Hadiis: Ad a sʋɩɩtãan wãaaga a tẽeb tɩ Pʋʋsdb wa tʋg n tũ-a Laarab-rãmbã zamãanẽ, la a na n kẽesa mo-yõsr b sʋka

عَنْ جَابِرٍ رضي الله عنه قَالَ: سَمِعْتُ النَّبِيَّ صَلَّى اللهُ عَلَيْهِ وَسَلَّمَ يَقُولُ:
«إِنَّ الشَّيْطَانَ قَدْ أَيِسَ أَنْ يَعْبُدَهُ الْمُصَلُّونَ فِي جَزِيرَةِ الْعَرَبِ، وَلَكِنْ فِي التَّحْرِيشِ بَيْنَهُمْ».
[صحيح] - [رواه مسلم] - [صحيح مسلم: 2812]

Yii a Gεεbr nengẽ (Wẽnd yard be ɑ yĩngɑ) ɑ yeelɑme: m wʋma Wẽnd Tẽn-tʋʋma (Wẽnd pʋʋsg la A tɩlgr be a yĩngɑ) t'ɑ yetẽ:
«Ad a sʋɩɩtãan wãaaga a tẽeb tɩ Pʋʋsdb wa tʋg n tũ-a Laarab-rãmbã zamãanẽ, la a na n kẽesa mo-yõsr b sʋka».
[Naṣʋn Ṣahɩɩhʋn (Gom-sikdem sẽn manege)] - [A Muslim n togs-a] - [Ṣahɩɩh Muslim - 2812]

bilgrã

Nabiyaamã (Wẽnd pʋʋsg la A tɩlgr be a yĩngɑ) kõo kibare t'a ɭbliis wãaga a tẽebo, tɩ sɩd-kõtbã wa tʋg n tũ-a, maa b maan rʋbs suguudu Laarab-rãmbã zamaanẽ, la a ka bak n tar nidg pãnga la a tʋmdẽ, sẽn na yɩl n kẽes mo-yõsre, bãmb ne taab sʋka, ne zaba, la beem, la masɩɩb-rãmb la sẽn wõnd rẽnda.

Sẽn be Hɑdiisã yõod-rãmbẽ

1. A sʋɩɩtãan tũubã, yaa rʋbsã tũubã, bala yaa yẽnd n sagend tɩ b maan rẽ, la a boond n tʋgd beenẽ, la yẽ daliil yaa Wẽnd koεεg sẽn yeele, n togs a ɭbraahɩɩm yelle, (tɩlgr be a yĩnga): (m saam sõngo! Ra tũ a sʋɩɩtãan ye...)
2. A sʋɩɩtãan kẽndame n na n kẽes zaba la beem lɩslaambã ne taab sʋka.
3. Sẽn be Pʋʋsgã yõod-rãmb lɩslaangã pʋgẽ, yaa t'a kelleda nonglem ning sẽn be lɩslaambã ne taab sʋka, la a kengd tõk-n-taarã bãmb ne taab sʋka.
4. Pʋʋsgã zɩslemã n yɩɩd lɩslaamdã tʋʋmã sahd a yiibã poorẽ, rẽnd n kɩt tɩ b boond lɩslaambã tɩ pʋʋsdba.
5. Laarab-rãmbã zamaanã a tara yεl sẽn welg ne tẽms a taabã.
6. Ned sã n yeel tɩ Laarab-rãmbã zamaanã, tẽms sãnda rʋbs tũubu n yɩ, tɩ Nabiyaamã (Wẽnd pʋʋsg la A tɩlgr be a yĩngɑ) yaool n yeele: (ad a sʋɩɩtãan wãaga a tẽebo tɩ pʋʋsdbã wa tʋg n tũ-a..) rẽnd d yetame tɩ wãnde yaa kibar sẽn na n kõ bũmb ninga a sʋɩɩtãan sẽn tẽ beenẽ wã, sẽn yaa tẽeb wãagre, a sẽn wa n yã lɩslaangã sẽn tar paasgo, la nebã sẽn kẽed Wẽnd dĩinã pʋgẽ zamã-zamã wã, rẽnd hadiisã wilgda a sʋɩɩtãan tẽebã, la yellã wa n yõsga woto rẽ poorẽ, tɩ yẽ me yaa bʋʋd minim Wẽnd sẽn tʋlle (A Naam yɩ wagell n zẽke).