ഹദീസ്: അറേബ്യൻ ഉപദ്വീപിലെ നിസ്കരിക്കുന്ന (മുസ്ലിംകൾ) തന്നെ ആരാധിക്കുമെന്നതിൽ പിശാച് നിരാശയടഞ്ഞിരിക്കുന്നു. എന്നാൽ അവർക്കിടയിൽ കുഴപ്പമുണ്ടാക്കുക എന്നതിൽ (അവൻ നിരാശയടഞ്ഞിട്ടില്ല)
عَنْ جَابِرٍ رضي الله عنه قَالَ: سَمِعْتُ النَّبِيَّ صَلَّى اللهُ عَلَيْهِ وَسَلَّمَ يَقُولُ:
«إِنَّ الشَّيْطَانَ قَدْ أَيِسَ أَنْ يَعْبُدَهُ الْمُصَلُّونَ فِي جَزِيرَةِ الْعَرَبِ، وَلَكِنْ فِي التَّحْرِيشِ بَيْنَهُمْ».
[صحيح] - [رواه مسلم] - [صحيح مسلم: 2812]
المزيــد ...
ജാബിർ -رَضِيَ اللَّهُ عَنْهُ- നിവേദനം: നബി ﷺ പറയുന്നതായി ഞാൻ കേട്ടു:
"അറേബ്യൻ ഉപദ്വീപിലെ നിസ്കരിക്കുന്ന (മുസ്ലിംകൾ) തന്നെ ആരാധിക്കുമെന്നതിൽ പിശാച് നിരാശയടഞ്ഞിരിക്കുന്നു. എന്നാൽ അവർക്കിടയിൽ കുഴപ്പമുണ്ടാക്കുക എന്നതിൽ (അവൻ നിരാശയടഞ്ഞിട്ടില്ല)."
[സ്വഹീഹ്] - [മുസ്ലിം ഉദ്ധരിച്ചത്] - [صحيح مسلم - 2812]
അറേബ്യൻ ഉപദ്വീപിലുള്ള, അല്ലാഹുവിലും അവൻ്റെ റസൂലിലും വിശ്വസിക്കുകയും നിസ്കാരം നിലനിർത്തുകയും ചെയ്യുന്ന മുസ്ലിംകൾ പിശാചിനെ ആരാധിക്കുന്ന അവസ്ഥയിലേക്ക് തിരിച്ചു പോകുന്ന സ്ഥിതി ഉണ്ടാകുമെന്നതിൽ പിശാച് നിരാശനായിരിക്കുന്നു എന്ന് നബി -ﷺ- അറിയിക്കുന്നു. എന്നാൽ അവർക്കിടയിൽ കുഴപ്പങ്ങൾ ഇളക്കി വിട്ടുകൊണ്ടും തർക്കങ്ങളിലേക്കും അകൽച്ചകളിലേക്കും യുദ്ധങ്ങളിലേക്കും കലഹങ്ങളിലേക്കും മറ്റും അവരെ നയിച്ചു കൊണ്ടും അവരെ വഴിപിഴപ്പിക്കാമെന്ന പ്രതീക്ഷ അവനിൽ നിലനിൽക്കുന്നുണ്ട്.അതിനുള്ള അവൻ്റെ പരിശ്രമവും പ്രവർത്തനവും അക്ഷീണമായ നീക്കങ്ങളും അവൻ ഇപ്പോഴും തുടർന്നു കൊണ്ടിരിക്കുകയും ചെയ്യുന്നു.
