हदीस: जसले अमानतको कसम खान्छ, त्यो हामीमध्ये होइन।

عَنْ بُرَيْدَةَ رضي الله عنه قَالَ: قَالَ رَسُولُ اللَّهِ صَلَّى اللهُ عَلَيْهِ وَسَلَّمَ:
«مَنْ حَلَفَ بِالْأَمَانَةِ فَلَيْسَ مِنَّا».
[صحيح] - [رواه أبو داود وأحمد] - [سنن أبي داود: 3253]

बुरैदह (रजियल्लाहु अन्हु)ले बयान गरेका छन्, रसूल (सल्लल्लाहु अलैहि वसल्लम)ले भन्नुभएको छ:
" जसले अमानतको कसम खान्छ, त्यो हामीमध्ये होइन। "
[सही] - [अबू दाउद र अहमदले वर्णन गरेका छन्] - [सुनन अबी दाउद - 3253]

व्याख्या

नबी (सल्लल्लाहु अलैहि वसल्लम)ले अमानत को नाममा शपथ खानुबाट रोक्नुभएको छ र यसको बारेमा चेतावनी दिनुभएको छ र जसले त्यसो गर्छ त्यो हामी (इस्लाम) मध्ये होइन।

हदीसका केही फाइदाहरू

1. अल्लाह तआलाह बाहेक अरू कसैको नाममा शपथ खानु हराम छ। यसमा अमानातको नाममा शपथ खानु पनि समावेश छ, र यसलाई सानो शिर्क (शिर्के-असगर) मानिन्छ।
2. अमानतमा आज्ञाकारिता, उपासना, अमानत, सम्पत्ति, र सुरक्षा समावेश छ।
3. शपथ केवल अल्लाह, वा उहाँका नामहरूमा वा उहाँका गुणहरूमा नै मान्य हुन्छ।
4. खत्ताबीले भने: यसमा मनाहीको कारण यो हो कि अल्लाह र उहाँका गुणहरूको नाममा शपथ लिन आदेश गरिएको छ। जबकि अमानत अल्लाहका गुणहरूमध्ये होइन, बरु यो उहाँका आदेशहरूमध्ये एक आदेश हो। त्यसैले यसमा मनाही गरिएको छ, किनभने यसले अमानातलाई अल्लाहका नामहरू र गुणहरूसँग समान ठहर गर्ने सम्भावना छ।