عَنْ عَبْدِ اللَّهِ بْنِ عَمْرٍو قَالَ: قالَ النَّبِيُّ صَلَّى اللهُ عَلَيْهِ وَسَلَّمَ: «حَوْضِي مَسِيرَةُ شَهْرٍ، مَاؤُهُ أَبْيَضُ مِنَ اللَّبَنِ، وَرِيحُهُ أَطْيَبُ مِنَ المِسْكِ، وَكِيزَانُهُ كَنُجُومِ السَّمَاءِ، مَنْ شَرِبَ مِنْهَا فَلاَ يَظْمَأُ أَبَدًا».
[صحيح] - [متفق عليه]
المزيــد ...
အဗ်ဒုလ္လာဟ်ဗင်န်အမ်ရ် (ရဿွိယလ္လာဟုအန်ဟု)က ဆင့်ပြန်ခဲ့သည်။ အလ္လာဟ်အရှင်မြတ်၏ ရစူလ်တမန်တော်(ဆွလ္လလ္လာဟုအလိုင်းဟိဝစလ္လမ်)မိန့်ကြားတော်မူသည်။ ငါကိုယ်တော်၏ ကောင်ဆရ်ရေကန်(၏အကျယ်အဝန်း)သည်တစ်လတာခရီး အကွာအဝေးမျှရှိ၏။ ၎င်း၏ရေသည် နို့ထက်ပို၍ဖြူပြီး ၎င်း၏ရနံ့သည် ကတိုးထက်သာပို၍ မွေးကြိုင်သည်။ ၎င်းရေကန်၌ရှိသော ရေခွက်များသည် မိုးကောင်းကင်ရှိ ကြယ်တာရာတမျှရှိသည်။ ၎င်းရေကန်မှရေကို သောက်လိုက်သောသူသည် မည်သည့်အခါမှ ရေငတ်တော့မည်မဟုတ်ပေ။
ဤဟဒီးဆ်သည် ဆွဟီးဟ် အဆင့်ရှိသည်။ - ဗုခါရီကျမ်းနှင့် မွတ်စ်လင်မ်ကျမ်း။
တမန်တော်မြတ် (ဆွလ္လလ္လာဟုအလိုင်းဟိဝစလ္လမ်) မိန့်ကြားထားတော်မူသည်မှာ ကိုယ်တော်၏ ကောင်ဆရ်ရေကန်သည် တစ်လတာ ခရီးအကွာအဝေးမျှရှိ၏။ အခြားဆင့်ပြန်ချက်တွင် (၎င်း၏ထောင့်များသည် တူညီသည်)ဟုလာရှိသည်။ ဆိုလိုသည်မှာ ရေကန်၏ထောင့်များသည် အကွာဝေးတူညီကြပြီး ၎င်းသည်စတုရန်းပုံသဏ္ဍာန်ရှိသည်။ ဤသည် ၎င်း၏ကျယ်ဝန်းမှုနှင့် ၎င်း၏ဘေးပတ်လည်သည် တစ်ခုနှင့်တစ်ခုဝေးကွာကြောင်းညွှန်ပြနေသည်။ ၎င်း၏ရေသည် နို့ထက်ပို၍ဖြူပြီး ၎င်း၏ရနံ့သည် အလွန်မွှေးပျံ့ကာ ကတိုးရနံ့ထက်ပင်ပို၍ မွှေးကြိုင်သည်။ထိုကဲ့သို့ ကတိုးနှင့်သာသီးသန့်နှိုင်းယှဉ်ပြခြင်းမှာ ကတိုးသည်အကောင်းဆုံးရေမွှေးဖြစ်သောကြောင့်ဖြစ်သည်။ ၎င်းရေကန်၌ရှိသော ရေခွက်များသည်မိုးကောင်းကင်ရှိကြယ်တာရာများကဲ့သို့ များပြားပြီး လင်းလက်တောက်ပလျက်ရှိကြမည်။ ထိုရေခွက်များ၊ ကရားများဖြင့် ထိုရေကန်မှရေကိုသောက်လိုက်သောသူသည် မည်သည့်အခါမှရေငတ်တော့မည် မဟုတ်ပေ။