Ab Adiis: bu waa àjjana duggee àjjana, Yàlla mu Barkeel mi te kawe day wax ne: ndax bëggeen dara lu ma leen dolli?

عَنْ صُهَيْبٍ رضي الله عنه عَنِ النَّبِيِّ صَلَّى اللهُ عَلَيْهِ وَسَلَّمَ قَالَ:
«إِذَا دَخَلَ أَهْلُ الْجَنَّةِ الْجَنَّةَ، قَالَ: يَقُولُ اللهُ تَبَارَكَ وَتَعَالَى: تُرِيدُونَ شَيْئًا أَزِيدُكُمْ؟ فَيَقُولُونَ: أَلَمْ تُبَيِّضْ وُجُوهَنَا؟ أَلَمْ تُدْخِلْنَا الْجَنَّةَ، وَتُنَجِّنَا مِنَ النَّارِ؟ قَالَ: فَيَكْشِفُ الْحِجَابَ، فَمَا أُعْطُوا شَيْئًا أَحَبَّ إِلَيْهِمْ مِنَ النَّظَرِ إِلَى رَبِّهِمْ عَزَّ وَجَلَّ».
[صحيح] - [رواه مسلم] - [صحيح مسلم: 181]

Jële nañu ci Suhayb yal na ko Yàlla dollee gërëm mu jële ci Yonnente bi yal na ko Yàlla dolli xéewal ak mucc mu wax ne:
«bu waa àjjana duggee àjjana, Yàlla mu Barkeel mi te kawe day wax ne: ndax bëggeen dara lu ma leen dolli? Ñu ne ko: ndax weexaloo sunu kanam yi? Ndax dugaloo nu àjjana, musal nu ci sawara? Nee na: mu wuññi kiiraay gi, joxeesu leen dara lu nu gën a bëgg ci xool seen Boroom bu màgg bi».
[Wér na] - [Muslim soloo na ko] - [Téere Muslim bi gën a wér - 181]

Leeral

Yonnente bi yal na ko Yàlla dolli xéewal ak mucc day xibaare ne bu waa àjjana duggee àjjana, Yàlla mu Baarkeel mi te kawe da leen di wax:
Ndax bëgg ngeen ma dolli leen dara?
Waa àjjana ñoom ñépp ne ko: ndax weexaloo sunu kanam yi? Ndax dugaloo nu àjjana musal nu ci sawara?
Yàlla dindi kiiraay gi yëkkëti ko; te kiiraayam leer la, joxeesu leen dara lu ñu gën a bëgg ci xool seen jëmmi Boroom ju màgg ji.

Bokk na ci njariñi Adiis bi

1. Wuññi kiiray gi ci waa àjjana ñu gis seen Boroom; bu dee yéefar yi nag; dees na leen ko xañ.
2. Li gën a màgg ci xéewali àjjana mooy way-gëm ñi gis seen Boroom.
3. Waa àjjana yépp ak lu seen wàccuwaay wuute danañu gis seen Boroom bu màgg bi.
4. Ngëneelu Yàlla ci way-gëm ñi ci dugal leen àjjana.
5. Solos njëkkante jëm àjjana ci ay jëf yu baax, ak topp Yàlla ak ub yonnenteem yal na ko Yàlla dolli xéewal ak mucc.