Adiis bi

1. Yalla day wax ak waa àjjana.
2. Yàlla day bégal waa àjjana ci li mu leen gërem, wàcce ngërëmam ci seen kaw ak ne dootu leen mere ba fàww.
3. Gërëm képp ku nekk àjjana ca na mu nekke, ànd ak séenug wuute ci wàccuwaay ak i daraja; ndaxte ñéppay tontu ci genn kàddu te mooy: "jox nga nu loo joxul kenn ci sa mbindeef yi".