Hadithi: “Pasi banorët e Xhenetit të hyjnë në të, Allahu i Lartësuar u thotë: “A dëshironi t'ju jap edhe më shumë?”

عَنْ صُهَيْبٍ رضي الله عنه عَنِ النَّبِيِّ صَلَّى اللهُ عَلَيْهِ وَسَلَّمَ قَالَ:
«إِذَا دَخَلَ أَهْلُ الْجَنَّةِ الْجَنَّةَ، قَالَ: يَقُولُ اللهُ تَبَارَكَ وَتَعَالَى: تُرِيدُونَ شَيْئًا أَزِيدُكُمْ؟ فَيَقُولُونَ: أَلَمْ تُبَيِّضْ وُجُوهَنَا؟ أَلَمْ تُدْخِلْنَا الْجَنَّةَ، وَتُنَجِّنَا مِنَ النَّارِ؟ قَالَ: فَيَكْشِفُ الْحِجَابَ، فَمَا أُعْطُوا شَيْئًا أَحَبَّ إِلَيْهِمْ مِنَ النَّظَرِ إِلَى رَبِّهِمْ عَزَّ وَجَلَّ».
[صحيح] - [رواه مسلم] - [صحيح مسلم: 181]

Suhejbi (Allahu qoftë i kënaqur me të!) transmeton se Profeti ﷺ ka thënë:
“Pasi banorët e Xhenetit të hyjnë në të, Allahu i Lartësuar u thotë: “A dëshironi t'ju jap edhe më shumë?” Ata thonë: “A nuk na i ke zbardhur fytyrat? A nuk na ke futur në Xhenet dhe na ke shpëtuar nga Zjarri?” Atëherë Ai e largon perden, saqë, atyre nuk u është dhënë diçka më e dashur sesa shikimi në Zotin e tyre të Lartmadhërishëm.”
[Ky hadith është sahih] - [E shënon Muslimi] - [Sahihu i Muslimit - 181]

Shpjegimi

Profeti ﷺ në këtë hadith tregon se kur banorët e Xhenetit të hyjnë në Xhenet, Allahu i Lartësuar do t’u thotë:
A dëshironi diçka që t'ju shtoj më shumë?
Atëherë banorët e Xhenetit, që të gjithë do të thonë: ''A nuk na i zbardhe fytyrat tona? A nuk na fute në Xhenet dhe na shpëtove nga Zjarri?''
Atëherë Allahu do ta largojë perden dhe do ta ngrejë atë; perdja e Tij është drita. Atyre nuk do t’u jepet asgjë më e dashur sesa ta shohin Zotin e tyre, të Lartësuar dhe të Madhëruar.

Mësime nga hadithi

1. Largimi i perdes për banorët e Xhenetit, kësisoj do ta shohin Zotin e tyre, ndërsa jobesimtarët do të jenë të privuar nga kjo.
2. Begatia më e madhe në Xhenet është kur besimtarët do ta shohin Zotin e tyre.
3. Të gjithë banorët e Xhenetit, pavarësisht nga pozitat e tyre, do ta shohin Zotin e tyre, të Lartësuar dhe të Madhëruar.
4. Mirësia e Allahut ndaj besimtarëve, meqë i fut ata në Xhenet.
5. Rëndësia e nxitimit për në Xhenet, përmes veprave të mira dhe bindjes ndaj Allahut të Lartësuar dhe Dërguarit të Tij ﷺ.