Хадис: Чындыгында, биз менен алардын ортосундагы келишим намаз, ким аны таштаса, каапыр болот

عن بريدة رضي الله عنه قال: قال رسول الله صلى الله عليه وسلم:
«إِنَّ الْعَهْدَ الَّذِي بَيْنَنَا وَبَيْنَهُمُ الصَّلَاةُ، فَمَنْ تَرَكَهَا فَقَدْ كَفَرَ».
[صحيح] - [رواه الترمذي والنسائي وابن ماجه وأحمد] - [سنن النسائي: 463]

Бурайда (Аллах андан ыраазы болсун) риваят кылган хадисте Аллахтын Элчиси (ага Аллахтын тынчтыгы жана мактоосу болсун) айтты:
"Чындыгында, биз менен алардын ортосундагы келишим намаз, ким аны таштаса, каапыр болот".
[Сахих (ишенимдүү)] - [Ат-Тирмизи, ан-Насааи, Ибн Маажа жана Ахмад жазып калтырган] - [Сунан ан-Насааи - 463]

Түшүндүрмө

Пайгамбар (ага Аллахтын тынчтыгы жана мактоосу болсун) мусулмандар менен каапырлар жана мунафыктар ортосундагы келишим намаз экенин жана ким аны таштаса, каапыр болоорун баяндады.

Хадистин пайдалары

1. Намаздын мааниси чоң. Чындыгында, намаз ыймандуу менен каапырды айырмалап турат.
2. Ислам өкүмдөрү адамдын ички дүйнөсүнө эмес сырткы абалына карап бекитилет.