Хадис: Тозок напсинин кумарлары менен курчалган. Ал эми бейиш кыйынчылыктар менен курчалган

عن أبي هريرة رضي الله عنه أن رسول الله صلى الله عليه وسلم قال:
«حُجِبَتِ النَّارُ بِالشَّهَوَاتِ، وَحُجِبَتِ الْجَنَّةُ بِالْمَكَارِهِ».
[صحيح] - [رواه البخاري] - [صحيح البخاري: 6487]

Абу Хурайра (Аллах андан ыраазы болсун) риваят кылган хадисте Аллахтын Элчиси (ага Аллахтын тынчтыгы жана мактоосу болсун) айтты.
«Тозок напсинин кумарлары менен курчалган. Ал эми бейиш кыйынчылыктар менен курчалган».
[Сахих (ишенимдүү)] - [Бухари жазып калтырган] - [Сахих ал-Бухари - 6487]

Түшүндүрмө

Пайгамбар (ага Аллахтын тынчтыгы жана мактоосу болсун) тозок напсиге жага турган арам иштер менен же аткарылбай калган парз амалдардын күнөөлөрү менен курчалып, сакталып тураарын баяндап жатат. Ким напсиси каалаганын ээрчисе, тозокко кирүүгө татыктуу болот. Ал эми бейиш Аллахтын буйруктарын ар дайым аткаруу, күнөөлөрдү таштоо жана ага сабыр кылуу сыяктуу напси жактырбаган нерселер менен курчалган. Эгер напсинин каалоосу менен күрөшүп, ага каршы бекем турса, анда бейишке кирүүгө татыктуу болот.

Хадистин пайдалары

1. Напсинин кумарына туткун болуунун себептеринин бири – шайтандын күнөө иштерди жана жийиркеничтүү иштерди, напси аларды жакшы көрүп ага карай ыкталып калганга чейин кооздоп көрсөтүүсү.
2. Напсинин арам кумарларынан алыс болууга буйруду. Анткени ал тозоктун жолу. Жана кыйынчылыктарга сабыр кылууга буйруду. Анткени ал бейиштин жолу.
3. Напси менен күрөшүүнүн жана ибадаттагы тырышчаактыктын пазилети.
4. Ибадаттарды курчап алган кыйынчылыктарга жана машакаттарга сабыр кылуунун пазилети.