Hadith: Tatitra azo avy tamin'i Abdollahi bin Amro(R.A) : Niteny ny Mpaminany (S.A.W) manao hoe :||Misy toetra efatra, izay Olona misy azy ireo dia lazaina fa mpihatsaravelatsihy, ary raha ampahany amin'izany no misy Aminy dia misy toetran'ny mpihatsaravelatsihy ihany Izy mandra-pamelany izany toetra izany : Olona izay mandainga rehefa miresaka, tsy manatanteraka ny teniny rehefa mampanantena zavatra, miala lalana (tsy milaza ny marina fa mitaky izay tsy Azy na mandà ny zon'ny hafa Aminy) rehefa misy disadisa, ary mahasahy mivadika rehefa manao ny fifanekena amin'ny zavatra

عَنْ عَبْدِ اللَّهِ بْنِ عَمْرٍو رضي الله عنهما قال: قال رَسولُ اللهِ صَلَّى اللهُ عَلَيْهِ وَسَلَّمَ:
«أَرْبَعٌ مَنْ كُنَّ فِيهِ كَانَ مُنَافِقًا، وَإِنْ كَانَتْ خَصْلَةٌ مِنْهُنَّ فِيهِ كَانَتْ فِيهِ خَصْلَةٌ مِنَ النِّفَاقِ حَتَّى يَدَعَهَا: مَنْ إِذَا حَدَّثَ كَذَبَ، وإِذَا وَعَدَ أَخْلَفَ، وإذَا خَاصَمَ فَجَرَ، وَإِذَا عَاهَدَ غَدَرَ».
[صحيح] - [رواه البخاري ومسلم] - [الأربعون النووية: 48]

Tatitra azo avy tamin'i Abdollahi bin Amro(R.A) : Niteny ny Mpaminany (S.A.W) manao hoe :
Misy toetra efatra, izay Olona misy azy ireo dia lazaina fa mpihatsaravelatsihy, ary raha ampahany amin'izany no misy Aminy dia misy toetran'ny mpihatsaravelatsihy ihany Izy mandra-pamelany izany toetra izany : Olona izay mandainga rehefa miresaka, tsy manatanteraka ny teniny rehefa mampanantena zavatra, miala lalana (tsy milaza ny marina fa mitaky izay tsy Azy na mandà ny zon'ny hafa Aminy) rehefa misy disadisa, ary mahasahy mivadika rehefa manao ny fifanekena amin'ny zavatra.
[Mari-pototra] - [رواه البخاري ومسلم] - [الأربعون النووية - 48]

Ny fanazavana

Nampitandrina momba ny toetra efatra ny Mpaminany (S.A.W) ka raha mitambatra amin'ny mpino silamo iray dia hitovy be amin'ny mpihatsaravelatsihy noho ireo toetra ireo, na koa raha hita betsaka aminy ireo toetra ireo, fa raha raha indraindray fotsiny no miseho aminy dia tsy tafiditra ao anatiny, ireto avy izy ireo :
Voalohany : Rehefa miteny izy dia minia mandainga ary tsy misy fahamarinana izay voalazany.
Faharoa : Raha nanao fifanekena dia tsy notanterahiny izany ka namadika ny tompony.
Fahatelo : Raha nanao fampanantenana izy dia tsy notanterahiny ary nivadihany.
Fahefatra : Raha miady sy mifanolana amin’ny olona izy, dia mafy ny adiny, ary miala amin’ny fahamarinana izy, ary mampiasa fitaka amin’ny fanoherana sy fandavana izany, ary milaza lainga sy zavatra diso.
Ny fihatsarambelatsihy dia fanehoana ny miafina mifanohitra aminy, ary izany hevitra izany dia hita ao amin’ny olona manana ireo toetra ireo, ary ny fihatsarambelatsihy dia mihatra aminy amin'ny zon'ireo olona niresahany, nampanantenainy, natoky azy, nifanditra taminy, ary ny olona nifanaraka taminy, fa tsy hoe mpihatsaravelatsihy izy amin'ny lafin'ny finoana silamo ka hoe mampiseho ny finoana nefa manafina ny tsy finoana, ary izay manana ny iray amin'ireo toetra ireo; dia nanana toetra fihatsarambelatsihy tao aminy mandra-pialany aminy.

Lesona azo avy amin'ny Hadith

1. Fanazavana ny sasany amin'ireo famantarana ny mpihatsaravelatsihy mba ho fampitahorana sy fampitandremana mba tsy ho latsaka ao anatiny.
2. Ny tian'ny Hadith holazaina dia ireo toetra ireo toetran'ny fihatsarambelatsihy, ary ny olona manana izany dia mitovy amin'ny mpihatsaravelatsihy amin'ny alan'ireo toetra ireo, ary manaraka ny fitondran-tenany, fa tsy hoe mpihatsaravelatsihy izay mampiseho ny finoana silamo nefa manafina ny tsy finoana, voalaza fa izany dia ho entina ilazana ny olona izay anjakan’ireo toetra ireo ka manao tsirambina sy manao tsinotsinona azy. Ka ny olona tahak'izany dia matetika simba ny finoany.
3. Nilaza i Al-Ghazali : Ny fototry ny finoana dia voafaritra amin'ny zavatra telo : ny fitenenana, ny asa ary ny fikasana, ka nanao fanairana izy amin'ny fahasimban'ny teny noho ny lainga, amin'ny fahasimban'ny asa noho ny fivadihan-toky, ary amin'ny fahasimban'ny fikasana noho ny fivadihana. Satria ny fivadiham-panantenana dia tsy mihantra afa-tsy niaraka tamin'ny fampanantena ny fikasana tsy hanao izany, nefa kosa raha tapa-kevitra izy hanao nefa avy eo dia nisy tambana niseho taminy na nisy hevitra niseho, dia tsy misy endrika fihatsarambelatsihy eo aminy.
4. Misy karazany roa ny fihatsarambelatsihy : ny fihatsarambelatsihy amin’ny finoana izay mamoaka ny tompony amin’ny finoana, izany dia ny fanehoana ny silamo sy fanafenana ny tsy finoana, ary ny fihatsarambelatsihy amin'ny asa, izay manahaka ny mpihatsaravelatsihy amin’ny fitondran-tenany, ary izany dia tsy mamoaka ny tompony amin’ny finoana, afa-tsy ny hoe izy fahotana lehibe.
5. Nilaza Ibn Hajar : Niray feo ny manam-pahaizana fa izay mino ao am-pony sy amin'ny lelany ary manao ireo toetra ireo dia tsy hotsaraina ho tsy mpino ary tsy ho mpihatsaravelatsihy izay hitoetra mandrakizay any amin'ny Afobe.
6. Nilaza i Nawawi : Nisy andiana manam-pahaizana nilaza hoe : Ny tiana holazaina dia ireo mpihatsaravelatsihy tamin'ny andron'ny Mpaminany (S.A.W), ary nanambara ampahibemaso ny finoany saingy nandainga izy ireo, ary nankinina taminy ny finoany nefa namadika izy ireo, ary nampanantena fa hampandresy ny finoany nefa nivadika izy ireo, ary nihoam-pefy tamin'ny fifandirany.