Хадис: Бейиш тургундары бейишке киргенден кийин Улуу Аллах Таала: "Дагы бир нерсени каалайсыңарбы, кошумча кылып берейин?"

عَنْ صُهَيْبٍ رضي الله عنه عَنِ النَّبِيِّ صَلَّى اللهُ عَلَيْهِ وَسَلَّمَ قَالَ:
«إِذَا دَخَلَ أَهْلُ الْجَنَّةِ الْجَنَّةَ، قَالَ: يَقُولُ اللهُ تَبَارَكَ وَتَعَالَى: تُرِيدُونَ شَيْئًا أَزِيدُكُمْ؟ فَيَقُولُونَ: أَلَمْ تُبَيِّضْ وُجُوهَنَا؟ أَلَمْ تُدْخِلْنَا الْجَنَّةَ، وَتُنَجِّنَا مِنَ النَّارِ؟ قَالَ: فَيَكْشِفُ الْحِجَابَ، فَمَا أُعْطُوا شَيْئًا أَحَبَّ إِلَيْهِمْ مِنَ النَّظَرِ إِلَى رَبِّهِمْ عَزَّ وَجَلَّ».
[صحيح] - [رواه مسلم] - [صحيح مسلم: 181]

Сухайб (ага Аллах ыраазы болсун) айтат: Пайгамбарыбыз (ага Аллахтын тынчтыгы жана мактоосу болсун) минтип айткан:
"Бейиш тургундары бейишке киргенден кийин Улуу Аллах Таала: "Дагы бир нерсени каалайсыңарбы, кошумча кылып берейин?" - дейт. Бейиш ээлери: "Сен биздин жүзүбүздү агартпадыңбы? Бейишке киргизбедиңби? Тозоктон куткарбадыңбы?" - дешет. Ошондо Аллах Таала көшөгөнү ачат, аларга Раббисинин жамалын көрүүдөн артык сүйүктүү нерсе берилген эмес эле".
[Сахих (ишенимдүү)] - [Муслим жазып калтырган] - [Сахих Муслим - 181]

Түшүндүрмө

Пайгамбарыбыз (ага Аллахтын тынчтыгы жана мактоосу болсун) бейиш тургундары бейишке киргенден кийин Аллах Таала аларга минтип айтарын кабарлайт:
Силерге дагы бир нерсени кошумча кылып берүүмдү каалайсыңарбы?
Бейиш тургундарынын баары: Биздин жүзүбуздү ак кылбадыңбы, бейишке киргизбедиңби, тозоктон куткарбадыңбы? дешет.
Аллах Таала тосмону алып өйдө көтөрөт: анын тосмосу нур, аларга Раббисинин жамалын көрүүдөн өткөн жакшы нерсе берилген эмес.

Хадистин пайдалары

1. Бейиш тургундарына тосмо ачылып Раббилерин көрүшөт. Ал эми каапырлар андан куру калышат.
2. Бейиштеги нээмат жакшылыктардын эң чоңу ыймандуулардын Раббисин көрүүсү.
3. Бейиш тургундарынын даражалары ар түрдүү болсо да, баары Раббилеринин жамалын көрүшөт.
4. Ыймандууларды бейишке киргизгени Аллах Тааланын берешендигинен.
5. Жакшы амалдарды аткаруу, Аллахка жана Анын элчисине баш ийүү менен бейишке шашылуунун зарылдыгы.