ഹദീഥിൻ്റെ പാഠങ്ങളിൽ നിന്ന്
- പിശാചിനെ ആരാധിക്കുക എന്നതിൻ്റെ ഉദ്ദേശ്യം വിഗ്രഹത്തെ ആരാധിക്കുക എന്നതാണ്. കാരണം വിഗ്രഹത്തെ ആരാധിക്കാൻ കൽപ്പിക്കുന്നതും അതിലേക്ക് ക്ഷണിക്കുന്നതും അവനാണ്. വിഗ്രഹാരാധകനായ തൻ്റെ പിതാവിനോട് ഇബ്രാഹീം നബി -عَلَيْهِ السَّلَامُ- പറഞ്ഞ വാക്ക് ഇതിനുള്ള തെളിവാണ്: "എൻ്റെ പിതാവേ! താങ്കൾ പിശാചിനെ ആരാധിക്കരുത്."
- മുസ്‌ലിംകൾക്കിടയിൽ കുഴപ്പങ്ങളും തർക്കങ്ങളും യുദ്ധങ്ങളും ഇളക്കി വിടാനുള്ള നിതാന്ത പരിശ്രമത്തിലാണ് പിശാചുള്ളത്.
- മുസ്‌ലിംകൾക്കിടയിലെ സ്നേഹവും അടുപ്പവും നിലനിർത്തുന്നു എന്നത് നിസ്കാരത്തിൻ്റെ പ്രയോജനങ്ങളിൽ പെട്ടതാണ്. അവർക്കിടയിലെ പരസ്പര സാഹോദര്യത്തിൻ്റെ കണ്ണികൾ
- ബലപ്പെടുത്തുന്നതിൽ നിസ്കാരത്തിന് വലിയ പങ്കുണ്ട്.
- രണ്ട് ശഹാദത്ത് കലിമകൾ കഴിഞ്ഞാൽ ഇസ്‌ലാമിലെ ഏറ്റവും മഹത്തരമായ ചിഹ്നവും ആരാധനയും നിസ്കാരമാണ്. അതു കൊണ്ടാണ് 'മുസ്ലിംകൾ' എന്ന് പറയുന്നതിന് പകരം 'നിസ്കരിക്കുന്നവർ' എന്ന് ഈ ഹദീഥിൽ നബി -ﷺ- പ്രയോഗിച്ചത്.
- അറേബ്യൻ ഉപദ്വീപിന് മറ്റു നാടുകളിൽ നിന്ന് വ്യത്യസ്തമായി ചില പ്രത്യേകതകളുണ്ട്.
- "തീർച്ചയായും തന്നെ ആരാധിക്കുന്നവർ അറേബ്യൻ ഉപദ്വീപിൽ ഉണ്ടാകുന്നതിൽ നിന്ന് പിശാച് നിരാശയടഞ്ഞിരിക്കുന്നു" എന്ന നബി -ﷺ- യുടെ വാക്ക് ഉണ്ടായിരിക്കെ അറേബ്യൻ ഉപദ്വീപിൽ പിൽക്കാലഘട്ടത്തിൽ വിഗ്രഹാരാധന ഉടലെടുത്തിട്ടുണ്ടല്ലോ എന്ന് ആരെങ്കിലും ചോദിച്ചാൽ അതിനുള്ള ഉത്തരം ഇപ്രകാരമാണ്: നബി -ﷺ- യുടെ കാലഘട്ടത്തിൽ ഇസ്‌ലാമിനുണ്ടായ വിജയങ്ങളും ജനങ്ങൾ ഇസ്‌ലാമിലേക്ക് കൂട്ടംകൂട്ടമായി പ്രവേശിക്കുന്നതും കണ്ടപ്പോൾ പിശാചിൻ്റെ മനസ്സിൽ നിരാശയുണ്ടായിരിക്കുന്നു എന്ന വസ്തുത അറിയിക്കുക മാത്രമാണ് നബി -ﷺ- ചെയ്തത്. പിശാചിൻ്റെ ധാരണയെ കുറിച്ചും കണക്കുകൂട്ടലിനെ കുറിച്ചും മാത്രമാണ് ഹദീഥിലുള്ളത്. എന്നാൽ അവൻ്റെ പ്രതീക്ഷക്ക് വിരുദ്ധമായി സംഭവിച്ചു; അതാകട്ടെ അല്ലാഹുവിൻ്റെ മഹത്തായ യുക്തിപ്രകാരം സംഭവിച്ച കാര്യവുമാണ്.
