Hadiis: Ned ka sõmb n rõd a to ne dĩin yiib tʋʋm ye, a ka sõmb n rõd-a ne kɩfẽnd ye, sã n ka rẽnda a lebgd n waa yẽ zugu, sã n mikame t'a soabã ka woto

عَنْ أَبِي ذَرٍّ رَضِيَ اللَّهُ عَنْهُ أَنَّهُ سَمِعَ النَّبِيَّ صَلَّى اللهُ عَلَيْهِ وَسَلَّمَ يَقُولُ:
«لاَ يَرْمِي رَجُلٌ رَجُلًا بِالفُسُوقِ، وَلاَ يَرْمِيهِ بِالكُفْرِ، إِلَّا ارْتَدَّتْ عَلَيْهِ، إِنْ لَمْ يَكُنْ صَاحِبُهُ كَذَلِكَ».
[صحيح] - [متفق عليه] - [صحيح البخاري: 6045]

Yii a Abɩɩ Zarr nengẽ (Wẽnd yard be a yĩnga) t'a wʋma Nabiyaamã (Wẽnd pʋʋsg la A tɩlgr be a yĩngɑ) t'a yetẽ:
«Ned ka sõmb n rõd a to ne dĩin yiib tʋʋm ye, a ka sõmb n rõd-a ne kɩfẽnd ye, sã n ka rẽnda a lebgd n waa yẽ zugu, sã n mikame t'a soabã ka woto»
[Naṣʋn Ṣahɩɩhʋn (Gom-sikdem sẽn manege)] - [B zemsa taab a zugu (A Al-Bʋẖaariy la a Muslim n reeg-a)] - [Ṣahɩɩh Al-Bʋẖaary - 6045]

bilgrã

Nabiyaamã (Wẽnd pʋʋsg la A tɩlgr be a yĩngɑ) bugsda ned ning sẽn wa n yεεla nin-zẽnga: fo yaa dĩin yita, maa fo yaa kɩfre. Sã n mikame t'a soabã ka woto, rẽnd yɩta yẽnd n sõmb ne sɩf ning yẽ sẽn sɩfã, tɩ yẽ gomdã lebg n wa yẽ zugu, la sã n mikame t'a yaa wala yẽ sẽn yeelã, baa fʋɩ ka lebgd n wa yẽ zugu, bala yaa sɩd la a sẽn togs-a.

Sẽn be Hɑdiisã yõod-rãmbẽ

1. Wilgdame tɩ yaa haraam tɩ b wa rõd nebã ne kɩfẽndo maa dĩin yiibu, tɩ ka tũ ne sãri sẽn kõ sore.
2. La sẽn yaa tɩlae tɩ ned fãa bãng n wãage a sẽn wat n bʋ nebã zugu.
3. A ɭbn Daƙɩɩƙ yeelame (Wẽnd na yols-a): la wãndɩ yaa pʋleng wẽng ne nebã zugu ne ned ning sẽn na n kɩflg a to lɩslaangẽ wã, t'a soabã yaool n ka kɩfr ye, la a yaa yel-bedre.
4. A ɭbn Hagar Al-Asƙalaaniy yeelame (Wẽnd na yols-a): La ka tabend beenẽ tɩ nedã ka na n lebg dĩin yita maa kɩfr sɩd-sɩd ye, t'a ra tall zũnuub ne a sẽn yeele: "fo yaa dĩin yita". La welsg n be beenẽ, sã n mikame t'a ratame n maan-a pʋ-peelem, maa yaa nin-zẽng la a rat n maan pʋ-peelem n vẽneg yãwã halhaalã yẽ sakdame, la sã n mikame tɩ yaa a zangr la a rata la a yellã sẽegr la sẽn na nams-a bala, yẽ ka sakd ye, bala b sagla yẽnda t'a maan-a sʋtra la a wilg-a la a maan-a waazʋ ne sẽn be neere, rẽnd yẽ sẽn tõe n maan tɩ yaa yol-yol fãa ka sõmb ne yẽ t'a maan-a ne keelem ye, bala tõe n yɩɩ sabab n kell n raεεg-a t'a kell n nadg tʋʋm-kãngã pʋgẽ, wala nebã wʋsg fãa yεlã sẽn yaa a soabã, sẽn tʋg n yɩɩda sã n mikame tɩ sagendã meng ka ta a sẽn sagend a soabã ne zĩir ye.