Hadith: “នៅពេលដែលអ្នកឋានសួគ៌បានចូលឋានសួគ៌ អល់ឡោះជាម្ចាស់ទ្រង់មានបន្ទូលថា៖ តើពួកអ្នកត្រូវការអ្វីឲ្យយើងបន្ថែមដល់ពួកអ្នកដែរឬទេ

عَنْ صُهَيْبٍ رضي الله عنه عَنِ النَّبِيِّ صَلَّى اللهُ عَلَيْهِ وَسَلَّمَ قَالَ:
«إِذَا دَخَلَ أَهْلُ الْجَنَّةِ الْجَنَّةَ، قَالَ: يَقُولُ اللهُ تَبَارَكَ وَتَعَالَى: تُرِيدُونَ شَيْئًا أَزِيدُكُمْ؟ فَيَقُولُونَ: أَلَمْ تُبَيِّضْ وُجُوهَنَا؟ أَلَمْ تُدْخِلْنَا الْجَنَّةَ، وَتُنَجِّنَا مِنَ النَّارِ؟ قَالَ: فَيَكْشِفُ الْحِجَابَ، فَمَا أُعْطُوا شَيْئًا أَحَبَّ إِلَيْهِمْ مِنَ النَّظَرِ إِلَى رَبِّهِمْ عَزَّ وَجَلَّ».
[صحيح] - [رواه مسلم] - [صحيح مسلم: 181]

អំពី ស៊ូហែប رضي الله عنه អំពីណាពី ﷺ លោកបានមានប្រសាសន៍ថា៖
“នៅពេលដែលអ្នកឋានសួគ៌បានចូលឋានសួគ៌ អល់ឡោះជាម្ចាស់ទ្រង់មានបន្ទូលថា៖ តើពួកអ្នកត្រូវការអ្វីឲ្យយើងបន្ថែមដល់ពួកអ្នកដែរឬទេ? ពួកគេឆ្លើយថា៖ តើទ្រង់មិនបានធ្វើឲ្យមុខរបស់ពួកយើងសហើយទេឬ? តើទ្រង់មិនបានបញ្ចូលពួកយើងទៅក្នុងឋានសួគ៌ និងបញ្ចៀសពួកយើងពីឋាននរកហើយទេឬ? នៅពេលនោះ ទ្រង់បានបើករបាំងចេញ ហើយគ្មានអ្វីមួយដែលគេផ្តល់ឲ្យពួកគេដែលពួកគេពេញចិត្ដជាងការមើលទៅកាន់ព្រះជាម្ចាស់របស់ពួកគេនោះឡើយ”។
[صحيح] - [رواه مسلم] - [صحيح مسلم - 181]

Explanation

ណាពី ﷺ លោកបានប្រាប់ថា នៅពេលអ្នកឋានសួគ៌បានចូលទៅក្នុងឋានសួគ៌ហើយនោះ អល់ឡោះជាម្ចាស់ទ្រង់មានបន្ទូលទៅកាន់ពួកគេថា៖
តើពួកអ្នកត្រូវការអ្វីឲ្យយើងបន្ថែមដល់ពួកអ្នកដែរឬទេ?
អ្នកឋានសួគ៌ទាំងអស់បានឆ្លើយថា៖ តើទ្រង់មិនបានធ្វើឲ្យមុខរបស់ពួកយើងសហើយទេឬ? តើទ្រង់មិនបានបញ្ចូលពួកយើងទៅក្នុងឋានសួគ៌ និងបញ្ចៀសពួកយើងពីឋាននរកហើយទេឬ?
ពេលនោះ អល់ឡោះជាម្ចាស់ទ្រង់ដករបាំងចេញ ហើយរបាំងរបស់ទ្រង់នោះ គឺពន្លឺ។ ហើយគ្មានអ្វីមួយដែលគេផ្តល់ឲ្យពួកគេដែលពួកគេពេញចិត្ដជាងការមើលទៅកាន់ព្រះជាម្ចាស់របស់ពួកគេនោះឡើយ។

Benefits from the Hadith

1. របាំងត្រូវបានគេដកចេញពីអ្នកឋានសួគ៌ ហើយពេលនោះ ពួកគេនឹងបានឃើញព្រះជាម្ចាស់របស់ពួកគេ។ ចំណែកពួកគ្មានជំនឿវិញនឹងត្រូវបានគេរារាំងមិនឲ្យមើលឃើញឡើយ។
2. បរមសុខក្នុងឋានសួគ៌ដែលធំធេងជាងគេបំផុត គឺការដែលអ្នកមានជំនឿបានឃើញព្រះជាម្ចាស់របស់ខ្លួន។
3. អ្នកឋានសួគ៌ទាំងអស់ ទោះបីមានឋានៈខុសគ្នាក៏ដោយ ពួកគេនឹងបានឃើញព្រះជាម្ចាស់របស់ខ្លួន។
4. បញ្ជាក់ពីក្ដីសប្បុរសរបស់អល់ឡោះចំពោះអ្នកមានជំនឿទាំងឡាយ ដោយទ្រង់បានបញ្ចូលពួកគេទៅក្នុងឋានសួគ៌។
5. សារៈសំខាន់នៃការរួសរាន់ឆ្ពោះទៅកាន់ឋានសួគ៌តាមរយៈការសាងទង្វើកុសល និងការគោរពប្រតិបត្តិចំពោះអល់ឡោះនិងអ្នកនាំសាររបស់ទ្រង់ ﷺ ។