കൂടുതൽ
- ഹദീസ്: വൻ പാപങ്ങളിൽ ഏറ്റവും വലുത് ഏതാണെന്ന് ഞാൻ നിങ്ങൾക്ക് അറിയിച്ചു തരട്ടെയോ?
- ഹദീസ്: ഏഴു നാശകരങ്ങളായ പാപങ്ങളെ നിങ്ങൾ ഉപേക്ഷിക്കുക! അവർ - സ്വഹാബികൾ - ചോദിച്ചു: "അല്ലാഹുവിൻ്റെ റസൂലേ! ഏതെല്ലാമാണ് അവ?!" നബി -ﷺ- പറഞ്ഞു: "അല്ലാഹുവിൽ പങ്കുചേർക്കൽ (ശിർക്ക്), മാരണം ചെയ്യൽ (സിഹ്ർ), അല്ലാഹു ആദരണീയമാക്കിയ മനുഷ്യാത്മാവിനെ അന്യായമായി വധിക്കൽ, പലിശ ഭക്ഷിക്കൽ, അനാഥൻ്റെ സ്വത്ത് ഭക്ഷിക്കൽ, യുദ്ധത്തിൽ നിന്ന് പിന്തിരിഞ്ഞോടൽ, പരിശുദ്ധകളും (മ്ലേഛവൃത്തികൾ) ചിന്തിക്കാത്തവരുമായ വിശ്വാസിനികളെപ്പറ്റി അപവാദം പ്രചരിപ്പിക്കൽ; (എന്നിവയാണവ)."
- ഹദീസ്: അഞ്ചു നമസ്കാരങ്ങൾ, ഒരു ജുമുഅ മുതൽ അടുത്ത ജുമുഅ വരെ, ഒരു റമദാൻ മുതൽ അടുത്ത റമദാൻ വരെ; ഇവക്കിടയിലുള്ള (തിന്മകൾക്കുള്ള) പ്രായശ്ചിത്തമാണ്; വൻപാപങ്ങൾ ഉപേക്ഷിക്കപ്പെട്ടുവെങ്കിൽ.
- ഹദീസ്: ചിലർ അല്ലാഹുവിൻ്റെ സമ്പത്തിൽ നിന്ന് അന്യായമായി (പലതും) കൈവശപ്പെടുത്തുന്നു. ഉയിർത്തെഴുന്നേൽപ്പിൻ്റെ നാളിൽ നരകമാണ് അവർക്കുള്ളത്.
- ഹദീസ്: നിങ്ങൾ ഊഹത്തെ സൂക്ഷിക്കുക. തീർച്ചയായും സംസാരങ്ങളിൽ ഏറ്റവും വലിയ കളവാകുന്നു ഊഹം.
- ഹദീസ്: മരണപ്പെട്ടവരെ നിങ്ങൾ മോശം പറയരുത്. തങ്ങൾ ചെയ്തു വെച്ചതിലേക്ക് അവർ എത്തിച്ചേർന്നിരിക്കുന്നു.
- ഹദീസ്: തൻ്റെ സഹോദരനെ മൂന്നിലധികം ദിവസത്തേക്ക് അകറ്റിനിർത്തൽ ഒരു മുസ്ലിമിന് അനുവദനീയമല്ല. രണ്ടു പേരും കണ്ടുമുട്ടുമ്പോൾ ഇവൻ ഇങ്ങോട്ടും, അവൻ അങ്ങോട്ടുമെന്ന രൂപത്തിൽ തിരിഞ്ഞു കളയുക (എന്നത് പാടില്ല). അവരിൽ ഏറ്റവും നല്ലവൻ ആദ്യം സലാം പറഞ്ഞു കൊണ്ട് തുടങ്ങുന്നവനാണ്.